ନିଆରା ଦଂପତି ! ଦୀର୍ଘ ୧୮ ବର୍ଷ ଧରି ନିଜ ସନ୍ତାନ ଭଳି ପାଳି ଆସୁଛନ୍ତି ଏକ ଗରିଲାକୁ
ସାଧାରଣତଃ ଲୋକମାନେ ଘରମାନଙ୍କରେ କୁକୁର ,ବିରାଡି ଆଦି ଘରୋଇ ଜୀବଜନ୍ତୁଙ୍କ ପାଳନ କରିବାକୁ ପସନ୍ଦ କରିଥାନ୍ତି । ମାତ୍ର ଏଭଳି ଏକ ଅଦ୍ଭୁତ ଦଂପତି ଯେ ,କି ନିଜ ଘରେ ଏକ ଗରିଲାକୁ ପାଳିଥିବାର ଖବର ସାଧାରଣରେ ଚର୍ଚ୍ଚାର ବିଷୟ ପାଲଟିଛି । ତେବେ ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ବୃଦ୍ଧ ଦଂପତି ହେଲେ ଫ୍ରାନ୍ସର ପିଏରୈ ଓ ଏଲେନେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଏହି ବୃଦ୍ଧ ଦଂପତି ଦୀର୍ଘ ୧୮ ବର୍ଷ ଧରି ଏକ ଗରିଲାଟିକୁ ନିଜ ଘରେ ପାଳି ଆସିଛନ୍ତି । ସବୁଠାରୁ ବଡ କଥା ହେଲା ଏହି ଦଂପତି ଜଣଙ୍କ ଗରିଲାଟିକୁ ନିଜ ସନ୍ତାନ ଭଳି ଲାଳନପାଳନ କରିବା ସହ ତାର ସଂପୂର୍ଣ୍ଣ ଧ୍ୟାନ ମଧ୍ୟ ରଖିଆସିଛନ୍ତି । ଖାଲି ସେତିକି ନୁହେଁ ସେମାନେ ଏହି ଗରିଲାଟିକୁ ପାଖରେ ଶୁଆଇବାଠାରୁ ଆରମ୍ଭକରି ତାକୁ ଖୁଆଇ ମଧ୍ୟ ଦେଉଥିବାର ଦେଖିବାକୁ ମିଳିଛି ।
ତେବେ ଏହି ଗରିଲାଟିର ନାଁ ରଖାଯାଇଥିଲା ଡିଜିଟ୍ । ଯେତେବେଳେ ଏହି ବୃଦ୍ଧ ଦଂପତି ଡିଜିଟକୁ ଘରକୁ ଆଣିଥିଲେ ସେତେବେଳେ ସେ ବହୁତ ଛୋଟ ଓ ଦୁର୍ବଳ ଥିଲା । ମାତ୍ର ଏବେ ଏହି ଗରିଲାଟି ସଂପୂର୍ଣ୍ଣ ଭାବରେ ବଡ ହୋଇଯାଇଛି କିନ୍ତୁ ଆଶ୍ଚର୍ଯ୍ୟକର କଥା ହେଲା ଗରିଲାଟି ଏହି ଦଂପତିଙ୍କ କୌଣସି ବି କ୍ଷତି କରି ନଥିବା ଦେଖିବାକୁ ମିଳିଛି ।
ଗରିଲାଟି ରହିବାପାଇଁ ଏହି ବୃଦ୍ଧ ଦଂପତି ଏକ ଚିଡିଆଖାନା ମଧ୍ୟ ନିର୍ମାଣ କରିଛନ୍ତି । ମାତ୍ର ଆଶ୍ଚର୍ଯ୍ୟକର ପ୍ରସଙ୍ଗ ହେଲା ପ୍ରାୟ ୧୩ ବର୍ଷ ହେଲା ଏହି ବୃଦ୍ଧ ଦଂପତି ବାହାରକୁ କେଉଁଆଡେ ଯାଇନାହାନ୍ତି । ତାଙ୍କର କହିବା କଥା ହେଲା, ‘ଯଦି ସେ ବାହାରକୁ ଯାଉଛନ୍ତି ତେବେ ଗିଜିଟର ଧ୍ୟାନ ରଖିବାକୁ କେହି ନାହାଁନ୍ତି ଆଉ ଏପରି ସ୍ଥଳରେ ସେ ବହୁତ ଏକୁଟିଆ ମନେକରିବ । ବିଶେଷ କଥା ହେଲା ଗିଜିଟ୍ ବର୍ତ୍ତମାନ ବଡ ହୋଇ ଗଲାଣି ତାପାଇଁ ଏକ ବଡ ଚିଡିଆଖାନା ପ୍ରସ୍ତୁତ କରିବାକୁ ପଡିବ କାରଣ, ଏବେ ସେ ଦଂପତିଙ୍କ ପାଖରେ ଶୋଇବାରେ ସମସ୍ୟା ହେଉଛି ।’
ଏହା ସହ ଦେଖନ୍ତୁ ଏହି ଭିଡିଓ-