ଏଣିକି ‘ଆପ’ ଜରିଆରେ ଖୋଜିପାରିବେ ଆପଣଙ୍କର ହଜିଯାଇଥିବା କୌଣସି ବି ଜିନିଷ ! ଜାଣନ୍ତୁ ପୂରା ପ୍ରକ୍ରିୟା
ସର୍ବପ୍ରଥମେ ଏଠାରେ ଆମେ କହି ରଖୁଛୁ କି, ଏହି ସେବାଟି ବିମାନରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ବିଧେୟ ଅଟେ । ସୂଚନା ମୁତାବକ, ବିମାନଯାତ୍ରୀମାନେ ବିମାନ ବନ୍ଦରରେ ହଜାଇଥିବା ସାମଗ୍ରୀ ସଂପର୍କରେ ମୋବାଇଲ ଫୋନରେ ଟ୍ରାକ୍ କରିପାରିବେ। ଆଣ୍ଡ୍ରଏଡ୍ ଫୋନରେ ଉମଙ୍ଗ୍ ଆପରେ ଯାତ୍ରୀମାନେ ଏହି ସୁବିଧା ପାଇପାରିବେ ବୋଲି ସିଆଇଏସଏଫର ଜଣେ ବରିଷ୍ଠ ଅଧିକାରୀ କହିଛନ୍ତି । ଏଥିପାଇଁ ‘ଲଷ୍ଟ୍ ଆଣ୍ଡ ଫାଉଣ୍ଡ୍’ ସୁବିଧାର ବିକାଶ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୁଗୁଲ୍ ପ୍ଲେ ଷ୍ଟୋରର ସିଆଇଏସଏଫ୍ ସେକ୍ସନ ଅଧୀନରେ ଉମଙ୍ଗ ଆପରେ ଏହି ସୁବିଧା ମିଳିବ। ଏହି ଆପର ବଡ଼ ସୁବିଧା ହେଲା, ଯାତ୍ରୀମାନେ ସିଧାସଳଖ ମୋବାଇଲରେ ସେମାନଙ୍କ ଅଭିଯୋଗ ପଞ୍ଜୀକରଣ କରିପାରିବା ସହିତ ଅଭିଯୋଗର ଷ୍ଟାଟସ୍ କଣ ରହିଛି ଜାଣିପାରିବେ ।
ଚଳିତମାସ ୧୦ ତାରିଖରେ ଏହି ସେବା ଆରମ୍ଭ କରାଯାଇଛି । ଏହି ଆପ୍ଲିକେସନରେ ୩ଟି ସୁବିଧା ଯଥା ‘ଲଷ୍ଟ୍ ଆଣ୍ଡ୍ ଫାଉଣ୍ଡ୍ ଆଇଟମ୍ସ ଆଟ ଏୟାରପୋର୍ଟ’, ’ଟ୍ରାକିଂ କମ୍ପ୍ଲେଣ୍ଟ/ରିକ୍ୱେଷ୍ଟ ଷ୍ଟାଟର୍ସ ଏବଂ ‘ଟେକ୍ନିକାଲ କନସଲଟାନ୍ସି ଇନ୍ ସିକ୍ୟୁରିଟି ଆଣ୍ଡ ଫାୟାର ସର୍ଭିସେସ୍’ ସୁବିଧା ପାଇପାରିବେ।