ଯେଉଁ କୋର୍ଟ ସାମ୍ନାରେ ବାପା ବିକୁଥିଲା ଚା’, ସେହି କୋର୍ଟରେ ବିଚାରପତି ଭାବେ ନିଯୁକ୍ତ ହୋଇ ନିଷ୍ପତି ଶୁଣାଇଲା ଝିଅ – ଏହାକୁ କୁହନ୍ତି ପ୍ରକୃତ ପରିଶ୍ରମ
କଥାରେ ଅଛି ଯଦି ଆପଣଙ୍କ ମନରେ କିଛି କରିବାକୁ କିମ୍ବା ହାସଲ କରିବାକୁ ଦୃଢ ଇଚ୍ଛାଶକ୍ତି ରହିଛି ତେବେ ଆପଣ ନିଶ୍ଚୟ ସଫଳ ହେବେ । ଆଉ ଏହାକୁ ଯଥାର୍ଥ କରି ଦେଖାଇଛନ୍ତି ଜଣେ ଏଭଳି ଝିଅ, ଯାହାଙ୍କ ବାପା ଗୋଟିଏ ଛୋଟିଆ ଚା ଦୋକାନ କରି ଚଳନ୍ତି । ଜଲନ୍ଦରର ନାକୋଦର ଜିଲ୍ଲା ଅଦାଲତ ସାମ୍ନାରେ ଚା’ ଦୋକାନ ଚଲାଉଥିବା ସୁରେନ୍ଦ୍ର କୁମାର କେବେ ଭାବି ନଥିଲେ କି , ସାରା ଜୀବନ ସେ ଯେଉଁ ଜାଗାରେ ବସି ଲୋକଙ୍କୁ ଚା’ ପିଆଉଥିଲେ ସେହି ସ୍ଥାନରେ ଦିନେ ତାଙ୍କର ଝିଅ ବିଚାରପତି ଭାବେ ନିଯୁକ୍ତ ହେବ ଆଉ ଲୋକଙ୍କ ଦୁଃଖ ଦୁର୍ଦ୍ଦଶା ଶୁଣିବ ।
Kanak News is now on WhatsApp
Join and get latest news updates delivered to you via WhatsApp
ସବୁ ବାପାଙ୍କ ଭଳି ସୁରେନ୍ଦ୍ର କୁମାରଙ୍କର ବି ସ୍ୱପ୍ନ ରହିଥିଲା କି ତାଙ୍କ ଝିଅ ଜୀବନରେ କିଛି ବଡ ସଫଳତା ହାସଲ କରୁ ଏବଂ ଯାହା ଉପରେ ସେ ଗର୍ଭିତ ଅନୁଭବ କରିପାରିବେ । କିନ୍ତୁ ତାଙ୍କୁ ଏକଥା ଜଣା ନଥିଲା କି . ତାଙ୍କ ଝିଅ ସେହି କୋର୍ଟରେ ବିଚାରପତି ଭାବରେ ନିଯୁକ୍ତ ହେବ, ଯେଉଁ କୋର୍ଟ ପରିସରରେ ସେ ବର୍ଷ ବର୍ଷ ଧରି ଏକ ଛୋଟିଆ ଚା’ ବିସ୍କୁଟ ଦୋକାନ କରି ପରିବାର ପାଳୁଥିଲେ । ସୁରେନ୍ଦ୍ର କୁମାରଙ୍କର ୨୩ ବର୍ଷୀୟ ଝିଅ ଶ୍ରୃତି ପଂଜାବର ସିଭଳି ସର୍ଭିସ ତଥା ନ୍ୟାୟିକ ପରୀକ୍ଷାରେ ପ୍ରଥମ ପ୍ରଚେଷ୍ଟାରେ ହିଁ ସଫଳତା ହାସଲ କରିନେଇଥିଲେ ଏବଂ ଏବେ ସେ ପାଖାପାଖି ୧ ବର୍ଷର ଟ୍ରେନିଂ ପରେ ସେହି କୋର୍ଟରେ ଜଣେ ବିଚାରପତି ଭାବରେ ନିଯୁକ୍ତ ହେବାକୁ ପ୍ରସ୍ତୁତ , ଯେଉଁ କୋର୍ଟ ପରିସରରେ ତାଙ୍କର ବାପା ଏକ ଚା’ ଦୋକାନ କରି ଘରର ଗୁଜୁରାଣ ମେଂଟାଉଛନ୍ତି । ଏହା ପୂର୍ବରୁ ଶ୍ରୃତି ଗୁରୁ ନାନକ ଦେବ ବିଶ୍ୱବିଦ୍ୟାଳୟରୁ ଉଚ୍ଚ ଶିକ୍ଷା ହାସଲ କରିଥିଲେ ଏବଂ ଏହାପରେ ସେ ପଂଜାବ ବିଶ୍ୱବିଦ୍ୟାଳୟରୁ ଲ’ କରିଥିଲେ ।
ଶ୍ରୃତି ନିଜର ଏହି ସଫଳତାର ଶ୍ରେୟ ତାଙ୍କ ବାପାମାଆଙ୍କୁ ଦେଇଛନ୍ତି । ଯଦି ତାଙ୍କର ବାପା ପେଟକୁ ପୀଠି କରି କଠିନ ପରିଶ୍ରମ କରି ତାଙ୍କୁ ପାଠପଢାଇ ନଥାନ୍ତେ ତେବେ ଆଜି ସେ ଏଠାରେ ପହଂଚିପାରିନଥାନ୍ତେ ବୋଲି ଶ୍ରୃତି କହିଛନ୍ତି । ଶ୍ରୃତି ଆହୁରୀ ମଧ୍ୟ କହିଛନ୍ତି କି, ଏହା ତାଙ୍କ ପାଇଁ କୌଣସି ସ୍ୱପ୍ନଠାରୁ ବି କମ୍ ନଥିଲା । ସେ କହିଛନ୍ତି କି, ନ୍ୟାୟାକୀୟ ପେଶା ତାଙ୍କୁ ଆରମ୍ଭରୁ ବେଶ ପସନ୍ଦ ଥିଲା ଆଉ ସେ ସବୁବେଳେ ଜଣେ ବିଚାରପତି ହେବାକୁ ଚାହୁଁଥିଲେ ।