ଭାରତର ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ସବୁ ହାସଲ କରିବା ପାଇଁ ପାକିସ୍ତାନ ଏବେ ଫେସବୁକର ସାହାରା ନେଉଛି । ଯଦି ଆପଣଙ୍କ ଫେସବୁକରେ କୌଣସି ପାକିସ୍ତାନି ଯୁବକ କିମ୍ବା ଯୁବତୀ ବନ୍ଧୁ ରହିଛନ୍ତି ତେବେ ତୁରନ୍ତ ତାଙ୍କୁ ଅନଫ୍ରେଣ୍ଡ କରି ଦିଅନ୍ତୁ । ଫେସବୁକରେ ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇ ଦ୍ୱାରା ସଂଚାଳିତ ୧୩ ଫେସବୁକ ଆଇଡି ଭାରତୀୟ ସୁରକ୍ଷା ସଂସ୍ଥାମାନଙ୍କ ହସ୍ତଗତ ହୋଇଛି । ଏଥି ମଧ୍ୟରୁ ୧୧୦୦ରୁ ବି ଅଧିକ ଲୋକଙ୍କ ଲିଙ୍କ ରହିଛି । ଯେଉଁମାନଙ୍କୁ ଭାରତୀୟ ଗୁଇନ୍ଦା ସଂସ୍ଥା ନିଜ ତଦନ୍ତ ପରିସରକୁ ବି ଆଣିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବ୍ରହ୍ମୋସ ଇଂଜିନିୟର ନିଶାନ୍ତ ଅଗ୍ରୱାଲ ଏବଂ ବିଏସଏଫ ଯବାନ ଅଚ୍ୟୁତାନନ୍ଦଙ୍କର ଗିରଫଦାରୀ ପରେ ସୁରକ୍ଷା ଏଜେନ୍ସିଗୁଡିକ ଫେସବୁକରେ ଅଧିକ ସକ୍ରିୟ ହୋଇଛନ୍ତି । ଏମାନଙ୍କ ବିରୋଧରେ ପାକିସ୍ତାନ ପାଇଁ ଗୁଇନ୍ଦାଗିରି କରୁଥିବା ଭଳି ସାଘାଂତିକ ଅଭିଯୋଗ ଆସିଥିଲା । ଦୁଇ ଜଣଙ୍କୁ ହିଁ ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇ ଫେସବୁକରେ ହନିଟ୍ରାପର ଶିକାର ବନାଇଥିଲା । ଏବେ ଭାରତୀୟ ସୁରକ୍ଷା ଏଜେନ୍ସିଗୁଡିକ ଫେସବୁକରେ ଏଭଳି ଆଇଡିକୁ ଠାବ କରୁଛି, ଯେଉଁମାନଙ୍କର ଲିଙ୍କ ପାକାସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇ ସହ ରହିଛି । ଏହି ତଦନ୍ତରେ ୧୩ ଏଭଳି ଆଇଡି ହସ୍ତଗତ ହୋଇଛି, ଯାହା ଭାରତୀୟ ଏଜେନ୍ସିଗୁଡିକ ନଜରକୁ ଆସିଛି ଏବଂ ଯାହା ଜରିଆରେ ଆଇଏସଆଇ ଲୋକଙ୍କୁ ହନିଟ୍ରାପରେ ଫଶାଇବାକୁ ପ୍ରୟାସ କରୁଛି ।
ଏଠାରେ ଆମେ କହି ରଖୁଛୁ କି, ଉତରପ୍ରଦେଶ ଏଟିଏସ ଏହି ୧୩ଟି ଆଇଡିର ଥିବା ୧୧୦୦ଫେସବୁକ ଫ୍ରେଣ୍ଡମାନଙ୍କର ଛାନଭିନ କରୁଛି । ଏମାନଙ୍କୁ ତିନୋଟି ଶ୍ରେଣୀରେ ବିଭକ୍ତ କରାଯାଇଛି । ପ୍ରଥମ ଶ୍ରେଣୀରେ ରକ୍ଷା ଏବଂ ସୈନ୍ୟ ବଳ, ଦ୍ୱିତୀୟରେ ଗୁରୁତ୍ୱପୂର୍ଣ୍ଣ ଏବଂ ସମ୍ବେଦନଶୀଳ ସ୍ଥାନମାନଙ୍କରେ କାମ କରୁଥିବା ଲୋକେ ଏବଂ ତୃତୀୟ ଶ୍ରେଣୀରେ ସାଧାରଣ ଲୋକଙ୍କୁ ରଖାଯାଇଛି । ଏହି ସବୁ ଲୋକମାନଙ୍କର ଫେସବୁକ ଆକାଉଂଟକୁ ପୁଂଖାନୁପୁଂଖ ଯାଂଚ କରାଯିବ ।ଏହାପରେ ସେମାନଙ୍କର ଗତିବିଧି ଉପରେ ସଂପୂର୍ଣ୍ଣ ଭାବରେ ନଜର ରଖାଯିବ । ଏବଂ ସୁନିଶ୍ଚିତ କରାଯିବ କି ଏମାନଙ୍କ ଦ୍ୱାରା ଦେଶର କୌଣସି ବି ଗୁରୁତ୍ୱପୂର୍ଣ୍ଣ ସୂଚନା ଆଇଏସଆଇର ଆକାଉଂଟଗୁଡିକୁ ଟ୍ରାନ୍ସଫର କରାଯାଉନାହିଁ ତ ।