ବାପା-ମାଆଙ୍କ କଳା କାରନାମା ! ନିଜ ୧୬ ବର୍ଷର ଝିଅର ବନ୍ଧୁଙ୍କୁ ଟଙ୍କାର ପ୍ରଲୋଭନ ଦେଖାଇ ତିଆରି କରୁଥିଲେ ଅଶ୍ଳୀଳ ଭିଡିଓ
ସାଧରଣତଃ ଘରର ମୁରବୀ କହିଲେ ବାପା ମାଆଙ୍କୁ ବୁଝାଇଥାଏ । ଆଉ ସେମାନେ ପିଲାମାନଙ୍କୁ ଦୁନିଆରେ ଗୋଟେ ଭଲ ମଣିଷ ହେବା ପାଇଁ ମଧ୍ୟ ବାଟ ଦେଖାଇଥାନ୍ତି । ମାତ୍ର ନିକଟରେ ଏକ ଘଟଣା ସାମ୍ନାକୁ ଆସିଛି ଯାହା ବିଷୟରେ ଜାଣିଲେ ଆପଣ ମଧ୍ୟ ବାପା ମାଆ ଭଳି ପବିତ୍ର ସଂପର୍କକୁ ଭୁଲ ବୋଲି ଚିନ୍ତା କରିବେ । ୟୁଏସରେ ଏକ ଦଂପତି ନିଜ ୧୬ ବର୍ଷ ବୟସର ଝିଅର ବନ୍ଧୁମାନଙ୍କୁ ଟଙ୍କାର ଲୋଭ ଦେଖାଇ ସେମାନଙ୍କ ଅଶ୍ଳୀଳ ଭିଡିଓ ତିଆରି କରି ମାର୍କେଟରେ ବିକ୍ରି କରୁଥିବାର ଏକ ସଂଗୀନ ଅଭିଯୋଗ ଆସିଛି । ଅଭିଯୁକ୍ତ ଦଂପତି ସେମାନଙ୍କୁ ଯୌନ ସମ୍ବନ୍ଧ ରଖିବାକୁ ବାଧ୍ୟକରିବା ସହ ସେମାନଙ୍କ ଅଶ୍ଳୀଳ ଭିଡିଓ ତିଆରି କରି ବିକ୍ରି କରିବାକୁ ନିଜର ପ୍ରଫେସନ କରିଦେଇଥିଲେ । ଯାହା ଜଣା ପଡିବା ପରେ ଏବେ ଏହାକୁ ନେଇ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ଡେଲି ମେଲର ଖବର ମୁତାବକ, ଏହି ଘଟଣା ୟୁଏସର ମିସିଗନ ସ୍ଥିତ ଔଟାବା କାଉଂଟି ଅଂଚଳରେ ଦେଖିବାକୁ ମିଳିଛି । ତେବେ ଅଭିଯୁକ୍ତ ଦଂପତି ହେଲା ଅନୁଜ ଚୋପଡା(୪୧ ବର୍ଷ) ଓ ଲେର୍ଲି ଚୋପଡା (୪୨ ବର୍ଷ) । ପୋଲିସର ସୂଚନା ଅନୁସାରେ, ଏହି ଦଂପତି ଅଶ୍ଳୀଳ ଫିଲ୍ମ ତିଆରି କରିବା ପାଇଁ ନିଜ ଝିଅର ଦୁଇ ବନ୍ଧୁଙ୍କୁ ଟଙ୍କାର ଲୋଭ ଦେଖାଇ ଏକ ହୋଟେଲକୁ ଡାକିଥିଲେ । ଆଉ ସେଠାରେ ତାଙ୍କୁ ବିଭିନ୍ନ ପ୍ରଲୋଭନ ଦେଖାଇ ସେମାନଙ୍କ ଅଶ୍ଳୀଳ ଭିଡିଓ ତିଆରି କରିଥିଲେ ବୋଲି ସୂଚନା ମିଳିଛି ।
ଲେର୍ଲି ଚୋପଡାଙ୍କ ଉପରେ ମାମଲା ରହିଛି ଯେ, ସେ ସୋସିଆଲ ମିଡିଆ ଜରିଆରେ ଟଙ୍କାର ଲୋଭ ଦେଖାଇ ଝିଅର ବନ୍ଧୁଙ୍କୁ ପ୍ରଲୋଭନ ଦେଖାଇ ଥିଲେ । ତେବେ ତଦନ୍ତ ଅଧିକାରୀମାନେ ଉକ୍ତ ଅଭିଯୁକ୍ତ ଦଂପତିଙ୍କ ଫୋନ ଓ କଂମ୍ୟୁଟର ଯାଂଚ କରିଥିଲେ । ଆଉ ସେଥିରୁ ଅନେକ ଗୁରୁତ୍ୱ ପୂର୍ଣ୍ଣ ସୁରାଗ ମଧ୍ୟ ପାଇଥିଲେ । ପୋଲିସ ଏହି ଅଭିଯୁକ୍ତ ଦଂପତିଙ୍କ ଉପରେ ଦୁଇ ଦୁଇଟି ମାମଲା ରୁଜ୍ଜୁ କରିଛି । ତେବେ ଏହି ମାମଲାର ଖୁଲାସା ପରେ ଦଂପତି ଜଣକ ପୋଲିସ ସମ୍ମୁଖରେ ଆତ୍ମସମର୍ପଣ କରିଛନ୍ତି । ପରେ ତାଙ୍କୁ ଜାମିନରେ ଛଡାଯାଇଥିଲା । ବର୍ତ୍ତମାନ ପୋଲିସ ଏହି ମାମଲାର ତଦନ୍ତ କରୁଛି ।