ଏକ ଏଭଳି ଦେଶ ! ଯେଉଁଠି ସ୍ୱାମୀଠାରୁ ମାଡ ଖାଇ ସ୍ତ୍ରୀ ହୋଇଥାଏ ଗର୍ବିତ
ଗୋଟେ ପଟେ ମହିଳାଙ୍କ ସୁରକ୍ଷା ପାଇଁ ସାରା ଦେଶରେ ପ୍ରୟାସ କରାଯାଉଛି । ମହିଳାଙ୍କ ଉପରେ ହେଉଥିବା ହିଂସା ସାରା ଦେଶରୁ ସବୁଦିନ ପାଇଁ ଦୂର କରିବା ପାଇଁ ବିଭିନ୍ନ ମହଲରେ ବ୍ୟବସ୍ଥା ପରେ ବ୍ୟବସ୍ଥା କରାଯାଇଛି । କିିନ୍ତୁ ଏତେ ସବୁ ହେଲା ପରେ ମଧ୍ୟ ବିଶ୍ୱରେ ଏକ ଏଭଳି ଦେଶ ରହିଛି ଯେଉଁଠି ମହିଳାମାନଙ୍କୁ ମାରପିଟ କରିବା ଜଣେ ପୁରୁଷର ପୁରଷତ୍ୱକୁ ପ୍ରମାଣିତ କରିଥାଏ । ସବୁଠାରୁ ବଡ କଥା ହେଲା ସେଠାକାର ମହିଳାମାନେ ମଧ୍ୟ ଏହାକୁ ଅତ୍ୟନ୍ତ ଗର୍ବର ସହ ଗ୍ରହଣ କରନ୍ତି । ତେବେ ଏଭଳି ଘଟଣା ଦେଖିବାକୁ ମିଳିଛି ଆଫ୍ରିକା ମହାଦେଶର ନୌଆକଚୋତରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନୌଆକଚୋତରେ ଏକ ଏପରି ଦେଶ ଯେଉଁଠି ମହିଳାଙ୍କୁ ସେମାନଙ୍କ ସ୍ୱାମୀମାନେ ମାଡ ମାରିବା ଏକ ଗର୍ବର କଥା ବୁଝା ଯାଇଥାଏ । ଏହି ସମାଜରେ ପୁରୁଷ ମାନସିକତାର ଛାପ ଦେଖିବାକୁ ମିଳିଛି । ଆଉ ମହିଳାମାନେ ସ୍ୱାମୀଙ୍କ ଠାରୁ ମାଡ ଖଆଇବା ଏକ ଭଲ କଥା ହୋଇଥାଏ । ଏଠାକାର ମହିଳାଙ୍କ ମାନିବା କଥା ହେଲା ଯଦି ତାଙ୍କ ସ୍ୱାମୀ ତାଙ୍କୁ ମାର ପିଟ କରି ନଥାଏ ତେବେ ସେ ତାଙ୍କୁ ଭଲ ପାଆନ୍ତି ନାହିଁ । ଏହି କାରଣରୁ ସେଠାରେ ଅଧିକାଂଶ ମହିଳାଙ୍କ ଶରୀରରେ ବିଭିନ୍ନ ପ୍ରକାରର କ୍ଷତ ମଧ୍ୟ ରହିଥିବାର ଦେଖିବାକୁ ମିଳିଥାଏ ।
ତେବେ ଗୁରୁତ୍ୱପୂର୍ଣ୍ଣ କଥା ହେଲା ,ସେଠାକାର ସରକାର ଏହି ପରମ୍ପରାକୁ ରୋକିବାକୁ ପ୍ରୟାସ କରିଥିଲେ ଆଉଁ ଯେଉଁଥି ପାଇଁ ମଧ୍ୟ ବିଭିନ୍ନ ନୀତି ନିୟମ ବି ଜାରି କରିଥିଲେ ଯେପରିକି, ଘରୋଇ ହିଂସା ମାମଲାରେ ୫ ବର୍ଷ ପାଇଁ ଜେଲ ଦଣ୍ଡା ହେଲେ ଏସବୁ ସତ୍ୱେ ଏହାକ କୌଣସି ଅସର ପଡି ନାହିଁ ଏହି ଦେଶରେ ।
‘ଦ ଷ୍ଟାର’ ଗଣମାଧ୍ୟମ ସୂଚନା ମୁତାବକ, ଏହି ଦେଶରେ ସ୍ତ୍ରୀଙ୍କୁ ସେମାନଙ୍କ ସ୍ୱାମୀଙ୍କର ପିଟିବାର ଏକ ପରଂପରା ରହିଛି । ଏହା ଏକ ପ୍ରକାର ଅଭ୍ୟାସରେ ମଧ୍ୟ ପରିଣତ ହୋଇଗଲାଣି । ତେବେ ଶୁଣିଲେ ଆଶ୍ଚର୍ଯ୍ୟ ହେବେ ଏହି କାହାଣୀ ସେମାନେ ସେମାନଙ୍କ ପିଲାମାନଙ୍କୁ ମଧ୍ୟ ବୁଝାଇଥାନ୍ତି । ତେବେ ଆଉ ଏକ ତଥ୍ୟ ମଧ୍ୟ ସାମ୍ନାକୁ ଆସିଛି, ଏଠାକାର ମହିଳାମାନେ ତଲାକ ତଥା ଛାଡପତ୍ରରୁ ବଂଚିବା ପାଇଁ ମଧ୍ୟ ସ୍ୱାମୀଙ୍କଠାରୁ ଏଭଳି ନିର୍ଯାତନା ସହିଥାନ୍ତି । ଏହାକୁ କୌଣସି ମହିଳା ବିରୋଧ କଲେ ତାର ସ୍ୱାମୀ ତାକୁ ଛାଡପତ୍ର ଦେଇଦିଅନ୍ତି ।