ବିରଳ ଅସ୍ତ୍ରୋପଚାର ! ‘ଜିଭ’ କବଳରୁ ନବଜାତ ଶିଶୁର ଜୀବନ ଫେରାଇ ଆଣିଲେ ଡାକ୍ତର
ନିକଟରେ ଏଭଳି ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶର ଜବଲପୁର ଅଂଚଳରେ । ଯେଉଁଠି ଏକ ବିସ୍ମୟକର ନବଜାତ ଶିଶୁକୁ ନେଇ ଚର୍ଚ୍ଚା । କାରଣ ଶିଶୁଟି ତ ଜନ୍ମ ହୋଇଛି ସତ ମାତ୍ର ସେ ଦେଖିବାକୁ ଗୋଟେ ସାଧାରଣ ଶିଶୁଠାରୁ ସଂପୂର୍ଣ୍ଣ ଭିନ୍ନ । କଥା ଟା ହେଲା, ଶିଶୁଟିର ଜିଭ ତାର ମୁହଁଠାରୁ ଖୁବ୍ ବଡ । ତେବେ ପ୍ରଥମେ ଶିଶୁଟିର ଜୀବିତ ରହିବାକୁ ନେଇ ଡାକ୍ତର ମଧ୍ୟ ଆଶା ଛାଡିଦେଇଥିଲେ ମାତ୍ର ପରେ ଏହାର ଅପରେସନ କରି ଛୋଟ କରି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଟି ହେଲା, ନିକଟରେ ମଧ୍ୟପ୍ରଦେଶର ଜବଲପୁର ଅଂଚଳରେ ଅପରାଜିତା ଲୋଧା ନାମକ ଏକ ନବଜାତ ଶିଶୁ ଜନ୍ମ ହୋଇଛି । ଯାହାର ଜିଭ ସାଧାରଣତଃ ବହୁତ ବଡ । ପ୍ରଥମେ ଶିଶୁଟିର ଏଭଳି ଜିଭକୁ ଦେଖି ଡାକ୍ତର ମଧ୍ୟ ଚକିତ ହୋଇଯାଇଥିଲେ । ଡାକ୍ତରଙ୍କ କହିବା କଥା ହେଲା, ଶିଶୁଟି ମିକ୍ରୋଗ୍ଲିସିୟା ନାମକ ରୋଗରେ ପୀଡିତ । ଏବଂ ମା’ ପେଟରୁ ହିଁ ଶିଶୁଟି ଏହି ରୋଗରେ ଆକ୍ରାନ୍ତ । ଯାହାଦ୍ୱାରା ହିଁ ଶିଶୁଟିର ଜିଭ ଅସାମାନ୍ୟଠାରୁ ଅଧିକ ବଡ ରହିଛି ।
ଖାଲି ସେତିକି ନୁହେଁ, ବଡ ଜିଭ ହେତୁ ଶିଶୁଟିର ମୁହଁ ସଂପୂର୍ଣ୍ଣ ରୂପେ ଆଦୃତ ହେବା ସହ କୌଣସି କାମ କରିିବା ପାଇଁ ପିଲାଟି ବିଭିନ୍ନ ସମସ୍ୟା ଦେଇ ଗତି କରିବାକୁ ପଡିବ । ଏପରିକି ଶିଶୁଟି ବେଶି ଦିନ ବଂଚିବା ଅସମ୍ଭବ ଅଟେ । ମାତ୍ର କିଛିଦିନ ପରେ ଡାକ୍ତରଙ୍କ ଏକ ଦଳ ଅପରାଜିତାର ଜିଭ ଅପରେସନ କରିବା ପାଇଁ ନିଷ୍ପତି ନେଲେ । ଜନ୍ମର ୪ ଦିନ ପରେ ହିଁ ଅପରାଜିତାର ଜିଭରେ ବଢିଥିବା ଟ୍ୟୁମରର ଅପରେସନ କରାଯାଇଥିଲା । ତେବେ ଦୀର୍ଘ ୨ ଘଂଟା ଧରି ଅପରେସନ ପରେ ଜିଭରୁ ଟ୍ୟୁମରକୁ ବାହାର କରାଯାଇଥିଲା । ବର୍ତ୍ତମାନ ଅପରାଜିତା ସଂପୂର୍ଣ୍ଣ ଭାବରେ ସୁସ୍ଥ ଅଛନ୍ତି ।