ଏଟିଏମ କାର୍ଡଧାରୀଙ୍କ ପାଇଁ ବଡ ଖବର । ଆପଣଙ୍କର ଏଟିଏମ କାର୍ଡ ମାର୍ଚ୍ଚ -୨୦୧୯ ପରେ ସୁରକ୍ଷିତ ହୋଇଯିବ । ଭାରତୀୟ ରିଜର୍ଭ ବ୍ୟାଙ୍କ ତରଫରୁ ରିଜର୍ଭ ବ୍ୟାଙ୍କ ମାର୍ଚ୍ଚ ସୁଦ୍ଧା ସମସ୍ତ ବ୍ୟାଙ୍କଗୁଡିକୁ ନିଜ ଏଟିଏମ କାର୍ଡ “ଆଂଟି କ୍ଲୋନିଂ” କରିବାକୁ ନିର୍ଦ୍ଦେଶ ଦେଇଛି । ତେବେ ଦିନକୁ ଦିନ ଦେଶରେ ଘଟୁଥିବା ବିଭିନ୍ନ ଏଟିଏମ ଜନିତ ଫ୍ରଡକୁ ଦୃଷ୍ଟିରେ ରଖି ଆରବିଆଇ ଏଭଳି ନିଷ୍ପତି ଉଠାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାଛଡା ସମସ୍ତ ବ୍ୟାଙ୍କଗୁଡିକର ଏଟିଏମ କାର୍ଡ ସହ ଜଡିତ ସମସ୍ତ ସମସ୍ୟାକୁ ଦୂର କରିବା ପାଇଁ ସମୟ ସୀମା ମଧ୍ୟ ନିର୍ଧାରିତ କରିଦିଆଯାଇଛି । ଭାରତୀୟ ରିଜର୍ଭ ବ୍ୟାଙ୍କର ମୁଖ୍ୟ ମହାପ୍ରବନ୍ଧକ ଆର.ରବି କୁମାରଙ୍କୁ ପକ୍ଷରୁ ଜାରି ନିର୍ଦ୍ଦେଷାନୁସାରେ, ଅଗଷ୍ଟ-୨୦୧୮ ସୁଦ୍ଧା ସମସ୍ତ କମର୍ସିଆଲ ବ୍ୟାଙ୍କ, ସ୍ମଲ ଫାଇନାନ୍ସ ବ୍ୟାଙ୍କ, ହ୍ୱାଇଟ ଲେବଲ ଏଟିଏମ କାର୍ଡରେ ଅପରେଟିଂ ସିଷ୍ଟମ, ଟର୍ମିନାଲ ସିକ୍ୟୁରିଟି ସିଷ୍ଟମ ଇତ୍ୟାଦିରେ ସଂଶୋଧନ ଆଣିବା ବାଧ୍ୟତାମୂଳକ ହେବ ।
ଏହା ବ୍ୟତୀତ ମାର୍ଚ୍ଚ-୨୦୧୯ ସୁଦ୍ଧା ସମସ୍ତ ବ୍ୟାଙ୍କଗୁଡିକୁ ନିଜ ଏଟିଏମ କାର୍ଡରେ ଆଂଟି ସ୍କିମର ଲଗାଇବାକୁ ପଡିବ, ଯାହାଦ୍ୱାରା ଏଟିଏମ କାର୍ଡର କ୍ଲୋନିଂ ହୋଇପାରିବ ନାହିଁ । ଆରବିଆଇ ସୂଚନା ମୁତାବକ, ସମସ୍ତ ବ୍ୟାଙ୍କଗୁଡିକୁ ମୋଟ ୨୫ ପ୍ରତିଶତ ଏଟିଏମ କାର୍ଡ ସେପ୍ଟେମ୍ବର ୨୦୧୮ ସୁଦ୍ଧା, ୫୦ ପ୍ରତିଶତ ଏଟିଏମ କାର୍ଡ ଡିସେମ୍ବର ସୁଦ୍ଧା-୨୦୧୮ ସୁଦ୍ଧା, ଏବଂ ୭୫ ପ୍ରତିଶତ କାର୍ଡ ମାଚ୍ଚ ୨୦୧୯ ସୁଦ୍ଧା ଏବଂ ସମସ୍ତ ଏଟିଏମ କାର୍ଡ ଜୁନ-୨୦୧୯ ସୁଦ୍ଧା ଅପରେଟିଂ ସିଷ୍ଟମରୁ ଅପଡେଟ କରିବାକୁ ପଡିବ । ଏହାପରେ କୌଣସି ବି ଏଟିଏମ କାର୍ଡ ସହ ଜଡିତ ଅଭିଯୋଗ ଉପରେ ଆରବିଆଇ ତରଫରୁ ନିୟମାନୁସାରେ ଲାଗୁ କିରଦିଆଯ ିବ ।
୧୫ ଜୁଲାଇ ୨୦୧୭ରେ ଦେଶର ସବୁଠାରୁ ବଡ ଏଟିଏମ କାର୍ଡ କ୍ଲୋନିଂ ମାମଲା ଦେହରାଦୁନ ରେ ସାମ୍ନାକୁ ଆସିଥିଲା । ଏଥିରେ ୧୦୦ ଲୋକଙ୍କ ଖାତାରୁ ପାଖାପାଖି କୋଟିଏରୁ ଅଧିକ ଟଙ୍କା ହାଇଜାକ୍ ହୋଇଯାଇଥିଲା । ପରବର୍ତ୍ତି ସମୟରେ ସମସ୍ତ ସାଇବର ଅପରାଧୀକୁ ପୁଲିସ ଗିରଫ କରିଥିଲା । ଏହାପରେ ବି ସ୍କିମର ଲଗାଇ ଏଟିଏମ କାର୍ଡ କ୍ଲୋନିଂ କରାଯିବା ଘଟଣା ଦିନକୁ ଦିନ ବଢିଚାଲିଛି ।