ଅଜାନ୍ ସଂପର୍କରେ ସୋନୁ ନିଗମଙ୍କ ଟ୍ୱିଟକୁ ନେଇ ଜୋରଦାର ବିବାଦ ! ସମର୍ଥନ ଓ ବିରୋଧରେ ଶହ ଶହ ରିଟ୍ୱିଟ୍
ଅଜାନ୍ ସଂପର୍କରେ ସୋନୁ ନିଗମଙ୍କ ମନ୍ତବ୍ୟକୁ ନେଇ ବିବାଦ ଲାଗି ରହିଛି । ମୁସଲମାନ ସଂପ୍ରଦାୟର ଲୋକେ ସକାଳେ ଲାଉଡସ୍ପିକର ମାଧ୍ୟମରେ ମସଜିଦରେ ଅଜାନ କରିବାକୁ ବିରୋଧ କରିଛନ୍ତି ସୋନୁ । ବଲିଉଡର ଏହି ଲୋକପ୍ରିୟ ଗାୟକ କହିଛନ୍ତି ସେ ମୁସଲମାନ ନୁହଁନ୍ତି, କିନ୍ତୁ ପ୍ରତିଦିିନ ସକାଳୁ ଅଜାନର ଶବ୍ଦ ତାଙ୍କ ନିଦ ଭାଙ୍ଗିଦେଉଛି । ଭାରତରେ ଏ ଧାର୍ମିକ ଗୁଣ୍ଡାଗର୍ଦ୍ଦି କେବେ ବନ୍ଦ ହେବ ବୋଲି ସେ ପ୍ରଶ୍ନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ମହମ୍ମଦ ଇସଲାମ ଧର୍ମ ପ୍ରତିଷ୍ଠା କରିବା ବେଳେ ଇଲେକ୍ଟ୍ରିସିଟି ନଥିଲା ବୋଲି ମଧ୍ୟ ସୋନୁ ଟ୍ୱିଟ୍ କରିବା ପରେ ବିବାଦ ଜୋର୍ ଧରିଛି । କୌଣସି ମନ୍ଦିର କିମ୍ବା ଗୁୁରୁଦ୍ୱାରା ଅନ୍ୟ ଧର୍ମର ଲୋକଙ୍କୁ ନିଦରୁ ଉଠାଇବା ପାଇଁ ଇଲେକ୍ଟ୍ରିସିଟି ବ୍ୟବହାର କରନ୍ତି ନାହଁ ବୋଲି ଟ୍ୱିଟ୍ କରିଛନ୍ତି ସୋନୁ ନିଗମ । ଟ୍ୱିଟରରେ ସୋନୁଙ୍କର ପ୍ରାୟ ୬୦ ଲକ୍ଷ ଅନୁଗାମୀ ଅଛନ୍ତି । ତାଙ୍କ ମନ୍ତବ୍ୟକୁ ଜୋରଦାର ଭାବେ ସମର୍ଥନ ଓ ବିରୋଧ କରାଯାଇଛି ।