ଭୋକ ବିକଳରେ କାନ୍ଦୁଥିଲା ଶିଶୁଟି, ମାଆ ପାଖରେ ବି ନଥିଲା କୌଣସି ବିକଳ୍ପ । ଠିକ୍ ଏତିକି ବେଳେ ଏୟାରହୋଷ୍ଟେସ ସ୍ତନ୍ୟପାନ କରାଇ ବଂଚାଇଲେ ପିଲାଟିର ଜୀବନ
ଫିଲିପିନ୍ସର ଏକ ଏୟାରଲାଇନରେ କାର୍ଯ୍ୟରତ ଜଣେ ଏୟାର ହୋଷ୍ଟେସ ସୋସିଆଲ ମିଡିଆରେ ବେଶ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । ପତ୍ରିସା ଫିଲିପିନ୍ସ ଏୟାରଲାଇନ୍ସରେ ଏୟାରହୋଷ୍ଟେସ ରୂପେ କାମ କରନ୍ତି । ଗତ ୬ ତାରିଖରେ ପତ୍ରିସାଙ୍କୁ ଏକ ଅଜବ ପରିସ୍ଥିତିର ସାମ୍ନା କରିବାକୁ ପଡିଥିଲା । ସେ ଡ୍ୟୁଟିରେ ଥିଲେ ଆଉ ଠିକ୍ ଏହି ସମୟରେ ଫ୍ଲାଇଟରେ ଏକ ଛୋଟ ପିଲା କାନ୍ଦିବାକୁ ଲାଗିଥିଲା । ତେବେ ଦୀର୍ଘ ସମୟ ଧରି ପିଲାଟିର କାନ୍ଦ ବନ୍ଦ ନହେବାରୁ ପତ୍ରିସା ଶିଶୁଟିର ମାଆଙ୍କ ନିକଟରେ ପହଂଚିଥିଲେ । ଏବଂ ତାଙ୍କୁ ପିଲାର କାନ୍ଦିବାର କାରଣ ସଂପର୍କରେ ପଚାରି ବୁଝିଥିଲେ । ଏହାପରେ ସେ ଜାଣିବାକୁ ପାଇଥିଲେ କି ଶିଶୁଟିର ଫର୍ମୂଲା ମିଲକ୍ ସରିଯାଇଛି ଏବଂ ଫ୍ଲାଇଟ ସପ୍ଲାଏ ନିକଟରେ ବି ମିଲକ ନାହିଁ । ଏଭଳି ପରିସ୍ଥିତିରେ ସେ ନିଜେ ଶିଶୁଟିକୁ ସ୍ତନ୍ୟପାନ କରାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବଡ କଥା ହେଲା କି, ଘଟଣାଟି ସେତେବେଳେ ଘଟିଥିଲା ଯେତେବେଳେ ସେ ଇଭେଲ୍ୟୁଏଟର ପଦବୀରେ ପ୍ରମୋଶନ ପାଇଁ ଫିଲିପିନ୍ସ ଏୟାରଲାଇନର ଟେଷ୍ଟ ଫ୍ଲାଇଟରେ ଥିଲେ । ପତ୍ରିସା କହିଛନ୍ତି କି, ସବୁକିଛି ଠିକ୍ ଠାକ୍ ଚାଲିଥାଏ, ଠିକ୍ ଏତିକି ବେଳେ ହିଁ ଏକ ଶିଶୁର କାନ୍ଦିବା ଶଦ୍ଦ ସେ ଶୁଣିବାକୁ ପାଇଥିଲେ । ଆଉ ଏହାପରେ ସେ ଜାଣିବାକୁ ପାଇଥିଲେ କି ଶିଶୁଟିର ମାଆ ନିକଟରେ ଫର୍ମୂଲା ମିଲକ ସରିଯାଇଛି । ଫ୍ଲାଇଟ ସପ୍ଲାଏ ନିକଟରେ ବି ମିଲକ ନଥିଲା । ଏଭଳି ପରିସ୍ଥିତିରେ ଅନ୍ୟ କୌଣସି ବିକଳ୍ପ ନପାଇ ସେ ଶିଶୁଟିକୁ ସ୍ତନ୍ୟପାନ କରାଇବାକୁ ଉଚିତ ମନେ କରିଥିଲେ ।
ପତ୍ରିସା କହିଛନ୍ତି କି, ସ୍ତନ୍ୟପାନ କରାଇବା ପରେ ଶିଶୁଟି ଶୋଇପଡିଥିଲା ଏବଂ ଶିଶୁଟିର ମାଆ ବି ବହୁତ ଖୁସି ହୋଇଯାଇଥାଏ । ଆପଣ ଜାଣି ଆଶ୍ଚର୍ଯ୍ୟ ହେବେ କି, ଗତ ତିନି ଦିନ ଭିତରେ ମହିଳାଙ୍କର ଏହି ପୋଷ୍ଟଟିକୁ ୩୪ ହଜାରରୁ ଅଧିକ ଥର ସେୟାର କରାଗଲାଣି । ଭଲ କଥା ହେଲା କି, ଏହି ଫ୍ଲାଇଟ ପରେ ପତ୍ରିସାଙ୍କର ପ୍ରମୋଶନ ମଧ୍ୟ ହୋଇ ଯାଇଥିଲା ।