ହୁସିଆର ! ଟାଇପିଂ ରେକର୍ଡ କରୁଛି ଏଚପି ଲାପଟପ , ଚୋରି ହୋଇପାରେ ଆପଣଙ୍କ ପାସୱାର୍ଡ
ଯଦି ଆପଣ ବି ଏଚପିର ଲାପଟପ ବ୍ୟବହାର କରୁଛନ୍ତି ତେବେ ସାବଧାନ ହୋଇଯାଆନ୍ତୁ । କାରଣ ଆପଣ ଆପଣଙ୍କର ଲାପଟପରେ ଯାହାବି ଟାଇପ୍ କରୁଛନ୍ତି ସେ ସବୁକୁ ରେକର୍ଡ କରାଯାଉଛି । ତେବେ ଏକଥା ଆମେ କହୁଁ ନାହୁଁ ବରଂ ଏହାର ଖୁଲାସା କରିଛନ୍ତି ରିସର୍ଚର ମାଇକେଲ ମାଇଂ ।
Kanak News is now on WhatsApp
Join and get latest news updates delivered to you via WhatsApp
ମାଇକେଲଙ୍କ ରିପୋର୍ଟ ଅନୁସାରେ, ଏଚପିର ଅନେକ ଲାପଟପରେ ଏଭଳି କିଲଗର ମିଳିଛି, ଯାହାକି ୟୁଜର୍ସଙ୍କ ଦ୍ୱାରା କିବୋର୍ଡରେ କରାଯାଉଥିବା ଟାଇପିଂର ଟ୍ରାକ୍ କରିପାରେ । ସେହିପରି କଂପାନୀ ମଧ୍ୟ ଏକଥାକୁ ସ୍ୱୀକାର କରିଛି । କଂପାନୀ କହିବା ମୁତାବକ, ଏହାଦ୍ୱାରା ଏଚପିର ପାଖାପାଖି ୪୬୦ଟି ଲାପଟପ ପ୍ରଭାବିତ ହୋଇଛି । ତେବେ ବର୍ତ୍ତମାନ ଏହାର ଫିକ୍ସ କରିବା ପାଇଁ କଂପାନୀ ସଫ୍ଟୱେୟାର ଅପଡେଟ୍ ଜାରି କରିଛି ।
ଏଚପି ଲାପଟପର ଯେଉଁ ସବୁ ମଡେଲକୁ ନେଇ ଏଭଳି ଅଭିଯୋଗ ଆସିଛି । ସେଥିରେ HP Pavilion, HP EliteBook ଏବଂ HP ProBook ବ୍ୟତୀତ ମଧ୍ୟ ଅନେକ ମଡେଲ ସାମିଲ ରହିଛି । ଯଦି ଆପଣ ମଧ୍ୟ ଏହାକୁ ନେଇ କନଫ୍ୟୁଜ୍ ଅଛନ୍ତି କି ଆପଣ ବ୍ୟବହାର କରୁଥିବା ଏଚପି ଲାପଟପର ମଡେଲ କଣ, ତେବେ ଏଥିପାଇଁ ଆପଣ ଲାପଟପ ତଳେ ଲାଗିଥିବା ଷ୍ଟିକରକୁ ଚେକ କରିପାରିବେ । ସେଠାରେ ଆପଣଙ୍କୁ ଲାପଟପର ମଡେଲ ନମ୍ବର ମିଳିଯିବ । ଏଥିସହିତ ଯଦି ଆପଣଙ୍କର ଲାପଟପ ଅପଡେଟ୍ ମାଗୁଛି ତେବେ ତାକୁ ତୁରନ୍ତ ଅପଡେଟ୍ କରିଦିଅନ୍ତୁ ।
ସୌଜନ୍ୟ: ଅମର ଉଜାଲା