ରାଷ୍ଟ୍ରପତି ନିର୍ବାଚନ : ଭୋଟ୍ ଦେବାକୁ ଯାଉଥିବା ୭୧ ପ୍ରତିଶତ ସାଂସଦ କୋଟିପତି ଓ ୯ ପ୍ରତିଶତ ହେଉଛନ୍ତି ମହିଳା
ଆଗାମୀ ସପ୍ତାହରେ ହେବାକୁ ଯାଉଛି ରାଷ୍ଟ୍ରପତି ନିର୍ବାଚନ । ଆଉ ଏହି ନିର୍ବାଚନରେ ଭୋଟ ଦେବାକୁ ଯାଉଥିବା ସାସଂଦ ଓ ବିଧାୟକମାନଙ୍କ ମଧ୍ୟରେ ଅଧିକାଂଶ ରହିଛନ୍ତି କୋଟିପତି । ଏକଥା ଆମେ କହୁଁନାହୁଁ ବରଂ ନିକଟରେ ପ୍ରକାଶ ପାଇଥିବା ଏକ ରିପୋର୍ଟରେ ତାହା ଦର୍ଶାଯାଇଛି । ରିପୋର୍ଟ ଅନୁସାରେ, ଏହି କୋଟିପତି ମତଦାତାଙ୍କ ଆକଳନ ୭୧ ପ୍ରତିଶତ ରହିଛି । ପାଖାପାଖି ୩,୪୬୦ ଉଭୟ ସଂସଦ ଏବଂ ବିଧାନସଭା ସଦସ୍ୟମାନେ ଏଭଳି ରହିଛନ୍ତି ଯେଉଁମାନେ କି ନିଜସ୍ୱ ସଂପତି କୋଟିରୁ ଅଧିକ ବୋଲି ଘୋଷଣା କରିଛନ୍ତି । ସେହିପରି ଏହି ନିର୍ବାଚନରେ କେବଳ ୯ ପ୍ରତିଶତ ମହିଳା ଭୋଟର ସାମିଲ୍ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆସୋସିଏସନ ଫର୍ ଡେମୋକ୍ରେଟିକ୍ ରିଫର୍ମ (ଏଡିଆର)ର ଏକ ରିପୋର୍ଟରେ ଦର୍ଶାଯାଇଛି କି, ଯଦି ଭୋଟ ସଂଖ୍ୟାକୁ ଗୁରୁତ୍ୱ ଦିଆଯାଏ ତେବେ ଏହି କୋଟିପତି ସାଂସଦ ଓ ବିଧାୟକଙ୍କ ସଂଖ୍ୟା ରହିଛି ୭୧ ପ୍ରତିଶତ । ଯେଉଁଠି ୧୦,୯୧,୪୭୨ ଭୋଟ ମଧ୍ୟରୁ ୮,୧୮,୭୦୩ ମତଦାତା କୋଟିପତି ଅଛନ୍ତି । ତେବେ ଏହି ଆକଳନ ଏଡିଆର ଏବଂ ନ୍ୟାସନାଲ୍ ଇଲେକସନ ଦ୍ୱାରା ଦର୍ଶାଯାଇଥିବା ନିର୍ବାଚନ ଶପଥ ପତ୍ରର ବିଶ୍ଳେଷଣ ଉପରେ ଆଧାରିତ ।
ନିର୍ବାଚନ ସମୟରେ ୪,୮୯୬ ଜମା ଶପଥ ପତ୍ରମାନଙ୍କ ମଧ୍ୟରୁ ୪,୮୫୨ର ବିଶ୍ଳେଷଣ ସେମାନେ କରିଥିଲେ । ଯେଉଁଥିରେ କି ୭୭୬ଟି ଭିତରୁ ୭୭୪ ଶପଥ ପତ୍ର ସାଂସଦଙ୍କ ପକ୍ଷରୁ ଏବଂ ୪,୧୨୦ ବିଧାୟକଙ୍କ ପକ୍ଷରୁ , ୪,୦୭୮ ଶପଥ ପତ୍ରରେ ବିଧାୟକଙ୍କର ରହିଛି । ଏଠାରେ ଆମେ କହି ରଖୁଛୁ କି, ୧୭ ଜୁଲାଇରେ ଦେଶରେ ରାଷ୍ଟ୍ରପତି ପଦ ପାଇଁ ମତଦାନ ହେବାକୁ ଯାଉଛି । ଯେଉଁଥିରେ କି ଜଣେ ସାଂସଦଙ୍କ ଭୋଟର ମୂଲ୍ୟ ୭୦୮ ହୋଇପାରେ, ଯେବେକି ବିଧାୟକଙ୍କ ଭୋଟର ମୂଲ୍ୟ ବିଧାନସଭା ଏବଂ ସେହି ରାଜ୍ୟର ଜନସଂଖ୍ୟା ଉପରେ ନିର୍ଭର କରିଥାଏ ।