ଉତ୍ତରପ୍ରଦେଶରେ କଟିବ ବିରୋଧୀଙ୍କ ପତା ! ଏସପି-ବିଏସପି ଆସନ ବୁଝାମଣା, କଂଗ୍ରେସ ପାଇଁ ଛାଡିଲେ ୨ଟି ଆସନ ।
କନକ ବ୍ୟୁରୋ : ୨୦୧୯ ନିର୍ବାଚନ ଯେତିକି ପାଖେଇ ପାଖେଇ ଯାଉଛି, ରାଜନୈତିକ ଦଳ ଗୁଡିକ ମଧ୍ୟରେ ସେତିକି ଉଷ୍ମତା ବୃଦ୍ଧି ପାଉଛି । ବିଶେଷ କରି ନିର୍ବାଚନରେ କ’ଣ ରହିବ ରଣନୀତି, ସେନେଇ ଆରମ୍ଭ ହୋଇଯାଇଛି ଅଙ୍କକଷା । ଆଗାମୀ ଲୋକସଭା ନିର୍ବାଚନରେ ବିଜେପିକୁ ମାତ୍ ଦେବା ପାଇଁ ଉତ୍ତରପ୍ରଦେଶରେ ରାଜନୈତିକ ଗୋଟିଚାଳନା କରିଛନ୍ତି ଏସପି, ବିଏସପି ମେଣ୍ଟ । ଉତ୍ତରପ୍ରଦେଶରେ କିଏ କେଉଁ ଆସନରୁ ପ୍ରତିଦ୍ୱନ୍ଦିତା କରିବେ ସେନେଇ ଉଭୟ ଦଳ ମଧ୍ୟରେ ଆଜି ଆସନ ବୁଝାମଣା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସରଗରମ ହୋଇଛି ଉତ୍ତରପ୍ରଦେଶ ରାଜନୀତି । ଆଗାମୀ ୨୦୧୯ ଲୋକସଭା ନିର୍ବାଚନରେ କିଏ କେଉଁ ଲୋକସଭା ଆସନରପ ସମାଜବାଦୀ ପାର୍ଟି ୩୭ଟି ଲୋକସଭା ଆସନରେ ଲଢିବା ନେଇ ନିଷ୍ପତ୍ତି ଚୁଡାନ୍ତ ହୋଇଛି । ସେହିପରି ମାୟାବତୀଙ୍କ ବହୁଜନ ସମାଜପାର୍ଟି ଭାଗରେ ପଡିଛି ୩୮ଟି ଲୋକସଭା ଆସନ । ତେବେ ଉତ୍ତରପ୍ରଦେଶରେ କଂଗ୍ରେସ ପାଇଁ ଦୁଇଟି ଆସନ ଛାଡିଛନ୍ତି ଏସପି-ବିଏସପି ମେଣ୍ଟ । ଆମେଥି ଓ ରାୟବରେଲି ଆସନ ପାଇଁ ମେଣ୍ଟ ପକ୍ଷରୁ ପ୍ରାର୍ଥୀ ଦିଆଯିବ ନାହିଁ । ଉଭୟ ଆସନରେ କଂଗ୍ରେସ ପ୍ରାର୍ଥୀଙ୍କୁ ସମର୍ଥନ ଦେବା ପାଇଁ ନିଷ୍ପତ୍ତି ହୋଇଛି । ପଶ୍ଚିମ ଉତ୍ତରପ୍ରେଦଶରେ ବହୁଜନ ସମାଜପାର୍ଟି ଅଧିକ ଲୋକସଭା ଆସନରେ ନିର୍ବାଚନ ଲଢିବା ନେଇ ନିଷ୍ପତ୍ତି ହୋଇଛି ।