ବାହନ ଚାଳକ ଦୂର୍ଘଟଣା ଘଟାଇ ଚାଲିଯାଉଥିଲେ ଗାଡି ନମ୍ବରଟିକୁ ଖାଲି ମନେ ରଖନ୍ତୁ ! ୨ ମିନିଟ୍ ରେ ଏହି ଆପ୍ କହିଦେବ ଗାଡିର ମାଲିକ କିଏ ।
ଅନେକ ସମୟରେ ଏଭଳି ହୋଇଥାଏ ଯେ କୌଣସି କାର୍ କିମ୍ବା ବାଇକ୍ ଆସି ଆପଣଙ୍କ ଗାଡି କିମ୍ବା ଆପଣଙ୍କୁ ଠୋକର ମାରି ଚାଲିଯାଏ । ଏଭଳି ସମୟରେ ଆପଣ ଗାଡିର ନମ୍ବର ତ ମନେ ରଖନ୍ତି କିନ୍ତୁ ଠିକଣା ଖୋଜିବା ପାଇଁ ଅନେକ ସମସ୍ୟା ଉପୁଜିଥାଏ । କିନ୍ତୁ ଏବେ ଆଉ ଏଭଳି ସମସ୍ୟାର ସମ୍ମୁଖିନ ହେବାକୁ ପଡିବ ନାହିଁ । କେନ୍ଦ୍ର ସରକାରଙ୍କ ତରଫରୁ ଏକ ଆପ୍ଲିକେସନ୍ ଲଞ୍ଚ୍ କରାଯାଇଛି । ଯେଉଁଥିରେ ପ୍ରତ୍ୟେକ ଗାଡିର ସବୁ ଡାଟା ରହିଛି । ଆପଣଙ୍କୁ ଖାଲି ଗାଡି ନମ୍ବର ହିଁ ଦେବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଆପ୍ କୁ ମଧ୍ୟପ୍ରଦେଶରେ ଲଞ୍ଚ୍ କରାଯାଇଥିବା ବେଳେ ରାଜ୍ୟର ପରିବହନ ବିଭାଗରେ ଏହି ଡାଟାକୁ ସେଣ୍ଟ୍ରାଲ୍ ସର୍ଭର ସହ ଯୋଡାଯିବ । ଏଥିରେ କେନ୍ଦ୍ରୀୟ ପରିବହନ ମନ୍ତ୍ରାଳୟ ଦ୍ୱାରା ପ୍ରସ୍ତୁତ କରାଯାଇଥିବା ଆପ୍ ମାଧ୍ୟମରେ ମଧ୍ୟପ୍ରଦେଶ ସହ ଦେଶର ବିିଭିନ୍ନ ବାହନ ଏବଂ ଡ୍ରାଇଭିଙ୍ଗ୍ ଲାଇସେନ୍ସର ବିବରଣୀ ଦିଆଯାଇଛି । ଏଥିପାଇଁ ଅନଲାଇନ୍ ଜାଞ୍ଚ୍ ମଧ୍ୟ ହୋଇସାରିଛି । ଏହି ବିବରଣୀକୁ କେନ୍ଦ୍ରୀୟ ମନ୍ତ୍ରାଳୟ ଦ୍ୱାରା ପ୍ରସ୍ତୁତ କରାଯାଇଥିବା ଏମ୍ ପରିବହନ ଆପ୍ ରେ ସହଜରେ ଦେଖାଯାଇପାରିବ ।