ନୋଟବନ୍ଦ ପରେ ମୁଦ୍ରାବନ୍ଦ । ଚାରୋଟି ଟଙ୍କାଶାଳରେ ମୁଦ୍ରାତିଆରି ବନ୍ଦ
ମୋଦି ସରକାରଙ୍କର ସତ୍ତାକୁ ଏବେ ଚାରି ବର୍ଷ ପୂରିବାକୁ ଯାଉଛି । ନିଜ କାର୍ଯ୍ୟକାଳ ମଧ୍ୟରେ ମୋଦି ସରକାର ଆର୍ଥିକ ସ୍ଥିତିରେ ଅନେକ ବଡ ଧରଣର ପରିବର୍ତ୍ତନ ଆଣିସାରିଛନ୍ତି । ଯାହାର ପ୍ରଭାବ ଏବେବି ଲୋକମାନଙ୍କଠାରେ ଦେଖାଦେଇଛି । ମୋଦିଙ୍କର ବିମୁଦ୍ରାକରଣ ଭଳି ଐତିହାସିକ ନିଷ୍ପତିକୁ ଲୋକେ ନଭୁଲୁଣୁ ଏବେ ପୁଣି ଗୋଟିଏ ସମସ୍ୟା ସୃଷ୍ଟି ହେବାକୁ ଯାଉଛି । ଆଉ ସେ ହେଉଛି ‘ମୁଦ୍ରାବନ୍ଦୀ’ ।
Kanak News is now on WhatsApp
Join and get latest news updates delivered to you via WhatsApp
ନୋଟବନ୍ଦୀ ପରେ ଏବେ ମୁଦ୍ରାବନ୍ଦୀ କରିବାକୁ ଯାଉଛନ୍ତି ମୋଦି ସରକାର ଆଉ ଏନେଇ ପ୍ରସ୍ତୁତି ମଧ୍ୟ ଜୋରସୋରେ ଚଳାଇଛନ୍ତି ମୋଦି । ସୂଚନା ମୁତାବକ, ନୋଏଡା, ମୁମ୍ବାଇ, କୋଲକାତା ଏବଂ ହାଇଦ୍ରାବାଦରେ ଥିବା ମୁଦ୍ରାଶାଳରୁ ବର୍ତ୍ତମାନ ମୁଦ୍ରା ତିଆରିକୁ ଏକପ୍ରକାରେ ବନ୍ଦ କରିଦିଆଯାଇଛି । କାରଣ ଏହି ୪ଟି ସ୍ଥାନରେ ହିଁ ଭାରତୀୟ ମୁଦ୍ରା ତିଆରି କରାଯାଇଥାଏ ।
ଆରବିଆଇର ଜଣେ ଅଧିକାରୀଙ୍କ ସୂଚନା ଅନୁସାରେ, ଗତ ମଙ୍ଗଳବାରଠାରୁ ଏହି ମୁଦ୍ରା ତିଆରି ବନ୍ଦ କରି ଦିଆଯାଇଥିବା ଜଣାପଡିଛି । କୁହାଯାଉଛି କି, ବିମୁଦ୍ରାକରଣ ସମୟରେ ବହୁ ପରିମାଣରେ ମୁଦ୍ରା ତିଆରି କରାଯାଇଥିଲା । ତେଣୁ ଏହାକୁ ନିୟନ୍ତ୍ରଣକୁ ନେବା ପାଇଁ ଏପରି ନିଷ୍ପତ୍ତି ନିଆଯାଇଛି । ଜାନୁଆରି ୮ ତାରିଖ ସୁଦ୍ଧା ପ୍ରାୟ ୨୫ ଶହ ମିଲିଅନ ଖଣ୍ଡ ମୁଦ୍ରା ଗଚ୍ଛିତ ରହିଛି ବୋଲି ଜଣାପଡିଛି । ତେଣୁ ପରବର୍ତ୍ତୀ ନିଷ୍ପତି ନିଆଯିବା ଯାଏଁ ଟଙ୍କାଶାଳ ବନ୍ଦ ରହିବ ବୋଲି କହିଛି ଆରବିଆଇ ପକ୍ଷରୁ ସୂଚନା ମିଳିଛି ।
ଏଠାରେ ଆମେ କହି ରଖୁଛୁ କି, ୮ ନଭେମ୍ବର, ୨୦୧୬ରେ ମୋଦି ସରକାର ନୋଟବନ୍ଦୀ ନିଷ୍ପତି ନେଇଥିଲେ । ଯାହାଦ୍ୱାରା ପୁରୁଣା ୫୦୦ ଏବଂ ୧୦୦୦ ଟଙ୍କିଆ ନୋଟର ପ୍ରଚଳନକୁ ସଂପୂର୍ଣ୍ଣ ଭାବେ ବନ୍ଦ କରିଦିଆଯାଇଥିଲା । ତେବେ ମୋଦିସରକାରଙ୍କ ଏଭଳି ନିଷ୍ପତି ପଛର ଏକମାତ୍ର ଉଦ୍ଦେଶ୍ୟ ରହିଥିଲା ଦେଶରୁ କଳାଧନର ମୂଳୋତ୍ପାଟକ କରିବା ।
ସୌଜନ୍ୟ: ଆଜତକ୍