ଫାଟିଲା ଇୟରଫୋନ ! କଂପାନୀର ସ୍ପଷ୍ଟିକରଣ ‘ଏହା ଅସମ୍ଭବ’
ବାକି କଂପାନୀ ଭଳି ବିଶ୍ୱର ସବୁଠୁ ମହଙ୍ଗା କଂପାନୀ ତଥା ଆପଲ ନାଁରେ ଆସିଛି ସାଘାଂତିକ ଅଭିଯୋଗ । ସାମସଙ୍ଗ ଗାଲାକ୍ସି ନୋଟ-୭ ଭଳି ଆପଲର ଇୟରପାଡ୍ ଫାଟିବାର ଘଟଣା ଏବେ ସାମ୍ନାରୁ ଆସିଛି । ତେବେ ଘଟଣାଟି ଘଟିଛି ଆମେରିକାର ଫ୍ଲୋରିଡାରେ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଆମେରିକାର ଏକ ବ୍ୟସ୍ତବହୁଳ ଅଂଚଳରେ ବାସକରୁଥିବା ଜେସନ କୋଲୋନ ନାମକ ଜଣେ ଯୁବକ ଆପଲର ଇୟରଫୋନ ଲଗାଇ ଗୀତ ଶୁଣୁଥିବା ସମୟରେ ଏହି ଦ୍ରୁ୍ଘଟଣା ଘଟିଥିଲା । ଜେସନଙ୍କ କହିବା ଅନୁସାରେ, ଏହି ଦୁର୍ଘଟଣା ସେତେବେଳେ ଘଟିଥିଲା ଯେତେବେଳେ ସେ ନିଜ ଘରେ ବସି ଗୀତ ଶୁଣୁଥିଲେ ଆଉ ଠିକ୍ ଏହି ସମୟରେ ହିଁ ତାଙ୍କ ଇୟରଫୋନରୁ ହଠାତ୍ ଧୂଆଁ ବାହାରିବା ଆରମ୍ଭ କରିଥିଲା । ଏହାପରେ ସେ ଇୟରଫୋନଟିକୁ କାନରୁ କାଢି ପକାଇଥିଲେ ହେଲେ ସେ ଦେଖୁ ଦେଖୁ ଇୟରଫୋନଟି ସଂପୂର୍ଣ୍ଣ ରୂପେ ଜଳିଯାଇଥିଲା ।
ଯଦିଓ ଏହି ଘଟଣାର କାରଣ ଏଯାବତ କିଛି ଜଣାପଡିନାହିଁ ମାତ୍ର ଏହାର ସତ୍ୟତା ଜାଣିବା ପାଇଁ ତଦନ୍ତ ପ୍ରକ୍ରିୟା ଆରମ୍ଭ କରିଛି ବୋଲି ଆପଲ ପକ୍ଷରୁ ସୂଚନା ମିଳିଛି । ଏଠାରେ ଆମେ କହି ରଖୁଛୁ କି, ଏଭଳି ଘଟଣା କୌଣସି ନୂଆ ନୁହେଁ କାରଣ ଏହା ପୂର୍ବରୁ ବି ତଥା ୨୦୧୭, ଅକ୍ଟୋବର ମାସରେ ଆପଲ ଆଇଫୋନ-୮ ଏବଂ ୮-ପ୍ଲସର ବ୍ୟାଟେରୀ ଫୁଲିବାର ଏବଂ ଫୋନରୁ ଅଲଗା ହୋଇଯିବା ନେଇ ଏକାଧିକ ମାମାଲ ସାମ୍ନାକୁ ଆସିଥିଲା । ସେହିପରି ୨୦୧୬ରେ ସାମସଙ୍ଗର ବ୍ୟାଟେରୀ ଫାଟିଥିବା ଘଟଣା ମଧ୍ୟ ସାମ୍ନାକୁ ଆସିଥିଲା ଆଉ ଯେଉଁଥି ପାଇଁ କଂପାନୀ ଗାଲାକ୍ସି ନୋଟ-୭ ମଡେଲକୁ ବଜାରରୁ ଫେରାଇ ନେଇଥିଲା ।