ସାବଧାନ ! ଏଲଇଡି ବଲବର ବ୍ୟବହାର ଆପଣଙ୍କ ପାଇଁ ହୋଇପାରେ ବିପଦ
ବଜାରରେ ଉପଲବ୍ଧ ଏଲଇଡି ବଲବର ୭୬ ପ୍ରତିଶତ ବ୍ରାଣ୍ଡ ଉଲ୍ଲଂଘନ କରିଛି ଉପଭୋକ୍ତା ସୁରକ୍ଷା ମାନକ । ଯାହାର ଖୁଲାସା କରିଛି ନିଲସନ । ନିଲସନ ନିଜର ଏକ ଅଧ୍ୟୟନରେ ନୂଆ ଦିଲ୍ଲୀ ସମେତ ମୁମ୍ବାଇ, ଅହମଦାବାଦ ଏବଂ ହାଇଦ୍ରାବାଦରେ ବୈଦ୍ୟୁତିକ ଉପକରଣ ବ୍ୟବସାୟ କରୁଥିବା ପ।ଖାପାଖି ୨୦୦ଟି ଦୋକାନକୁ ସାମିଲ କରିଥିଲେ ଆଉ ଯେଉଁଥିରେ ସେ ଏଭଳି ସାଂଘାତିକ ତଥ୍ୟର ଖୁଲାସା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନିଲସନ ଏହି ଅଧ୍ୟୟନରୁ ଜାଣିବାକୁ ପାଇଥିଲା କି, ଏଲଇଡି ବଲବର ୭୬ ପ୍ରତିଶତ ବ୍ରାଣ୍ଡ ଏବଂ ଏଲଇଡି ଡାଉନଲାଇଟରର ୭୧ ପ୍ରତିଶତ ବ୍ରାଣ୍ଡ ଉପଭୋକ୍ତାଙ୍କ ସୁରକ୍ଷା ମାନକଗୁଡିକର ଉଲ୍ଲଂଘନ କରିଛନ୍ତି । ତେବେ ଭାରତୀୟ ମାନକ ବ୍ୟୁରୋ (ବିଆଇଏସ) ଏବଂ ଇଲୋକ୍ଟ୍ରନିକ୍ସ ଏବଂ ସୂଚନା ପ୍ରସାରଣ ମନ୍ତ୍ରାଳୟ (ଏଲକୋମା) ଏହି ମାନକକୁ ପ୍ରସ୍ତୁତ କରିଥିଲେ । ଇଲେକ୍ଟ୍ରିକ୍ ଲ୍ୟଂପ ଆଣ୍ଡ କଂପୋନେଂଟ୍ ମାନ୍ୟୁଫାକ୍ଚର୍ସ ଆସୋସିଏସନ ସୂଚନା ମୁତାବକ, ଦିଲ୍ଲୀରେ ସବୁଠାରୁ ଅଧିକ ବିଆଇଏସ ମାନକର ଉଲ୍ଲଂଘନ କରାଯାଇଛି । ସେହିଭଳି ଏଲକୋମା ପକ୍ଷରୁ କୁହାଯାଇଛି କି, ଏହି ନକଲି ପ୍ରଡକ୍ଟ ଉପଭୋକ୍ତଙ୍କ ପାଇଁ ଅତ୍ୟନ୍ତ ବିପଦଜ୍ଜନକ ଅଟେ । ଏହାବତୀତ ଏହି ବ୍ୟବସାୟରୁ ସରକାରଙ୍କୁ ରାଜସ୍ୱ କର ଜନିତ କ୍ଷତି ମଧ୍ୟ ସହିବାକୁ ପଡିଛି । କାହିଁକି ନା ଏହାର ମାନ୍ୟୁଫାକ୍ଚରିଂ ଏବଂ ବିକ୍ରି ବେଆଇନ ତରିକାରେ ହେଉଛି ।
ରିପୋର୍ଟ ମୁତାବକ, ଦିଲ୍ଲୀରେ ବିକ୍ରି ହେଉଥିବା ଏଲଇଡି ବଲବର ପାଖାପାଖି ୩ରୁ ୪ ପ୍ରତିଶତ ବ୍ରାଣ୍ଡ ବିଆଇଏସ ମାନକର ଅନୁରୂପ ନୁହେଁ । ଏଲଇଡି ଡାଇନଲାଇଟର୍ସ ମାମଲାରେ ମଧ୍ୟ ଏଭଳି ସତ୍ୟତା ସାମ୍ନାକୁ ଆସିଛି । ଏଲକୋମା କହିବା ଅନୁସାରେ, ଦେଶରେ ଏଲଇଡିର ମୋଟ ବ୍ୟବସାୟର ପାଖାପାଖି ୧୦ ହଜାର କୋଟି ଟଙ୍କାର ରହିଛି । ଯାହାର ପାଖାପାଖି ୫୦ ପ୍ରତିଶତ ଭାଗୀଦାରୀ ରହିଛନ୍ତି । ତେବେ ଏଲକୋମାର ଅଧ୍ୟକ୍ଷ ଏବଂ ହେଲୋନିକ୍ସ ଟେକନୋଲୋଜିର ଏମଡି ରାକେଶ ଜୁସି୍ଥଙ୍କ ମତରେ ନିୟମ ଏବଂ ମାନକର ଉଲ୍ଲଂଘନ କରି ଏଲଇଡି ବଲବ ଏବଂ ଡାଉନଲାଇଟର୍ସର ବ୍ୟବସାୟ କରୁଥିବା ବ୍ରାଣ୍ଡ ଗୁଡିକ ବିପଦ ସୃଷ୍ଟି କରିପାରନ୍ତି ।
ସୌଜନ୍ୟ: ଦୈନିକ ଜାଗରଣ