କନକ ବ୍ୟୁରୋ : ସୋରରେ ଚାଂଚଲ୍ୟ । ଜଣେ କଲେଜ ଛ୍ରାତ୍ରୀଙ୍କୁ ବଳି ଦେବାକୁ ଉଦ୍ୟମ ଖବର ସମଗ୍ର ସୋର ଅଂଚଳରେ ଚାଂଚଲ୍ୟ ଖେଳାଇ ଦେଇଛି । ଅନ୍ଧବିଶ୍ୱାସର ବଶବର୍ତ୍ତି ହୋଇ ନିଜର କଲେଜ ପଢ଼ୁଆ ଝିଆରିକୁ ଦାଦା ବଳିଦେବାକୁ ନେବା ସମସ୍ତଙ୍କୁ ସ୍ତମ୍ବୀଭୂତ କରିଛି । ସୂଚନା ଅନୁଯାୟୀ ସୋର ବ୍ଲକ୍ ମାଣିପୁର ପଂଚାୟତ ପଂଛାପଦୀ ଗାଁର କୈଳାସ ମଳିକ ଦୀର୍ଘ ଦିନ ହେବ ଅସୁସ୍ଥ ଥିଲେ । ତାଙ୍କୁ କେହି ଗୁଣି ଗାରେଡି କରିଥିବା
Kanak News is now on WhatsApp
Join and get latest news updates delivered to you via WhatsApp
ସନ୍ଦେହରେ ତାର ପରିବାର ଲୋକେ ମୟୂରଭଞ୍ଜ ଜିଲ୍ଲା ଉଦଳାର ଜଣେ ଗୁଣିଆଙ୍କ ଦ୍ୱାରସ୍ଥ ହୋଇଥିଲେ । ତେବେ ଜଣେ ଅବିବାହିତ ଝିଅକୁ ବଳି ଦେଲେ ରୋଗ ଭଲ ହୋଇଯିବ ବୋଲି ଗୁଣିଆ ପରାମର୍ଶ ଦେଇଥିଲା । ଏହାକୁ ବିଶ୍ୱାସ କରି ଗତ ରାତିରେ ନିଜ ଝିଆରିକୁ ବଳି ଦେବା ପାଇଁ ଉଠାଇ ନେବାକୁ ଉଦ୍ୟମ କରିଥିଲା ଦାଦା ଓ ତାଙ୍କ ସାଥୀ । ତେବେ ଝିଅଟି ଚିକ୍ରାର କରିବାରୁ ଗ୍ରାମବାସୀ ଏକଜୁଟ୍ ହୋଇ ଦାଦା ସମେତ ତିନି ଜଣଙ୍କୁ କାବୁ କରିଥିଲେ ଏବଂ ପୁଲିସ ଜିମା ଦେଇଛନ୍ତି । ସୋର ପୁଲିସ ଘଟଣାର ଛାନଭିନ୍ ଆରମ୍ଭ କରିଛି ।