ରାଜକୁମାରୀଙ୍କୁ ସଜା ! ଆରବର ୮ ରାଜକୁମାରୀଙ୍କୁ ୧୫ ମାସ ଜେଲ୍
ବେଲଜିୟମର ଏକ କୋର୍ଟ ‘ୟୁନାଇଟେଡ୍ ଆରବ ଇମାଇରେଟସ’ର ୮ ରାଜକୁମାରୀଙ୍କୁ ହ୍ୟୁମାନ ଟ୍ରାଫିକିଂ ଅଭିଯୋଗରେ ଦୋଷୀ ସାବ୍ୟସ୍ତ କରିଛି । ତେବେ ସେମାନଙ୍କ ବିରୋଧରେ ଘରେ କାମ କରୁଥିବା ଚାକରାଣୀମାନଙ୍କୁ ଅମାନବୀୟ ନିର୍ଯାତନା ଦେଉଥିବା ଅଭିଯୋଗ ଆସିଥିଲା । ଯେଉଁଥିପାଇଁ ଅଦାଲତ ଉକ୍ତ ରାଜକୁମାରୀମାନଙ୍କୁ ୧୫ ମାସ କାଳ ଜେଲ୍ ଦଣ୍ଡାଦେଶ ଶୁଣାଇଛନ୍ତି । ଏଥିସହିତ ୧,୮୫,୦୦୦ ଡଲାରର ଜରିମାନା ଦେବାକୁ ନିଦ୍ଦେର୍ଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ବିବିସିରେ ପ୍ରକାଶିତ ଖବର ମୁତାବକ, ଏହି ରାଜକୁମାରୀମାନଙ୍କ ବିରୋଧରେ ପାଖାପାଖି ୨୦ ଜଣ ସେବିକା ତଥା ଚାକରାଣୀଙ୍କୁ ଗୁଲାମ୍ ବନେଇ ରଖିଥିବା ଭଳି ଏକ ସଙ୍ଗୀନ୍ ଅଭିଯୋଗ ଆସିଥିଲା । ଆଉ ମାମଲାଟିର ସମାଧାନ ପାଇଁ ଲାଗିଥିଲା ପାଖିପାଖି ୯ ବର୍ଷ ।
ସୂଚନା ମୁତାବକ, ସମସ୍ତ ଚାକରାଣୀ ୨୦୦୮ରେ ରାଜକୁମାରୀମାନଙ୍କ ସହିତ ବ୍ରସେଲ୍ସ ଯାତ୍ରାରେ ଯାଇଥିଲେ । ତେବେ ଏହି ଘଟଣାଟି ସେତେବେଳେ ସାମ୍ନାକୁ ଆସିଲା ଯେତେବେଳେ ଜଣେ ଚାକରାଣୀ ସେଠାରୁ ଖସି ଆସିଥିଲା । ରାଜକୁମାରୀମାନେ ହୋଟେଲରେ ଏକ ସଂପୂର୍ଣ୍ଣ ଲଜ୍ୟୁରୀ ଫ୍ଲୋର୍ ଭଡାରେ ନେଇରଖିଥିଲେ ।
ଚାକରାଣୀମାନଙ୍କ କହିବା କଥା ହେଲା, ସେମାନଙ୍କୁ ୨୪ ଘଂଟା କାମ କରିବାକୁ କୁହାଯାଉଥିଲା । ଏଥିସହିତ ତଳେ ଶୋଇବାକୁ କୁହାଯାଉଥିଲା । ଖାଲି ସେତିକି ନୁହେଁ ସେମାନଙ୍କୁ ଛୁଟି ମଧ୍ୟ ଦିଆଯାଉନଥିଲା । ହୋଟେଲ୍ ବାହାରକୁ ମଧ୍ୟ ଛଡା ଯାଉନଥିଲା । ଏବଂ ରାଜକୁମାରୀଙ୍କ ଅଇଁଠା ଖାଇବାକୁ ବାଧ୍ୟ କରାଯାଉଥିଲା । ତେବେ ଉକ୍ତ ରାଜକୁମାରୀମାନେ ଏହି ଅଭିଯୋଗକୁ ଖଣ୍ଡନ କରିଛନ୍ତି ।
ସୌଜନ୍ୟ: ବିବିସି
ଏହା ସହ ମଧ୍ୟ ପଢନ୍ତୁ –ବାସ୍ତବ ଜୀବନରେ ମଧ୍ୟ ଠେକୁଆକୁ ମାତ୍ ଦେଲା କଇଁଛ ! ଭାଇରାଲ୍ ହେଲା ଭିଡିଓ