କେତେ ଚିହ୍ନିଛନ୍ତି ନିଜକୁ ? ଜାଣନ୍ତୁ ମଣିଷର ୧୩ ରହସ୍ୟ
ପୃଥିବୀର ପ୍ରତିଟି ମଣିଷ ଏକାସଙ୍ଗେ ୧୩ଟି ରହସ୍ୟ ଗୋପନ ଭାବେ ନିଜ ଭିତରେ ରଖିଥାନ୍ତି । ସେଥି ମଧ୍ୟରୁ ୫ଟି ରହସ୍ୟ କୌଣସି ଅନ୍ୟ ଜୀବିତ ଆତ୍ମ ନିକଟରେ ପରିପ୍ରକାଶ କରି ନଥାଏ ବୋଲି ଏକ ଗବେଷଣାରୁ ଜଣା ପଡିଛି । ଆମେରିକାର କଲମ୍ବିଆ ବିଶ୍ୱବିଦ୍ୟାଳୟର ବିଶେଷଜ୍ଞମାନେ ୧୦ଟି ଭିନ୍ନ ଭିନ୍ନ ଗବେଷଣାରୁ ୧୩,୦୦୦ ଅଧ୍ୟୟନ ଉପରେ ତର୍ଜମା କରିଥିଲେ । ଏହାଦ୍ୱାରା ସେମାନେ ୩୮ଟି ସର୍ବାଧିକ ବର୍ଗର ରହସ୍ୟକୁ ପ୍ରାଧାନ୍ୟ ଦେଇଥିଲେ । ପରେ ଗବେଷକମାନେ ଅଧ୍ୟୟନରେ ସାମିଲ୍ ହୋଇଥିବା ସମସ୍ତ ଲୋକଙ୍କୁ ୩୮ଟି ସାଧାରଣ ବର୍ଗର ରହସ୍ୟ ମଧ୍ୟରୁ ବାଛି ନିଜ ରହସ୍ୟ ସହ ଗୋପନ ରଖିବା ଲାଗି କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜର୍ନାଲ୍ ଅଫ୍ ପର୍ସନାଲିଟି ଆଣ୍ଡ ସୋସିଆଲ୍ ସାଇକୋଲୋଜିରେ ପ୍ରକାଶିତ ଏହି ରିପୋର୍ଟ ମୁତାବକ, ଏକ ସମୟରେ ପ୍ରତିଟି ବ୍ୟକ୍ତି ୧୩ଟି ରହସ୍ୟ ଗୋପନ ରଖି ପାରୁଥିବା ସେମାନେ ଜାଣି ପାଇଥିଲେ । ସେଥିମଧ୍ୟରୁ ୫ଟି ସେମାନେ କେବେହେଲେ କାହାକୁ କହିବା ଲାଗି ଇଚ୍ଛୁକ ନଥିଲେ । ଉକ୍ତ ୫ଟି ଗୋପନ ତଥ୍ୟ ମଧ୍ୟରେ ରହିଛି ପରକୀୟା ପ୍ରୀତି ଇଚ୍ଛା ରଖିବା, ଯୌନ ସଂପର୍କ ଏବଂ ନିଜର ମିଥ୍ୟା ପ୍ରସଂଗ ଇତ୍ୟାଦି ।
ନିଜର ଏହି ଗୋପନ ତଥ୍ୟକୁ ମଣିଷ କାହା ସହ ବାଂଟି ନଥାଏ । ମନ ଭିତରେ ଗୋପନ ତଥ୍ୟ ରଖିବା ପ୍ରାଥମିକ ସ୍ତରରେ ଲୋକଙ୍କ ପାଇଁ ଏକ ନିଃସଙ୍ଗ ଅନୁଭୂତି ହୋଇଥାଏ । କିନ୍ତୁ ଲୋକେ ଯେତେବେଳେ ନିଜର ଲୁକ୍କାୟିତ ଗୋପନ ରହସ୍ୟ ସଂପର୍କରେ ବାରମ୍ବାର ଚିନ୍ତା କରିଥାନ୍ତି, ଏହା ସେମାନଙ୍କୁ ମାନସିକ ଭାବେ ଅଶାନ୍ତ କରି ଦେଇଥାଏ । ବାହାରକୁ ସେମାନେ ମନସ୍ତାତ୍ତ୍ୱିକ ବୋଝ ବଢିଯାଇଥିବା ଭଳି ଜଣା ପଡନ୍ତି ବୋଲି କଲମ୍ବିଆ ବିଜନେସ୍ ସ୍କୁଲର ପ୍ରଫେସର ମାଇକେଲ୍ ସ୍ଲପିଆନ୍ ପ୍ରକାଶ କରିଛନ୍ତି ।