୩୦ ଜାନୁଆରୀରୁ ଅଚଳ ହେବ ଏୟାରସେଲ ସିମ୍ ! ଟ୍ରାଇ ଦେଲା ନିର୍ଦ୍ଦେଶ, ତୁରନ୍ତ କରି ଦିଅନ୍ତୁ ପୋର୍ଟେବୁଲ୍
ରିଲାଏନ୍ସ ଜିଓ ବଜାରକୁ ଆସିବା ପରଠାରୁ ଯଦିଓ ଟେଲିକମ ଜଗତରେ ପ୍ରତିସ୍ପର୍ଦ୍ଧା ବୃଦ୍ଧି ପାଇଛି ହେଲେ ଅନ୍ୟ ବଡ ବଡ ଟେଲିକମ କଂପାନୀମାନଙ୍କର ସ୍ଥିତି ବର୍ତ୍ତମାନ ଦେବାଳିଆ ପରିସ୍ଥିତିରେ ପହଂଚିଛି । ଯାହାଦ୍ୱାରା ଗୋଟିଏ ପରେ ଗୋଟିଏ କଂପାନୀ ଏବେ ବନ୍ଦ ହେବାକୁ ବସିଲାଣି । ଇତି ମଧ୍ୟରେ ଟେଲିକମ କଂପାନୀ ଏୟାରସେଲ ନିଜର ସର୍ଭିସ ବନ୍ଦ କରିବାକୁ ଯାଉଛି । ଆସନ୍ତା ମାସ ତଥା ୩୦ ଜାନୁଆରୀ,୨୦୧୮ରେ ଏୟାରସେଲର ସେବା ବନ୍ଦ ହୋଇଯିବ । କଂପାନୀ ୬ଟି ରାଜ୍ୟରେ ନିଜର ସେବାକୁ ବନ୍ଦ କରିବାକୁ ଯାଉଛି । ଏୟାରସେଲ ସେବା ମହାରାଷ୍ଟ୍ର, ମଧ୍ୟପ୍ରଦେଶ ଏବଂ ଗୁଜରାଟ ସମେତ ୬ଟି ରାଜ୍ୟରେ ବନ୍ଦ ହୋଇଯିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏୟାରସେଲ ଗୁଜରାଟ, ମହାରାଷ୍ଟ୍ର, ହରିୟାଣା, ହିମାଚଳ ପ୍ରଦେଶ, ମଧ୍ୟପ୍ରଦେଶ ଏବଂ ୱେଷ୍ଟ ଉତ୍ତରପ୍ରଦେଶ ଭଳି ରାଜ୍ୟରେ ନିଜର ସେବାକୁ ବନ୍ଦ କରିବାକୁ ଯାଉଛି । ତେବେ ଏହି ସମସ୍ତ ରାଜ୍ୟମାନଙ୍କରେ ଏୟାରସେଲର ସେବା ଆସନ୍ତା ମାସ ତଥା ଜାନୁଆରୀ ୩୦ରୁ ଶେଷ ହୋଇଯିବ । ଟ୍ରାଇ ନିଷ୍ପତି ଆଧାରରେ ଉକ୍ତ ସମୟ ସୀମା ମଧ୍ୟରେ ସମସ୍ତ ୟୁଜର୍ସ ନିଜ ନିଜର ନମ୍ବରକୁ ପୋର୍ଟେବୁଲ କରିବାକୁ ନିଦ୍ଦେଶ ଦେଇଛି । ଏଥିସହିତ ଟ୍ରାଇ କଂପାନୀକୁ ମଧ୍ୟ ନିଜର ଗ୍ରାହକମାନଙ୍କୁ ଏଥିରେ ସହଯୋଗ କରିବାକୁ ନିଦ୍ଦେଶ ଦେଇଛି ।
ସେହିପରି କଂପାନୀ ମଧ୍ୟ ଏହି ସମସ୍ତ ରାଜ୍ୟରେ ନିଜର ସେବା ପାଇଁ ନେଇଥିବା ଲାଇସେନ୍ସକୁ ଟ୍ରାଇକୁ ଫେରାଇ ଦେଇଛି । ଟ୍ରାଇ ନିୟମ ଅନୁସାରେ, ଲାଇସେନ୍ସ ଫେରସ୍ତ କରିବାର ସମୟ ସୀମାଠାରୁ ୬୦ ଦିନ ମଧ୍ୟରେ ଏୟାରସେଲର ପରିଚାଳନା ତଥା ସେବାକୁ ସଂପୂର୍ଣ୍ଣ ରୂପେ ବନ୍ଦ କରିଦିଆଯିବ । ଯାହାକି ୩୦ ଜାନୁଆରୀକୁ ସଂପୂର୍ଣ୍ଣ ହେବାକୁ ଯାଉଛି ।