ଖରାପ ବୀମା ପଲିସି ବିକ୍ରୀ କରିବା ଉପରେ ବ୍ୟାଙ୍କିଂ ଲୋକପାଳରେ କରିପାରିବେ ଅଭିଯୋଗ ! ମୂଳ ସହିତ କ୍ଷତିପୂରଣ ବାବଦକୁ ମିଳିବ ଅତିରିକ୍ତ ୧ ଲକ୍ଷ ଟଙ୍କା
ସାଧାରଣତଃ ବ୍ୟାଙ୍କକୁ ଯିବା କ୍ଷଣି ହିଁ ଉଭୟ ବ୍ୟାଙ୍କ ଓ ବିଭିନ୍ନ ବୀମା କଂପାନୀମାନଙ୍କର ଅଧିକାରୀମାନେ ଗ୍ରାହକଙ୍କୁ ମ୍ୟୁଚୁଆଲ ଫଣ୍ଡରେ ନିଜର ଟଙ୍କା ନିବେଶ କିମ୍ବା କୌଣସି ବୀମା ପଲିସି କିଣିବାକୁ ବାଧ୍ୟ କରିଥାନ୍ତି । ଆପଣଙ୍କର ଜାଣିବା ପାଇଁ ଏଠାରେ ଆମେ କହି ରଖୁଛୁ କି, ଏଭଳି କାର୍ଯ୍ୟ କୌଣସି ଆଇନ ବିରୋଧି କାମ ନୁହେଁ, କାରଣ ନା ବ୍ୟାଙ୍କଗୁଡିକୁ ଥାର୍ଡ ପାର୍ଟି ପ୍ରୋଜେକ୍ଟ ବିକିବାକୁ ଅନୁମତି ଦିଆଯାଇଛି । ତେବେ ମ୍ୟୁଚୁଆଲ ଫଣ୍ଡରେ ନିବେଶ କିମ୍ବା ବୀମା ପଲିସି କିଣିବା ପରେ ଯଦି ଆପଣଙ୍କର କୌଣସି ଅଭିଯୋଗ ରହିଥାଏ ତେବେ ଏଥିରେ ବ୍ୟାଙ୍କ ଆପଣଙ୍କୁ କୌଣସି ସହଯୋଗ କରି ନଥାଏ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ବ୍ୟାଙ୍କରୁ କୌଣସି ବୀମା ପଲିସି କିଣିଛନ୍ତି କିମ୍ବା ସେ ସଂପର୍କିତ ଆପଣଙ୍କର କୌଣସି ଅଭିଯୋଗ ରହିଛି ତେବେ ଆପଣଙ୍କୁ ବୀମା କଂପାନୀ କିମ୍ବା ବୀମା ଲୋକପାଳଙ୍କ ନିକଟକୁ ଯିବାକୁ ପଡୁଥିଲା । ଏଥସହିତ ଥାର୍ଡ ପାର୍ଟି ପ୍ରୋଜେକ୍ଟସ, ଯିଏକି ବ୍ୟାଙ୍କଗୁଡିକରୁ ଫିସ-ଆଧାରିତ ରାଜସ୍ୱ ନେଉଥିଲେ, ବ୍ୟାଙ୍କିଂ ଲୋକପାଳ ପରିସର ବାହାରେ ରହିଥିଲା ।
ତେବେ ଖୁବଶୀଘ୍ର ହିଁ ଏହି ନିୟମ ବଦଳିବାକୁ ଯାଉଛି । ୨୩ ଜୁନ, ୨୦୧୭ରେ ଜାରି କରାଯାଇଥିବା ସୂଚନା ଅନୁସାରେ, ଯଦି ବ୍ୟାଙ୍କ ଗ୍ରାହକଙ୍କୁ ଭୁଲ୍ କିମ୍ବା ଖରାପ ଥାର୍ଡ ପାର୍ଟି ପ୍ରଜେକ୍ଟସ ବିକ୍ରୀ କରନ୍ତି ତେବେ ଏନେଇ ଗ୍ରାହକ ସିଧାସଳଖ ବ୍ୟାଙ୍କିଂ ଲୋକପାଳ ନିକଟକୁ ଯାଇପାରିବେ । ଅଧିସୂଚନା ମୁତାବକ, ଆରବିଆଇର କହିବା କଥା ହେଲା, ସେମାନେ ବ୍ୟାଙ୍କିଂ ଲୋକପାଳ ସ୍କିମ ୨୦୦୬ର ସର୍କଲକୁ ବୃଦ୍ଧି କରାଯାଇଛି । ବର୍ତ୍ତମାନ ଏଥିରେ ବିକ୍ରୀ କରାଯାଉଥିବା ବୀମା ପଲିସିକୁ ନେଇ ଗ୍ରାହକଙ୍କର ବିଭିନ୍ନ ସମସ୍ୟା, ମ୍ୟୁଚୁଆଲ ଫଣ୍ଡ ଏବଂ ବ୍ୟାଙ୍କ ତରଫରୁ ଅଫର କରାଯାଉଥିବା ଥାର୍ଡ ପାର୍ଟି ପ୍ରୋଜେକ୍ଟ ସାମିଲ ରହିବ । ଲୋକପାଳ ଯୋଜନା ବ୍ୟାଙ୍କ ପକ୍ଷରୁ ଅଫର କରାଯାଇଥିବା ସେବା ସମ୍ବର୍ଦ୍ଧିତ ଅଭିଯୋଗଗୁଡିକର ସମାଧାନ କରିବା ସହ ଅନ୍ୟାନ୍ୟ ସୁବିଧାମାନ ଗ୍ରାହକଙ୍କୁ ଯୋଗାଇ ଦେଇଥାଏ ।
ଆରବିଆଇ କେବଳ ଲୋକପାଳ ଯୋଜନାର ପରିସରକୁ ବୃଦ୍ଧି କରି ନାହିଁ ବରଂ ଏଥିସହିତ କିଛି ନୁଆ ନିୟମ ସହାୟତାରେ ଏହାର ଅଧିକାର କ୍ଷେତ୍ରକୁ ବି ବୃଦ୍ଧି କରିଛନ୍ତି । ଏହା ପୂର୍ବରୁ ବ୍ୟାଙ୍କିଂ ଲୋକପାଳ କେବଳ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଅର୍ଡର ପାସ୍ କରିପାରୁଥିଲା, ଯାହାକୁ ବର୍ତ୍ତମାନ ୨୦ ଲକ୍ଷ ଟଙ୍କାକୁ ବୃଦ୍ଧି କରିଦିଆଯାଇଛି । ଏହାବ୍ୟତୀତ, ବ୍ୟାଙ୍କିଂ ଲୋକପାଳ ଅଭିଯୋଗକାରୀଙ୍କର ଟଙ୍କା ଏବଂ ସମୟର କ୍ଷତି, ଉତ୍ପିଡନ ଏବଂ ମାନସିକ କଷ୍ଟ ପାଇଁ ଏକ ଲକ୍ଷ ଟଙ୍କା ଅତିରିକ୍ତ କ୍ଷତିପୂରଣ ବାବାଦକୁ ଦେଇପାରନ୍ତି ।
କେଉଁ ପରିସ୍ଥିତିରେ କରିପାରିବେ ଅଭିଯୋଗ
• କୌଣସି ଥାର୍ଡ ପାର୍ଟି ଫାଇନାନ୍ସିଆଲ ପ୍ରୋଜେକ୍ଟ’ର ଖରାପ ବା ଭୁଲ୍ ବା ଅନୁଚିତ ବିକ୍ରୀ
• ପ୍ରୋଜେକ୍ଟ ବିକ୍ରୀ ସମୟରେ ପର୍ଯ୍ୟାପ୍ତ ପରିମାଣର ସୂଚନା ବା ତଥ୍ୟ ନଦେବା
• ଅଭିଯୋଗ ନିବାରଣ ପ୍ରକ୍ରିୟାର ଅବୈଧ ପ୍ରକଟନ
• ବ୍ୟାଙ୍କ ତରଫରୁ ବିକ୍ରୀ କରାଯାଇଥିବା ପରେ ବି ସେବାଗୁଡିକୁ ସୁବିଧାଜନକ କରିବାରେ ବିଳମ୍ବ କିମ୍ବା ମନା କରିବା
ଅଭିଯୋଗ କରିବାର ପ୍ରକ୍ରିୟା
ଆଇନ ଅନୁସାରେ ବ୍ୟାଙ୍କର ପ୍ରତିଟି ଶାଖାଙ୍କୁ ବ୍ୟାଙ୍କିଂ ଲୋକପାଳ କାର୍ଯ୍ୟାଳୟ ଠିକଣା ଦେବାକୁ ପଡିବ । ଅଭିଯୋଗକାରୀ ଉଭୟ ଅନଲାଇନ ଏବଂ ଅଫଲାଇନ ମାଧ୍ୟମରେ ଅଭିଯୋଗ କରିପାରିବେ । ଅଭିଯୋଗରେ କ୍ଷତିର ସ୍ତର ଏବଂ ଦାବି କରାଯାଇଥିବା କ୍ଷତିପୁରଣକୁ ସ୍ପଷ୍ଟ କରିବାକୁ ପଡିଥାଏ ।
ଏଠାରେ ଆମେ କହି ରଖୁଛୁ କି, ବ୍ୟାଙ୍କିଂ ଲୋକପାଳ ନିକୟରେ ଅଭିଯୋଗ ଦାଖଲ କରିବା ପୂର୍ବରୁ ଅଭିଯୋଗକାରୀଙ୍କୁ ପ୍ରଥମେ ଆଧିକାରୀକ ରୂପରେ ବ୍ୟାଙ୍କ ନିକଟରେ ଏକ ଅଭିଯୋଗ ଫାଇଲ କରିବାକୁ ପଡିଥାଏ । ଏହାପରେ ୩୦ ଦିନ ପର୍ଯ୍ୟନ୍ତ ଅଭିଯୋଗକାରୀଙ୍କୁ ଅପେକ୍ଷା କରିବାକୁ ପଡିଥାଏ । ପରିସ୍ଥିତି ଏଭଳି ରହିଥିଲା କି, ଯଦି ବ୍ୟାଙ୍କ କାହାକୁ ଭୁଲ ବା ଖରାପ ବୀମା ପଲିସି କିମ୍ବା ମ୍ୟୁଚୁଆଲ ଫଣ୍ଡ ସ୍କିମ ବିକ୍ରୀ କରିଛି ତେବେ ସେ କେବଳ ବୀମା ବା ଫଣ୍ଡ ହାଉସ ନିକଟକୁ ହିଁ ଯାଇପାରିବେ । ତେବେ ବ୍ୟାଙ୍କିଂ ଲୋକପାଳ ନିକଟରେ ଅଭିଯୋଗ ପତ୍ର ଦାଖଲ କରିବା ଦ୍ୱାରା ଗ୍ରାହକଙ୍କ ନା କୌଣସି ଫିସ୍ ଦେବାକୁ ପଡିଥାଏ, ନା ହିଁ କୌଣସି ଓକିଲଙ୍କ ନିକଟକୁ ଦୌଡିବାକୁ ପଡିଥାଏ । ଗ୍ରାହକ ଜଣେ ଅଧିକୃତ ପ୍ରତିନିଧି ହିସାବରେ ନିଜର ମାମଲାକୁ ପ୍ରତିନିଧିତ୍ୱ କରିପାରିବେ ।
ସୌଜନ୍ୟ: ଦୈନିକ ଜାଗରଣ