ଭିନ୍ନ ଏକ ଘୋଷଯାତ୍ରା : ଯେଉଁଠି ନାହିଁ ଚାକଚକ୍ୟ କି ନାହିଁ ନନ୍ଦିଘୋଷ । ରହିଛି କେବଳ ଗ୍ରାମବାସୀଙ୍କ ଆସ୍ଥା ଓ ବିଶ୍ୱାସ
କନକ ବ୍ୟୁରୋ: ମାନବୀୟ ଲୀଳା କରୁଛନ୍ତି ମହାପ୍ରଭୁ । ରତ୍ନ ସିଂହାସନ ଛାଡି ଜନ୍ମବେଦୀରେ ପୂଜା ପାଉଛନ୍ତି ତିନି ଠାକୁର । ଏଥିପାଇଁ କେବଳ ଓଡିଶା ନୁହେଁ ସାରା ବିଶ୍ୱରେ ପାଳିତ ହେଉଛି ରଥ ଯାତ୍ରା । ଆଜି ଆମେ ଆଲୋଚନା କରିଛୁ ଭିନ୍ନ ଏକ ଘୋଷଯାତ୍ରା ସଂପର୍କରେ । ଯେଉଁଠି ନାହିଁ ଚାକଚକ୍ୟ କି ନାହିଁ ନନ୍ଦିଘୋଷ । ରହିଛି କେବଳ ଗ୍ରାମବାସୀଙ୍କ ଆସ୍ଥା ଓ ବିଶ୍ୱାସ । ସୁନ୍ଦରଗଡ ଟାଙ୍ଗରପାଲି ବ୍ଲକ ଯୋଗିମାଲ ଗାଁରେ ମନ୍ଦିର ନାହିଁ ହେଲେ କାହିଁ କେଉଁ କାଳରୁ ଅନୁଷ୍ଠିତ ହୋଇଆସୁଛି ରଥଯାତ୍ରା ।
Kanak News is now on WhatsApp
Join and get latest news updates delivered to you via WhatsApp
ପୁରୀରେ ରଥଯାତ୍ରା ଆଷାଢ ମାସ ଶୁକ୍ଳ ପକ୍ଷ ଦ୍ୱିତୀୟା ତିଥିରେ ପାଳିତ ହେଉଥିବା ବେଳେ ଏଠି ହେରା ପଚଂମୀ ଦିନ ଅନୁଷ୍ଠିତ ହୋଇଥାଏ । ନିଜ ଗାଁରେ ମନ୍ଦିର ନଥିବା ବେଲେ ଗ୍ରାମବାସୀ ନିକଟସ୍ଥ ଡମବାହାଲ ଗାଁ ମନ୍ଦିରରୁ ଠାକୁରଙ୍କ ବିଗ୍ରହ ଆଣି ଯୋଗିମାଲରେ ରଥଯାତ୍ରା କରିଥାନ୍ତି । ହେରା ପଚଂମୀ ଦିନ ସକାଳୁ ଗ୍ରାମବାସୀ କାନ୍ଧରେ ଟୋକେଇ ଧରି ବାହାରି ଯାଆନ୍ତି ଡମବାହାଲ ମନ୍ଦିରରୁ ଚତୁର୍ଦ୍ଧା ମୂର୍ତିକୁ ଆଣିବା ପାଇଁ । ଆଉ ଏହି ଟୋକେଇରେ ମାହାପ୍ରଭୁଙ୍କୁ ଆଣିବା ପରେ ପୂଜାପାଠ କରାଯାଏ । ପରେ ସଂଧ୍ୟରେ ଛେରା ପହଁରା ନୀତି ଅନୁଷ୍ଠିତ ହୋଇ ରଥ ବଡଦାଣ୍ଡ ପର୍ଯ୍ୟନ୍ତ ଟଣା ହୋଇଥାଏ ।
ସେହିଭଳି ଝାରସୁଗୁଡାରେ ମଧ୍ୟ ନିଆରା ଢଙ୍ଗରେ ରଥଯାତ୍ରା ପାଳନ କରାଯାଇଛି । ଲଖନପୁର ବ୍ଲକ ରେମେଣ୍ଡା ଗାଁରେ ହିନ୍ଦୁ ଓ ମୁସଲିମ୍ ସଂପ୍ରଦାର ମଣିଷ ମିଳିମିଳି ରଥଯାତ୍ରା ପାଳନ କରିଛନ୍ତି । ଦୀପାବଳୀ, ଇଦ୍, ପୁଷପୂର୍ଣ୍ଣିମା, ମହରମ୍ ଭଳି ରଥଯାତ୍ରାକୁ ମଧ୍ୟ ଏଠି ଏକାଠି ପାଳନ କରିଛନ୍ତି । ଗାଁରେ ଉଭୟ ସଂପ୍ରଦାର ଲୋକ ବସବାସ କରୁଥିବା ବେଳେ ଗାଁର ଗୁଡି ଘରେ ପୂଜା ପାଇଥାନ୍ତି ମହାପ୍ରଭୁ ଜଗନ୍ନାଥ, ବଡ ଠାକୁର ବଳଭଦ୍ର ଏବଂ ଦେବୀ ସୁଭଦ୍ରା ।
ଆଷାଢ ପଂଚମୀ ତିଥିରେ ଏଠାରେ ରଥଯାତ୍ରା ଅନୁଷ୍ଠିତ ହୋଇଥାଏ । ୧୧୮ ବର୍ଷ ହେବ ଏଠାରେ ନିଆରା ଢଙ୍ଗରେ ରଥଯାତ୍ରା କରାଯାଉଛି । ବିଶେଷ କରି ପରମ୍ପରା ଅନୁସାରେ ମୁସଲମାନ୍ ସଂପ୍ରଦାୟର ଗୌନ୍ତିଆ ମୁଖ୍ୟ ଛେରା ପହଁରା କରିବା ପରେ ରଥଟଣା ହୋଇଥାଏ । ବଂଶାନୁକ୍ରମେ ଏବେ ଗୌନ୍ତିଆ ବଂଶଜ ମହମ୍ମଦ ଜିମଉଲ୍ଲା ରଥରେ ଛେରା ପହଁରା କରିବା ପରେ ଚଳିତ ବର୍ଷ ରଥଯାତ୍ରା ଅନୁଷ୍ଠିତ ହୋଇଛି ।