ସାମ୍ନାକୁ ଆସିଲା ସାଘାଂତିକ ତଥ୍ୟ: ମାତ୍ର ୨୮୫ ଟଙ୍କାରେ ବିକ୍ରି ହେଉଛି ଆପଣଙ୍କ ଫେସବୁକ୍ ଆକାଉଂଟ, ୭୧ ହଜାରରେ ମିଳୁଛି ଅନଲାଇନର ପୂରା ଇତିହାସ
ଲୋକଙ୍କୁ ଯଦି ପଚରାଯାଏଁ ଆପଣଙ୍କ ବ୍ୟକ୍ତିଗତ ତଥ୍ୟର ମୂଲ୍ୟ କେତେ? ସମସ୍ତେ କହିବେ ବହୁ ମୂଲ୍ୟବାନ । କିନ୍ତୁ କିଛି ହ୍ୟାକରଙ୍କ ପାଇଁ ଏହି ସବୁ ତଥ୍ୟ କେବଳ ବ୍ୟବସାୟର ଏକ ମାର୍ଗ ମାତ୍ର । ଆପଣଙ୍କୁ ଏଠାରେ କହିରଖୁଛୁ ଆପଣଙ୍କ ଫେସବୁକ ପାସଓାର୍ଡକୁ ମାତ୍ର ୨୮୫ ଟଙ୍କାରେ କଳା ବଜାରରେ ବିକ୍ରି କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଫେସବୁକ ଡାଟା ଲିକକୁ ନେଇ ଚହଳ ସୃଷ୍ଟି ହୋଇଥିବାବେଳେ ଏକ ରିସର୍ଚ୍ଚରେ ଦାବି ହୋଇଛି କି, ଲୋକଙ୍କର ବ୍ୟାଙ୍କ ଖାତା, କ୍ରେଡିଟ୍ କାର୍ଡ, ଡେବିଟ୍ କାର୍ଡ, ଇମେଲ ସଂପର୍କିତ ତଥ୍ୟକୁ ମାମୁଲି ଦରରେ ବିକ୍ରି କରାଯାଉଛି । ଏହି କଳା ବଜାରରେ ଫେସବୁକ୍ ପାସଓାର୍ଡ ଦାମ ମାତ୍ର ୨୮୫ ଟଙ୍କାରେ ବିକ୍ରି ହେଉଥିବା ବେଳେ ମାତ୍ର ୭୧ ହଜାର ଟଙ୍କାରେ ପୂରା ଅନଲାଇନ ଇତିହାସ ବିକ୍ରି ହେଉଛି । ଏହାର ଦାମ ଏତେ ଶସ୍ତା ରହିଛି କାରଣ ଫେସବୁକରେ ଅନ୍ୟସବୁ ଥାର୍ଡ ପାର୍ଟି ଯେମିତି କି ଗେମ ଆପ,କ୍ୱିଜ ଆପ ଭଳି ଆପ ସବୁ ଥିବାରୁ ହ୍ୟାକର ସହଜରେ ଏହାକୁ ହ୍ୟାକ କରିନେଉଛନ୍ତି ।
୭୧ ହଜାରରେ ବିକ୍ରି ହେଉଛି ପୂରା ଅନଲାଇନ ଇତିହାସ
ହ୍ୟାକର ଡାର୍କ ୱେବରେ ସମ୍ପୁର୍ଣ୍ଣ ଅନଲାଇନ ଇତିହାସକୁ ୭୧ ହଜାରରେ ବିକ୍ରି ହେଉଛି । ଏଥିରେ ବ୍ୟାଙ୍କ ଏବଂ କ୍ରେଡିଟ କାର୍ଡ ସମ୍ବନ୍ଧୀୟ ସୁଚନା ମଧ୍ୟ ରହିଅଛି । ଜି ମେଲ ୟୁଜର ନାଁ ଏବଂ ପାସୱାର୍ଡ ୧ ଡଲାରରେ ମିଳୁଥିବା ବେଳେ ଉବର ଲଗଇନ ଡିଟେଲ ୭ ଡଲାରରେ ମିଳୁଥିବା ସୁଚନା ମିଳିଛି ।
ଇଣ୍ଟରନେଟ ଅଣ୍ଡରୱାର୍ଲଡ ଡାର୍କ ୱେବ
ଇଣ୍ଟରନେଟର ଏହି କଳା ଦୁନିଆରେ ଡ୍ରଗ୍ସ,ପର୍ଣ୍ଣ,ହତିଆର ସବୁର କାରବାର ହେଉଛି । ବିଶେଷଜ୍ଞଙ୍କ କହିବାନୁସାରେ ଟାରର ଆବିଷ୍କାର ରକ୍ଷା ସେବା ପାଇଁ ହୋଇଥିଲା ଯାହାଦ୍ୱାରା ପରିଚୟ ଗୁପ୍ତ ରଖାଯାଇ ଇଣ୍ଟରନେଟ ଚଲାଯାଇ ପାରିବ । କିନ୍ତୁ ପରେ ଏଠାକୁ ଅପରାଧି ପଶିଆସିଥିଲେ । ଟାରର ସାଇଟଗୁଡିକ ଡଟକମ ବଦଳରେ ଡଟ ଆନିୟନ ଏକ୍ସଟେନସନରେ ଖୋଲିଥାଏ । ଏହି ସାଇଟ କେବଳ ଟାରରେ ହିଁ ଦେଖାଯାନ୍ତି ଗୁଗଲରେ ନୁହଁ । ସୁଚନା ମିଳୁଛି କି ଡାର୍କ ନେଟର ଦୁନିଆ ଇଣ୍ଟରନେଟ ଠାରୁ ଦୁଇଗୁଣା ବଡ । ଏହି ସାଇଟରେ ପ୍ରତିଦିନ କୋଟି କୋଟି ସଂଖ୍ୟାରେ ଲୋକ ଲଗ ଇନ କରନ୍ତି କିନ୍ତୁ ତାଙ୍କ ପରିଚୟ ଗୁପ୍ତ ରହିଥାଏ ।