ଗୋଟିଏ ଭୁଲ୍ ପାଇଁ ଏବେ ଡବା ହୋଇଯିବ ‘ଟିଭି’ । କାରଣ ଜାଣିବା ପାଇଁ ପଢନ୍ତୁ ଏହି ରିପୋର୍ଟ

1

ସରକାରଙ୍କ ପକ୍ଷରୁ ଆରସି ଜାରି ହେବା ପରେ ବି ଏବେବି ୧୮ ଲକ୍ଷରୁ ଅଧିକ ଟଙ୍କା ମନୋରଂଜକ କର ବାବଦକୁ ଗୋମତିନଗର ଏବଂ ଅଲିଗଂଜ ଭଳି ଜିଲ୍ଲାରେ ଦୁଇଟି କେବୁଲ ଅପରେଟରଙ୍କ ଉପରେ ବାକି ରହିଛି । ଯେଉଁଥିପାଇଁ ଜିଲ୍ଲାଧିକାରୀ ବାଧ୍ୟହୋଇ ଏହି ଅପରେଟରଙ୍କୁ ନିଜର ପ୍ରସାରଣକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ଯଦି ସେମାନେ ୧୯ ତାରିଖ ସୁଦ୍ଧା ନିଜର ବକୟା ରାଶି ଏବଂ ଜରିମାନା ବାବଦକୁ ଟଙ୍କାକୁ ନ କାର୍ଯ୍ୟାଳୟରେ ଜମା ନକରନ୍ତି ତେବେ ସେମାନଙ୍କର ପ୍ରସାରଣକୁ ୨୦ ଜାନୁଆରୀକୁ ବନ୍ଦ କରିଦିଆଯିବ । ବଡକଥା ହେଲା କି, ଯଦି ଏହି କେବୁଲ ଅପରେଟରଙ୍କର ସର୍ଭିସକୁ ବନ୍ଦ କରିଦିଆଯାଏ ତେବେ ଏଥିରୁ ପାଖାପାଖି ୩୪୦୦ରୁ ଅଧିକ କନେକ୍ସନଧାରୀଙ୍କର ଟିଭି ଡବା ହୋଇଯିବ ।

 

 

ସୂଚନା ମୁତାବକ, ଏହି ଦୁଇଟି କେବୁଲ ଅପରେଟରଙ୍କୁ ନିଜ ପ୍ରସାରଣ ବାବଦକୁ କର ଦେବା ପାଇଁ ପୂର୍ବରୁ ଅନେକ ଥର ନୋଟିସ ପଠାଯାଇଥିଲା ମାତ୍ର ଏମାନେ ନୋଟିସକୁ ଅଣଦେଖା କରିବା ସହିତ ନିଜର ବାକି ଟଙ୍କାକୁ ଜମା କରିନଥିଲେ । ଯାହାଦ୍ୱାରା ବାଧ୍ୟ ହୋଇ ଜିଲ୍ଲାଧିକାରୀ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଏବଂ ୧୯ ଜାନୁଆରୀ ସୁଦ୍ଧା ଏହି ଟଙ୍କାକୁ ପଇଠ ନକଲେ ସେମାନଙ୍କର ପ୍ରସାରଣକୁ ୨୦ ଜାନୁଆରୀରୁ ବନ୍ଦ କରିଦିଆଯିବ ବୋଲି ନିର୍ଦ୍ଦେଶ ଦେଇଛନ୍ତି ।

ତେବେ ଏହି ଦୁଇ କେବୁଲ ଅପରେଟର ହେଲେ ସୂର୍ଯ୍ୟ ସାଟେଲାଇଟ୍ ନେଟୱର୍କ, ଯାହା ଉପରେ ବାକି ରହିଛି ୧୨ ଲକ୍ଷ ଟଙ୍କା । ଏବଂ ଅନ୍ୟଟି ହେଲା, ଶ୍ରୃତି କେବୁଲ ଟିଭି ଅପରେଟର ଆଉ ଏହା ଉପରେ ବାକି ରହିଛି ୬.୬୩ ଲକ୍ଷ ଟଙ୍କା । ଏଠାରେ ଆମେ କହି ରଖୁଛି କି, ବାରମ୍ବାର ନୋଟିସ ପଠାଯିବା ପରେ ବି ଏମାନେ ନିଜର ବକେୟା ଟଙ୍କାକୁ ଜମା କରିବାକୁ ମଙ୍ଗିନଥିଲେ ତେଣୁ ବାଧ୍ୟ ହୋଇ ଏମାନଙ୍କର ପ୍ରସାରଣକୁ ବନ୍ଦ କରିଦିଆଯିବ ବୋଲି ଜିଲ୍ଲାଧିକାରୀ ଏଭଳି ନୋଟିସ ପଠାଇଛନ୍ତି ।

ସୌଜନ୍ୟ: ଅମର ଉଜାଲା

Comments are closed.