ଆପଣଙ୍କ ମୋବାଇଲ ସିଗନାଲ୍ ବାରମ୍ବାର କଟୁଛି କି ? ତେବେ ଆପଣାନ୍ତୁ ଏହି ସହଜ ଉପାୟ
ଆପଣଙ୍କୁ କୌଣସି ଜରୁରୀ କଲ୍ କରିବାରେ ଅଛି ମାତ୍ର ଆପଣଙ୍କ ମୋବାଇଲରେ ସିଗନାଲ୍ ନାହିଁ । କିମ୍ବା ଆପଣ କାହା ସହିତ କଥା ହେଉଛନ୍ତି ଆଉ ଏହି ସମୟରେ ଖରାପ ସିଗନାଲ୍ କାରଣରୁ ଆପଣଙ୍କ କଲ୍ ବାରମ୍ବାର କଟି ଯାଉଛି । ତେବେ ଏହି ପ୍ରରିପେକ୍ଷୀରେ କଣ କରିବେ ସେ ସଂପର୍କରେ ଆଜି ଆମେ ଜଣାଇବୁ ୫ଟି ସହଜ ତରିକା । ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ସୁଇଚ୍ ଅଫ୍ କରି ଅନ୍ କରନ୍ତୁ
ଯଦି ଆପଣଙ୍କ ମୋବାଇଲରେ ବାରମ୍ବାର ସିଗନାଲ୍ ସମସ୍ୟା ଦେଖାଦେଉଛି ତେବେ ନିଜ ମୋବାଇଲ୍ ସୁଇଚକୁ ଅଫ୍ କରି ତାକୁ ପୁଣି ଥରେ ଅନ୍ କରନ୍ତୁ । ଏପରି କରିବାଦ୍ୱାରା ମୋବାଇଲଟି ଅନ୍ୟ କୌଣସି ଟାୱାର ସହିତ ସଂଯୋଗ ହୋଇଥାଏ ।
ମୋବାଇଲକୁ ଚାର୍ଜ କରାନ୍ତୁ
ଯଦି ଆପଣଙ୍କ ମୋବାଇଲ ବ୍ୟାଟ୍ରିରେ ଚାର୍ଜ କମ୍ ରହିଛି । ତେବେ ଏପରି ବି ହୋଇପାରେ ଆପଣଙ୍କ ମୋବାଇଲ୍ ପାୱାର ସେଭିଂ ମୋଡରେ ଚାଲି ଯାଇଛି । ଏହାଦ୍ୱାରା ମୋବଇଲ୍ ସିଗନାଲକୁ କମ୍ ପାୱାର ଟ୍ରାନ୍ସମିଟ୍ ହୋଇଥାଏ । ତେଣୁ ମୋବାଇଲକୁ ଚାର୍ଜ କରାନ୍ତୁ । ଯଦି ଚାର୍ଜ କରିବା ସମ୍ଭବ ନହୁଏ ତେବେ ଏହାର ପାୱାର ସେଭିଂ ମୋଡ ବନ୍ଦ କରି ରଖନ୍ତୁ ।
ମୁଭମେଂଟ୍ କରାନ୍ତୁ
ନିଜ ଫୋନକୁ କିପରି ଭାବେ ଧରିଛନ୍ତି, ତାହା ମଧ୍ୟ ଏହି ସମସ୍ୟାର କାରଣ ହୋଇଥାଇପାରେ । ଯଦି ଆପଣ ମୋବାଇଲର ସିଗନାଲ୍ ଖୁଂଟିକୁ କଭର କରୁଛନ୍ତି ତେବେ ଏହାଦ୍ୱାରା ନିଶ୍ଚୟ ରୂପେ ସିଗନାଲ ଦୁର୍ବଳ ହୋଇଥାଏ । ଏଥିପାଇଁ ନିଜ ଏରିୟାକୁ ବଦଳାଇବାକୁ ଚେଷ୍ଟା କରନ୍ତୁ । ଆଉ ଜାଣିବାକୁ ଚେଷ୍ଟା କରନ୍ତୁ ମୋବାଇଲ ସିଗନାଲର ଆଂଟିଣା କେଉଁ ଦିଗରେ ରହିଛି ।ଯଦି ଆପଣ ଘର ଭିତରେ ଅଛନ୍ତି ତେବେ ବାହାରକୁ ଚାଲି ଯାଆନ୍ତୁ । ଏପରି ବି ହୋଇପାରେ ଆପଣ ମୋବାଇଲ ଟାୱାରଠାରୁ ବହୁତ ଦୁରରେ ରହିଛନ୍ତି । ଯେଉଁଥିପାଇଁ ଆପଣଙ୍କ ମୋବାଇଲ୍ ସିଗନାଲ୍ ଠିକ୍ ରୂପେ ଆସୁନାହିଁ । ଏଥିପାଇଁ ଯଦି ଆପଣ ରାସ୍ତାରେ ଅଛନ୍ତି ତେବେ ସବୁଠାରୁ ଭଲ ଅପ୍ସନ ହେଲା କୌଣସି ଉଚ୍ଚ ସ୍ଥାନକୁ ଚାଲି ଯାଆନ୍ତୁ ।
ଭଲ ମୋବାଇଲ ବ୍ୟବହାର କରନ୍ତୁ
ଯଦି ଆପଣ କୌଣସି ମୋବାଇଲର ଖରାପ ତଥା ଦୁର୍ବଳ ସିଗନାଲଠାରୁ ନିଜକୁ ରକ୍ଷା କରିବାକୁ ଚାହୁଁଛନ୍ତି ତେବେ ଏକ ନୁଆ ଏବଂ ଭଲ କଂପାନୀର ମୋବାଇଲ୍ ବ୍ୟବହାର କରନ୍ତୁ ।
ଭଲ ସିମ୍ ଚୟନ କରନ୍ତୁ
ସିଗନାଲ୍ ସମସ୍ୟା କେବଳ ମୋବାଇଲର ହୋଇ ନଥାଏ ବରଂ ଆପଣ ଯେଉଁ ସିମ୍ ବ୍ୟବହାର କରୁଛନ୍ତି ତା’ର ନେଟୱର୍କ ବହୁତ ଦୁର୍ବଳ ହୋଇଥାଇପାରେ । ଏଣୁ ଲୋକେସନ ଅନୁଯାୟୀ ସିମ୍ ବ୍ୟବହାର କରନ୍ତୁ ।
ଏହାସହ ମଧ୍ୟ ପଢନ୍ତୁ-ଆପଣଙ୍କର ଏହି ଗୋଟିଏ ଭୁଲ ପାଇଁ ଖାଲି ହୋଇପାରେ ଆପଣଙ୍କ ବ୍ୟାଙ୍କ ଆକାଉଂଟ !