ସାବାଡ ହେବେ ଫେସବୁକ୍ ୟୁଜର୍ସ ! ବ୍ଲକ୍ ହେବା ପରେ ପୁଣି ଥରେ ଆକାଉଂଟ ଖୋଲିଲେ ମିଳିବ ଦଣ୍ଡ
ଦେଶରେ ସୋସିଆଲ ମିଡିଆର ବ୍ୟାପକ ଭାବେ ବୃଦ୍ଧି ପାଇବା କାରଣରୁ ଏହା ସହ ଜଡିତ ବିଭିନ୍ନ ଅପରାଧୀକ ମାମଲା ମଧ୍ୟ ବୃଦ୍ଧିବାରେ ଲାଗିଛି । ଯେଉଁଥିରେ ସର୍ବାଗ୍ରେ ରହିଛି ଫେସବୁକ୍ । ତେବେ ନିକଟରେ ଫେସବୁକ ସୋସିଆଲ ମିଡିଆରେ ହେଉଥିବା ବୁଲଇଂ ଏବଂ ଏହା ସହ ଜଡିତ ବିଭିନ୍ନ ଅପରାଧ ଉପରେ ଲଗାଇ ଲଗାଇବାକୁ ଏକ ବଡ ପଦକ୍ଷେପ ଉଠାଇଛି । ଯାହା ବିଷୟରେ ଆଜି ଆମେ ଆପଣଙ୍କୁ ଅବଗତ କରାଇବୁ । ତେବେ ଆସନ୍ତୁ ଜାଣିବା ସେସଂପର୍କରେ ।
Kanak News is now on WhatsApp
Join and get latest news updates delivered to you via WhatsApp
ଅନାବଶ୍ୟକ ମେସେଜ ବା ଫ୍ରେଣ୍ଡ ରିକ୍ୱେଷ୍ଟରୁ ମିଳିବ ମୁକ୍ତି
ସୂଚନା ମୁତାବକ, ଫେସବୁକ୍ ଏହି ନୂଆ ଫିଚର ଜରିଆରେ ୟୁଜର୍ସ ଅଦରକାରୀ ମେସେଜ ଏବଂ ଫ୍ରେଣ୍ଡ ରିକ୍ୱେଷ୍ଟରୁ ୟୁଜର୍ସଙ୍କୁ ମୁକ୍ତି ମିଳିବ । ବିଶେଷ କରି ମହିଳାମାନେ ସୋସିଆଲ ମିଡିଆ ଅଦରକାରୀ ବା ଅଚିହ୍ନା ଫ୍ରେଣ୍ଡ ରିକ୍ୱେଷ୍ଟ ଦ୍ୱାରା ଚିନ୍ତିତ ରହିଥାନ୍ତି ଆଉ ଫେସବୁକର ଏହି ପଦକ୍ଷେପ ଦ୍ୱାରା ମହିଳାଙ୍କ ସହ ହେଉଥିବା ଅପରାଧକୁ ରୋକାଯାଇପାରିବ ।
ଫେକ୍ ଆକାଉଂଟ୍ ଉପରେ ଲାଗିବ ରୋକ୍
ଫେସବୁକ୍ ସୂଚନା ମୁତାବକ, କିଛି ଲୋକ ସୋସିଆଲ ମିଡିଆ ମହିଳାଙ୍କୁ କିମ୍ବା ଅନ୍ୟ ୟୁଜର୍ସଙ୍କୁ ହଇରାଣ କରିବା ଉଦ୍ଦେଶ୍ୟରେ ବ୍ୟବହାର କରିଥାନ୍ତି । ଏବଂ ସେମାନଙ୍କର ଆକାଉଂଟକୁ ବ୍ଲକ କରାଯିବା ପରେ ବି ସେମାନେ ଅଲଗା ଅଲଗା ଆକାଉଂଟ କ୍ରିଏଟ୍ କରି ଲୋକଙ୍କୁ ହଇରାଣ କରିବାକୁ ଚେଷ୍ଟା କରିଥାନ୍ତି । ତେବେ ଫେସବୁକର ଏଭଳି ନିଷ୍ପତି ଦ୍ୱାରା ଫେକ୍ ଆକାଉଂଟ ଏବଂ ଏହା ଜରିଆରେ ଯାଉଥିବା ଅସାମୀଜିକ ଗତିବିଧିକୁ ରୋକାଯାଇପାରିବ ।
ସାବାଡ ହେବେ ଫେକ୍ ଆକାଉଂଟଧାରୀ
ସାଧାରଣତଃ ଥରେ ପେଜ୍ ବା ଆକାଉଂଟ ବ୍ଲକ କରାଯିବା ପରେ ଲୋକେ ଅଲଗା ଏକ ନୂଆ ଆକାଉଂଟ କ୍ରିଏଟ୍ କରି ପୁଣି ଥରେ ହଇରାଣ କରିବା ଆରମ୍ଭ କରିଦେଇଥାନ୍ତି । ମାତ୍ର ଫେସବୁକର ଏହି ନୂଆ ଟୁଲ୍ ସହାୟତାରେ ସେ ସମସ୍ତ ସନ୍ଦିଗ୍ଧ ଆକାଉଂଟଗୁଡିକ ଉପରେ ନଜର ରଖାଯିବ ।