ଫେସବୁକରେ ହେବ ବଡ ପରିବର୍ତ୍ତନ । ମାର୍କ ଜକରବର୍ଗ କଲେ ସତର୍କ । ଏଣିକି ବେଶି ସମୟ ବ୍ୟବହାର କରିପାରିବେନି ୟୁଜର
ବିଶ୍ୱର ସବୁଠାରୁ ବଡ ସୋସିଆଲ ମିଡିଆ ୱେବସାଇଟ୍ ଫେସବୁକ ଏବେ ନିଜ ପୂର୍ବାବସ୍ଥାକୁ ଫେରିବାକୁ ଯାଉଛି । ଯାହାର ସୂଚନା ଖୋଦ୍ ଫେସବୁକର ସିଇଓ ତଥା ମାର୍କ ଜକରବର୍ଗ ଦେଇଛନ୍ତିି । ଜକରବର୍ଗଙ୍କ କହିବା ଅନୁସାରେ, ଏବେ ଫେସବୁକର ନ୍ୟୁଜ୍ ଫିଡରେ ୟୁଜର୍ସଙ୍କୁ ସେମାନଙ୍କର ବନ୍ଧୁ ଏବଂ ପ୍ରିୟପରିଜନଙ୍କ ସହ ଜଡିତ କଂଟେଂଟ ଅଧିକ ମିଳିବ । ସେ କହିଛନ୍ତି କି, ନିକଟରେ ଫେସବୁକ ୟୁଜର୍ସଙ୍କଠାରୁ ତାଙ୍କୁ ଫିଡବ୍ୟାକ୍ ମିଳିଛି କି ବିଭିନ୍ନ ପବ୍ଲିକ୍ କଂଟେଂଟ, ବ୍ୟବସାୟ ସହ ଜଡିତ ପୋଷ୍ଟ, ବ୍ରାଣ୍ଡ ଏବଂ ମିଡିଆ ଇତ୍ୟାଦି ସେମାନଙ୍କର ବ୍ୟକ୍ତିଗତ ମୁହୂର୍ତ୍ତରେ ବାଧାସୃଷ୍ଟି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାର୍କ ଜକରବର୍ଗଙ୍କ କହିବା ଅନୁସାରେ, ଗତ କିଛି ବର୍ଷ ମଧ୍ୟରେ ଫେସବୁକରେ ବିଭିନ୍ନ ପ୍ରକାରର ଭିଡିଓ ଏବଂ ପବ୍ଲିକ କଂଟେଂଟର ସଂଖ୍ୟା ପ୍ରବଳମାତ୍ରାରେ ବୃଦ୍ଧିପାଇଛି । ଏପରିକି ଫେସବୁକରେ ବର୍ତ୍ତମାନ ଫ୍ରେଣ୍ଡସ ଏବଂ ଫ୍ୟାମିଲି ପୋଷ୍ଟରୁ ଅଧିକ ପବ୍ଲିକ ପୋଷ୍ଟ ନଜର ଆସୁଛି । ନ୍ୟୁଜ୍ ଫିଡର ବାଲାନ୍ସ ଫେସବୁକ ଦ୍ୱାରା କରାଯାଇଥିବା ମହତ୍ୱପୂର୍ଣ୍ଣ କାର୍ଯ୍ୟ ସହ ସିଫ୍ଟ ହୋଇଯାଇଛି । ଯାହାଦ୍ୱାରା ଲୋକେ ପରସ୍ପର ସହ ସଂପର୍କ ଗଢି ତୋଳିପାରନ୍ତି ।
ଖାଲି ଏତିକି ନୁହେଁ ମାର୍କ ଆହୁରୀ ମଧ୍ୟ କହିଛନ୍ତି କି,ଆଗାମୀ ଦିନମାନଙ୍କରେ ଆପଣଙ୍କୁ ଫେସବୁକର ନ୍ୟୁଜ୍ ଫିଡରେ ଏକ ବଡ ଧରଣର ପରିବର୍ତ୍ତନ ନଜର ଆସିବ । ଯାହା ସଂପର୍କରେ ଆମେ ତଳେ ଆଲୋଚନା କରିଛୁ ।
ଜାଣନ୍ତୁ କଣ ହେବ ପରିବର୍ତ୍ତନ
• ଫେସବୁକ୍ ନ୍ୟୁଜ୍ ଫିଡର ମୁଖ୍ୟଙ୍କ ସୂଚନା ମୁତାବକ, ୟୁଜର୍ସ କେବଳ ନିଜର ପ୍ରିୟ ପରିଜନଙ୍କ ସହ ଭାବର ଆଦାନପ୍ରଦାନ କରିପାରିବେ ।
• ନୂଆ ଅପଡେଟ୍ ସହିତ ଫେସବୁକ୍ ସେହି ସମସ୍ତ ପୋଷ୍ଟ ଉପରେ ଅଧିକ ଗୁରୁତ୍ୱ ଦେବ ଯେଉଁ ପୋଷ୍ଟରେ ଲୋକେ କାମ ବିଷୟରେ ଆଲୋଚନା କରିପାରିବେ । ଏଭଳି ପୋଷ୍ଟରେ ଲୋକେ ବାଦବିବାଦ କରିପାରିବେ ସେଥିପ୍ରତି ମଧ୍ୟ ଗୁରୁତ୍ୱ ଦିଆଯିବ ।
• ଫେସବୁକ୍ ମୁତାବକ, ଅପଡେଟ୍ ପରେ ମଧ୍ୟ ୟୁଜର୍ସଙ୍କୁ ପେଜର ପୋଷ୍ଟ ମିଳିବ । ଯାହାକୁ ସେମାନେ ଫଲୋ କରିପାରିବେ । ପୋଷ୍ଟକୁ ନ୍ୟୁଜ୍ ଫିଡରେ ଉପରେ ପାଇବା ପାଇଁ ସି ଫାଷ୍ଟ ଫିଚରର ବ୍ୟବହାର କରାଯାଇପାରିବ ।
ସୌଜନ୍ୟ: ଆଜତକ୍