ଘରେ ବିଜୁଳୀ ମିଟର ଅଛି କି? ତେବେ ମିଳିପାରେ ୫ ଲକ୍ଷ ଟଙ୍କାର ମାଗଣା ସ୍ୱାସ୍ଥ୍ୟ ବୀମା
ସର୍ବପ୍ରଥମେ ଏଠାରେ ଆମେ ସ୍ପଷ୍ଟ କରିବାକୁ ଚାହିଁବୁ କି, ଏହି ସୁବିଧା ବର୍ତ୍ତମାନ ଦିଲ୍ଲୀବାସୀଙ୍କ ପାଇଁ ଆରମ୍ଭ ହେବାକୁ ଯାଉଛି । ଦିଲ୍ଲୀରେ ୨ କିଲୋୱାଟ କିମ୍ବା ଏହାଠୁ କମ ବିଜୁଳୀ ମିଟର ବ୍ୟବହାର କରୁଥିବା ପରିବାରକୁ ୫ ଲକ୍ଷ ଟଙ୍କାର ମାଗଣା ସ୍ୱାସ୍ଥ୍ୟ ବୀମା ପ୍ରଦାନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ମୁତାବକ, ଦିଲ୍ଲୀ ସରକାର ମୋଦି ସରକାରଙ୍କ ବହୁଚର୍ଚ୍ଚିତ ଯୋଜନା ତଥା ଆୟୁଷ୍ମାନ ଭାରତ ଯୋଜନାରେ ସାମିଲ ହେବାକୁ ସହମତି ପ୍ରକାଶ କରିନାହାଁନ୍ତି ସତ ମାତ୍ର ଦିଲ୍ଲୀବାସୀଙ୍କ ୫ ଲକ୍ଷ ଟଙ୍କାର ମାଗଣା ସ୍ୱାସ୍ଥ୍ୟ ବୀମା ପ୍ରଦାନ କରିବାକୁ ଯୋଜନା ପ୍ରସ୍ତୁତ କରିଛନ୍ତି । ଆଉ ଏହି ଯୋଜନାରେ କିଛି ସର୍ତ୍ତ ମଧ୍ୟ ରଖାଯାଇଛି, ଯେଉଁଥିରେ ଇନକମ ଟ୍ୟାକ୍ସ ଭରୁଥିବା ଏବଂ ସରକାରୀ କର୍ମଚାରୀମାନଙ୍କୁ ଏଥିରୁ ବାଦ ଦେବାକୁ ନିଷ୍ପତି ନିଆଯାଇଛି । ତେବେ ଏହି ଯୋଜନାକୁ ଲାଗୁ କରିବା ପାଇଁ ଦିଲ୍ଲୀ ସରକାର ବିଜୁଳୀ ବିତରଣ କରୁଥିବା ବିଭିନ୍ନ କଂପାନୀମାନଙ୍କ ସହ ଆଲୋଚନା କରିବା ସହ ତଥ୍ୟ ସଂଗ୍ରହ କରୁଛନ୍ତି ।
ଏହି ଯୋଜନାର କିଛି ଖାସ୍ କଥା
• ନ୍ୟାସନାଲ ଫୁଡ ସିକ୍ୟୁରିଟି କାର୍ଡ ଧାରକମାନଙ୍କୁ ଏହି ଯୋଜନର ଲାଭ ମିଳିବ ।
• ଇନକମ ଟ୍ୟାକ୍ସ ଦେଉଥିବା ବ୍ୟକ୍ତି ବିଶେଷଙ୍କୁ ମାଗଣା ସ୍ୱାସ୍ଥ୍ୟ ବୀମା ମିଳିବ ନାହିଁ ।
• ସରକାରୀ କର୍ମଚାରୀମାନେ ମଧ୍ୟ ଏହି ମାଗଣା ବୀମାର ଲାଭ ଉଠାଇ ପାରିବେ ନାହିଁ ।
• ଏହି ଯୋଜନା ଆଧାରରେ ଡିଏମ, ଏମସିଏଚ ଡାକ୍ତରମାନଙ୍କୁ ପ୍ୟାକେଜରୁ ୧୫ ପ୍ରତିଶତ ଅଧିକ ମିଳିବ ।