ଗ୍ୟାସ ସିଲିଣ୍ଡର ବ୍ୟବହାର କରୁଛନ୍ତି କି ? ତେବେ ଜାଣି ରଖନ୍ତୁ କିଛି ନିୟମ, ଦୁର୍ଘଟଣା ସମୟରେ କେଉଁମାନଙ୍କୁ ଓ କିପରି ମିଳିବ ୫୦ ଲକ୍ଷ ଟଙ୍କାର କ୍ଷତିପୂରଣ
ଆପଣ ଯଦି ଗ୍ୟାସ ସିଲିଣ୍ଡର ବ୍ୟବହାର କରୁଛନ୍ତି ତେବେ ଆପଣଙ୍କ ପାଇଁ ଏହି ଖବରଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । କଂପାନୀ ତରଫରୁ ଦିଆଯାଉଥିବା ଏଭଳି କିଛି ସୁବିଧା ସଂପର୍କରେ ଆପଣଙ୍କର ଜ୍ଞାନ ଥିବା ଆବଶ୍ୟକ ଯାହା ଦୁର୍ଘଟଣା ସମୟରେ ଆପଣଙ୍କୁ ଲକ୍ଷାଧିକ ଟଙ୍କାର କ୍ଷତି ପୂରଣ ବାବଦକୁ ମିଳିପାରେ । ତେବେ ଏହା କେମିତି ସମ୍ଭବ, ସେ ସଂପର୍କରେ ଆମେ ନିମ୍ନରେ ବିସ୍ତାର ଭାବେ ଆଲୋଚନା କରିଛୁ ।
Kanak News is now on WhatsApp
Join and get latest news updates delivered to you via WhatsApp
ଏକଥା ବହୁତ କମ୍ ଲୋକଙ୍କୁ ଜଣା ଥିବ କି, ଏଲପିଜି କନେକ୍ସନ ଉପରେ ଆପଣଙ୍କୁ ୫୦ ଲକ୍ଷ ଟଙ୍କା ପର୍ଯ୍ୟନ୍ତ ଇନସ୍ୟୁରାନ୍ସ କ୍ଲେମ ମିଳିଥାଏ । ଯାହାକି କୌଣସି ବି ଦୁର୍ଘଟଣା ଘଟିବା ଦ୍ୱାରା କାମରେ ଆସିଥାଏ । ବଡ କଥା ହେଲା, ଏଥିପାଇଁ ଉପଭୋକ୍ତାଙ୍କୁ କୌଣସି ଅତିରିକ୍ତ ପ୍ରିମିୟମ ମଧ୍ୟ ଭରିବାକୁ ପଡିନଥାଏ । ଏଥିରେ ଉପଭୋକ୍ତା ସିଧା ସଳଖ ଭାବରେ ୪୦ ଲକ୍ଷ ଏବଂ ଅନ୍ୟାନ୍ୟ ଅବସ୍ଥାରେ ୫୦ ଲକ୍ଷ ଟଙ୍କା ପର୍ଯ୍ୟନ୍ତ କ୍ଲେମ କରିପାରିବେ ।
ଏଲପିଜିର ଡିଷ୍ଟ୍ରିବ୍ୟୁଟର ଆସୋସିଏସନର ଜଣେ ବରିଷ୍ଠ ଅଧିକାରୀଙ୍କ ସୂଚନା ମୁତାବକ, ଯଦି କୌଣସି ବ୍ୟକ୍ତି ବିଶେଷଙ୍କର ମୃତ୍ୟୁ ସିଲିଣ୍ଡର ଫାଟିବା କାରଣରୁ ଘଟେ ତେବେ ଏହା ଉପରେ ୫୦ ଲକ୍ଷ ଟଙ୍କା ପର୍ଯ୍ୟନ୍ତ କ୍ଲେମ କରାଯାଇପାରିବ । ହେଲେ ଦୁର୍ଘଟଣା ପାଇଁ ୪୦ ଲକ୍ଷ ଟଙ୍କାର କ୍ଲେମ ହିଁ କରାଯାଇପାରିବ । ସେହିପରି ପୀଡିତ ବ୍ୟକ୍ତିଙ୍କୁ ୧୦ ଲକ୍ଷ ଟଙ୍କାର କ୍ଷତିପୂରଣ ବାବଦକୁ ମିଳିବ । ତେଣୁ ଏଥିପାଇଁ ଆପଣଙ୍କୁ ସର୍ବ ପ୍ରଥମେ ପୁଲିସ ଏବଂ ଇନସ୍ୟୁରାନ୍ସ କଂପାନୀଙ୍କୁ ସୂଚିତ କରିବାକୁ ପଡିବ । ଏଫଆଇଆର ଦାଖଲ ହେବା ପରେ ଆପଣ ଏହାର କପିକୁ ଦାୟିତ୍ୱ ସହକାରେ ରଖିବାକୁ ପଡିବ । କାରଣ ଯେପର୍ଯ୍ୟନ୍ତ ଆପଣ କଂପାନୀରେ ଇନସ୍ୟୁରାନ୍ସ କ୍ଲେମ ନକରିଛନ୍ତି ସେପର୍ଯ୍ୟନ୍ତ ଆପଣଙ୍କୁ ଟଙ୍କାଟିଏ ବ ମିଳିବ ନାହିଁ । ତେଣୁ ଏସଂପର୍କରେ ଆପଣ ଏଜେନ୍ସି ସଂଚାଳକଙ୍କ ସହିତ ସଂପର୍କ କରିପାରିବେ ।
ଏଠାରେ ଆମେ କହି ରଖୁଛୁ କି, ଏହି ବୀମା ସାଧାରଣତଃ ଦୁଇ ପ୍ରକାରର ହୋଇଥାଏ । ଯେଉଁଥିରେ ଗୋଟିଏ କଂପାନୀ ତରଫରୁ ହୋଇଥିବା ବେଳେ ଅନ୍ୟଟି ଉପଭୋକ୍ତାଙ୍କ ପକ୍ଷରୁ ହୋଇଥାଏ । ଏଥିରେ ଥାର୍ଡ ପାର୍ଟି ଇନସ୍ୟୁରାନ୍ସ ମଧ୍ୟ ଦିଆଯାଇଥାଏ । ଏଜେନ୍ସିଙ୍କୁ ବି ପ୍ରତ୍ୟେକ ଉପଭୋକ୍ତାଙ୍କ ଥାର୍ଡ ପାର୍ଟି ଇନସ୍ୟୁରାନ୍ସ କରିବାକୁ ହୋଇଥାଏ । ତେବେ ଦୁର୍ଘଟଣାରେ ହୋଇଥିବା କ୍ଷତିକୁ ଆଧାର କରି ବୀମାର ପେମେଂଟ କରାଯାଇଥାଏ ।