ବାରମ୍ବାର ଦୌଡିବାକୁ ପଡିବନି କୌଣସି ବି କାର୍ଯ୍ୟାଳୟ । ଡ୍ରାଇଭିଂ ଲାଇସେନ୍ସଠାରୁ ଆରମ୍ଭ କରି ଆରସି ଟ୍ରାନ୍ସଫର ପର୍ଯ୍ୟନ୍ତ ସବୁ କାମ କରିପାରିବେ ଅନଲାଇନ୍ । ଜାଣନ୍ତୁ ପୂରା ପ୍ରକ୍ରିୟା
ରାସ୍ତାରେ ଗାଡି ଚଲାଇବାକୁ ହେଲେ ଚାଳକଙ୍କ ନିକଟରେ ଡ୍ରାଇଭିଂ ଲାଇସେନ୍ସ ରହିବା ନିହାତି ଅପରିହାର୍ୟ୍ୟ । କାରଣ ବିନା ଲାଇସେନ୍ସରେ ଡ୍ରାଇଭିଂ କରିବା ଏକ ଦଣ୍ଡନୀୟ ଅପରାଧ । ଏଥିପାଇଁ ଆପଣଙ୍କୁ ମୋଟା ରକମର ଫାଇନ ମଧ୍ୟ ଦେବାକୁ ପଡିଥାଏ । ତେଣୁ ଏହିସବୁ ସମସ୍ୟାରୁ ଦୂରରେ ରହିବା ପାଇଁ ଯଦି ଚାହୁଁଛନ୍ତି ତେବେ ତୁରନ୍ତ ଆପଣ ଡ୍ରାଇଭିଂ ଲାଇସେନ୍ସ ବନାଇଦିଅନ୍ତୁ । ସେହିପରି ଡିଏଲ ବନାଇବା ମଧ୍ୟ ପୂର୍ବପେକ୍ଷା ଆହୁରୀ ସହଜ ହୋଇପଡିଛି । କାହିଁକି ନା ପୂର୍ବରୁ ଲୋକଙ୍କୁ ଡ୍ରାଇଭିଂ ଲାଇସେନ୍ସ ପାଇଁ ବାରମ୍ବାର ଡିଏଲ ଅଫିସର ଚକ୍କର କାଟିବାକୁ ପଡୁଥିଲା କିନ୍ତୁ ଏବେ ଏହି କାମ ଆପଣ ଘରେ ବସି ବି ହୋଇପାରୁଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ମହାରାଷ୍ଟ୍ର, ତାମିଲନାଡୁ, ଗୁଜୁରାଟ, ହରିୟାଣା ଏବଂ ଗୋଆ ପରେ ଏବେ ଦିଲ୍ଲୀରେ ବି ଅନଲାଇନରେ ଡ୍ରାଇଭିଂ ଲାଇସେନ୍ସ ପ୍ରସ୍ତୁତ କରିବାର ସୁଯୋଗ ଦିଆଗଲାଣି । ଯାହାଦ୍ୱାରା ଦିଲ୍ଲୀବାସୀ ଏବେ ଘରେ ବସି ଅନଲାଇନ ଜରିଆରେ ଡିଏଲ ବନାଇପାରିବେ । ଖାଲି ଡିଏଲ ନୁହେଁ ବରଂ ଆରସି ଟ୍ରାନ୍ସଫର କରିବାର ସୁବିଧା ମଧ୍ୟ ଉପଲବ୍ଧ କରାଯାଇଛି । ତେବେ ଏହି ସୁବିଧା ଦିଲ୍ଲୀବାସୀଙ୍କୁ ଚଳିତ ମାସ ପହିଲାରୁ ହିଁ ଯୋଗାଇ ଦିଆଗଲାଣି । ଯାହାଦ୍ୱାରା ଲୋକେ ଲର୍ଣ୍ଣିଂ ଡ୍ରାଇଭିଂ ଲାଇସେନ୍ସ ଏବଂ ଗାଡିର ପଂଜିକରଣ ଅନଲାନ ଜରିଆରେ ହିଁ କରିପାରିବେ । ରାଜଧାନୀ ଦିଲ୍ଲୀର ନାଗରିକମାନଙ୍କ ପାଇଁ ଏହି ସେବା ଚଳିତ ମାସର ପ୍ରଥମ ତାରିଖରୁ ହିଁ ଲାଗୁ କରିଦିଆଯାଇଛି । ଏହା ପୂର୍ବରୁ ଦେଶର କିଛି ରାଜ୍ୟମାନଙ୍କରେ ଏହି ସେବା ପୂର୍ବରୁ ହିଁ ଲାଗୁ ହୋଇସାରିଛି । ଧିରେ ଧିରେ ଦେଶର ବାକି ରାଜ୍ୟର ଆରଟିଓରୁ ଆପଣ ଅନଲାଇନ ହିଁ ଏହି ସେବାର ଲାଭ ଉଠାଇପାରିବେ ।
ଏହାଛଡା ଦିଲ୍ଲୀ ପରିବହନ ବିଭାଗର କାର୍ଯ୍ୟାଳୟରେ ମଧ୍ୟ ସବୁ ପ୍ରକାରର ପେମେଂଟ କେବଳ ଅନଲାଇନ ଜରିଆରେ ହିଁ କରାଯାଇପାରିବ । ଦିଲ୍ଲୀ ସରକାର ଆଧାର ହେଲପ ଡେକ୍ସ ଅନୁସାରେ ହିଁ ଆରଡିଓ ହେଲପ ଡେକ୍ସ ଖୋଲିବା ଉପରେ ବିଚାର ବିମର୍ଷ କରୁଛନ୍ତି । ଏହି ହେଲପ ଡେକ୍ସ ଜରିଆରେ ମାତ୍ର ୬୦ ଟଙ୍କା ଖର୍ଚ୍ଚ କରି ହିଁ ଲୋକେ ଡ୍ରାଇଭିଂ ଲାଇସେନ୍ସଠାରୁ ଆରମ୍ଭ କରି ଅନ୍ୟାନ୍ୟ ସେବାଗୁଡିକର ଲାଭ ଉଠାଇ ପାରିବେ । ଏଥିସହିତ ହିଁ
• ନୂଆ ଡ୍ରାଇଭିଂ ଲାଇସେନ୍ସ ପାଇଁ ଆବେଦନ
• ଲାଇସେନ୍ସ ଏବଂ ଆରସିରେ ଦିଆଯାଇଥିବା ଠିକଣା ପରିବର୍ତ୍ତନ କରିବାର ସେବା
• ଡ୍ୟୁପ୍ଲିକେଟ୍ ଡ୍ରାଇଭିଂ ଲାଇସେନ୍ସ ବଦଳାଇବା
• କାରର ଓନରର୍ସିପ ଟ୍ରାନ୍ସଫର
ଏଠାରେ ଆମେ କହି ରଖୁଛୁ କି, ଗତବର୍ଷ ତଥା ୨୦୧୭ରେ ଦିଲ୍ଲୀରେ ପାଖପାଖି ୭ ଲକ୍ଷ ଗାଡିମାନଙ୍କର ପଂଜିକରଣ କରାଯାଇଥିଲା । ଯେଉଁଥିରେ ୫ ଲକ୍ଷ ଲର୍ଣ୍ଣିଂ ଲାଇସେନ୍ସ ଏବଂ ସାଢେ ୨ ଲକ୍ଷ ପର୍ମାନେଟ ଡ୍ରାଇଭିଂ ଲାଇସେନ୍ସ ଅନଲାଇନ ଇସ୍ୟୁ କରାଯାଇଥିଲା ।