ଯବାନଙ୍କୁ ମିଳିବ ଏସି ଜ୍ୟାକେଟ୍ : ସୂଚନା ଦେଲେ, ଗୋଆର ମୁଖ୍ୟମନ୍ତ୍ରୀ ମନୋହର ପାରିକର
ଯବାନଙ୍କୂୁ ମିଳିବ ଏସି ଜ୍ୟାକେଟ୍ । ଖୁବ ଶୀଘ୍ର ସାରା ଦେଶରେ କାର୍ଯ୍ୟରତ ସ୍ୱତନ୍ତ୍ର ଫୋର୍ସର ଯବାନଙ୍କୁ ଏସି ଜ୍ୟାକେଟ୍ ଯୋଗାଇ ଦିଆଯିବ । ଗୋଆର ମୁଖ୍ୟମନ୍ତ୍ରୀ ତଥା ପୂର୍ବ ପ୍ରତିରକ୍ଷା ମନ୍ତ୍ରୀ ମନୋହର ପାରିକର ପାଣାଜିର ଏକ ଛାତ୍ର ସଂସ୍ଥାନରେ ଛାତ୍ରଙ୍କୁ ଏନେଇ ସୂଚନା ଦେଇଛନ୍ତି । ଏବେ ଏହି ଜ୍ୟାକେଟର ପରୀକ୍ଷଣ ଚାଲିଛି ବୋଲି ସେ କହିଛନ୍ତି । ଖୁବ ଶୀଘ୍ର ସ୍ପେସାଲ ଫୋର୍ସର ସମସ୍ତ ଯବାନଙ୍କୁ ଏହି ଜ୍ୟାକଟେର ସୁବିଧା ମିଳିବ ।
Kanak News is now on WhatsApp
Join and get latest news updates delivered to you via WhatsApp
ପାରିକର କହିଛନ୍ତି, ସୈନ୍ୟବଳ ଅନେକ କଠିନ ପରିସ୍ଥିତି ଦେଇ ଅପରେସନ ଚାଲୁ କରନ୍ତି ଏବଂ ସେହିି ସମୟରେ ସେମାନଙ୍କ ଶରୀରର ତାପମାତ୍ରା ଖୁବ ଅଧିକ ବଢ଼ିଯାଏ । ଯେଉଁଥିପାଇଁ ଯବାନମାନଙ୍କୁ ଅନେକ କଷ୍ଟ ସହିବାକୁ ପଡ଼େ । ଯବାନଙ୍କୁ ଏବେ ଯେଉଁ ଜ୍ୟାକେଟ୍ ଉପଲବ୍ଧ ରହିଛି, ସେଥିରେ ଶରୀରର ତାପମାତ୍ରାକୁ କମାଇବା ପାଇଁ କୌଣସି ସୁବିଧା ନାହିଁ ।
ପାରିକରଙ୍କୁ ଟାର୍ଗେଟ କଲେ ଶିବସେନା-
ଉଦ୍ଧବ ଠାକରେ କହିଛନ୍ତି, ଗୋଆର ମୁଖ୍ୟମନ୍ତ୍ରୀ ଉପନିର୍ବାଚନ ଲଢ଼ିବେ । ମୁଁ ତାଙ୍କ ବୟାନ ପଢ଼ିଛି ଯେଉଁଠି ସେ କହିଛନ୍ତି, ଯଦି ସେ ଉପନିର୍ବାଚନ ହାରିଯାଅନ୍ତି ତେବେ ପୁଣି ଥରେ ରକ୍ଷାମନ୍ତ୍ରାଳୟର ଦାୟିତ୍ୱ ନେବେ । ଯଦି ରକ୍ଷାମନ୍ତ୍ରାଳୟ ଭାରକୁ ଏପରି ହାଲୁକା ଭାବରେ ନିଆଯାଏ, ତେବେ ପୁରା ଦେଶରେ ଅରାଜକତା ସୃଷ୍ଟି ହେବ । ଉଦ୍ଧବ ଠାକରେଙ୍କ ମୁତାବକ, ପାରିକର ଜିତନ୍ତୁ କିମ୍ବା ହାରନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରକ୍ଷା ମନ୍ତ୍ରାଳୟକୁ ଗମ୍ଭୀରତା ସହ ନେବା ଉଚିତ୍ । ସୂଚନାଯୋଗ୍ୟ ଏହା ପ୍ରଥମ ଥର ନୁହଁ ଯେତେବେଳେ ଉଦ୍ଧବ ଠାକରେ ମୋଦି ସକରାରଙ୍କ କାର୍ଯ୍ୟପ୍ରଣାଳୀ ଉପରେ ପ୍ରଶ୍ନ ଉଠାଇଛନ୍ତି । ପ୍ରାୟ ସବୁ ସମୟରେ ଶିବସେନା ମୋଦି ସରକାରଙ୍କୁ ଟାର୍ଗେଟ କରିଆସୁଛି ।
ସୌଜନ୍ୟ-ଅମର ଉଜାଲା