ବିରାଟଙ୍କୁ ନେଇ ଆସିଲା ରୋଚକ ତଥ୍ୟ । ମାଂସାହାର ତ୍ୟାଗ କରିବାରୁ ଉନ୍ନତ ହେଲା ପ୍ରଦର୍ଶନ । ଦୁଗ୍ଧଜାତ ଦ୍ରବ୍ୟ ବି ଛୁଁ ନାହାନ୍ତି କୋହଲି
କନକ ବ୍ୟୁରୋ: ମାଂସାହାର ତ୍ୟାଗ କରିବାରୁ ଉନ୍ନତ ହେଲା ବିରାଟ କୋହଲିଙ୍କ ପ୍ରଦର୍ଶନ । ଏଭଳି କିଛି ରୋଚକ ତଥ୍ୟ ଆଜି କ୍ରିକେଟପ୍ରେମୀଙ୍କୁ ଚକିତ କରିଛି । ଜାତୀୟ ଗଣମାଧ୍ୟମ ସୂଚନା ଅନୁଯାୟୀ କ୍ୟାପଟେନ୍ କୋହଲି ଗତ ୪ ମାସ ହେଲା ଶାକାହାର ଗ୍ରହଣ କରୁଛନ୍ତି । ମାଛ, ମାଂସ, ଅଣ୍ଡା ଏପରିକି ଜୀବରୁ ମିଳୁଥିବା ପ୍ରୋଟିନ୍ ବା ଦୁଗ୍ଧଜାତ ଦ୍ରବ୍ୟ ମଧ୍ୟ ଗ୍ରହଣ କରୁନାହାନ୍ତି ବିରାଟ୍ ।
Kanak News is now on WhatsApp
Join and get latest news updates delivered to you via WhatsApp
ଏକଦା ବିରିଆନୀ ପ୍ରତି ପ୍ରବଳ ଦୁର୍ବଳତା ଥିବା ବିରାଟଙ୍କର ଖାଦ୍ୟ ତାଲିକାରେ ଏବେ ରହିଛି ପ୍ରୋଟିନ୍ ସେକ୍, ପ୍ରଚୁର ପରିମାଣର ପନିପରିବା ଓ ସୋୟାବିନ୍ । ଶାକାହାର ଗ୍ରହଣ ଦ୍ୱାରା ତାଙ୍କ ହଜମ ଶକ୍ତି ବଢ଼ିଥିବା ବିରାଟ୍ କହିଛନ୍ତି । ଅନ୍ୟପଟେ ଏହାର ସୁଫଳ ତାଙ୍କ ପ୍ରଦର୍ଶନ ଉପରେ ପଡ଼ିଥିବା ସେ କହିଛନ୍ତି । ଶାକାହାରୀ ହେବା ଦ୍ୱାରା ସେ ପୂର୍ବଠାରୁ ଶକ୍ତିଶାଳୀ ଓ ତାଜା ଅନୁଭବ କରୁଥିବା ବିରାଟ୍ କହିଛନ୍ତି ।
ସେପଟେ ବିରାଟଙ୍କ ପତ୍ନୀ ଅନୁଷ୍କା ଶର୍ମା ମଧ୍ୟ ଇତିମଧ୍ୟରେ ଶାକାହାରୀ ହୋଇଛନ୍ତି । ଶାକାହାର ଗ୍ରହଣ କରୁଥିବା ପ୍ରସିଦ୍ଧ ଖେଳାଳୀଙ୍କ ମଧ୍ୟରେ ରହିଛନ୍ତି ଟେନିସ୍ ତାରକା ଭେନସ୍ ୱିଲିୟମ୍ସ ଓ ସେରେନା ୱିଲିୟମ୍ସ, ଫୁଟବଲ ତାରକା ଲିଓନେଲ୍ ମେସି, ପୂର୍ବତନ ଆଥଲେଟ୍ କାର୍ଲ ଲୁଇସ୍ ତଥା ଫର୍ମୁଲା ୱାନ୍ ଚମ୍ପିୟନ ଲୁଇସ୍ ହାମିଲଟନ୍ । ଏବେ ଏହି କ୍ଲବରେ ସାମିଲ୍ ହୋଇଛନ୍ତି କ୍ୟାପଟେନ୍ ବିରାଟ୍ କୋହଲି ।