ବଲିଉଡ଼ର ମସକଲି ଗର୍ଲ ସୋନମ କପୁର ଥରେ ନୁହେଁ ଦୁଇ ଥର ବିବାହ କରିବେ । ତେଣୁ ବେଶ ଚର୍ଚ୍ଚାରେ ଏବେ ବଲିଉଡ ମିଷ୍ଟର ଇଣ୍ଡିଆଙ୍କ ଲାଡଲି । ଜୁନରେ ବାଜିବ ସୋନମଙ୍କ ଶାହାନାଇ, ହାତରେ ଲାଗିବ ମେହେନ୍ଦୀ । ତେବେ ଚର୍ଚ୍ଚା ହେଉଥିବା ଖବରରେ ଟିକେ ଟୁଇଷ୍ଟ ରହିଛି । କଣ ରହିଛି ସୋନମଙ୍କ ସାଦିର ଟୁଇଷ୍ଟ ? ସତରେ କଣ ଦୁଇ ଦୁଇ ଥର ବିବାହ କରିବେ ମସକଲି ଗର୍ଲ ?
Kanak News is now on WhatsApp
Join and get latest news updates delivered to you via WhatsApp
ପରଦାରେ ବୋହୁ ରୋଲରେ ଅଭିନୟ କରିବା ପରେ ଏବେ ସତସତିକା ବୋହୁରାଣୀ ହେବେ ବଲିଉଡ ଷ୍ଟାଇଲ ଆଇକନ ସୋନମ କପୁର । ବୋହୁ ବେଶରେ ନଜର ଆସିବେ କପୁର ଲାଡଲି ସୋନମ କପୁର । ନିଜ ଲଙ୍ଗ ଟାଇମ ବୟଫ୍ରେଣ୍ଡ ତଥା ବ୍ୟବସାୟର ଆନନ୍ଦ ଆହୁଜାଙ୍କୁ ଜୀବନସାଥୀ ଭାବେ ବାଛିଛନ୍ତି ସୋନମ୍ । ଜୁନ ମାସରେ ଯୋଧପୁରରେ ସେଲିବ୍ରେଟିଙ୍କ ୱେଡିଙ୍ଗ ପାଇଁ ଖାସ ପ୍ରସ୍ତୁତି ଓ ଆୟୋଜନ କରାଯାଉଥିବା ଜଣାପଡିଛି । ସୋନମଙ୍କ ପାଇଁ ସନ୍ଦିପ ଖୋସଲା ଓ ଅବୁଜାନୀ କଷ୍ଟ୍ୟୁମ ଡିଜାଇନ କରିବେ । ଉମେଦ ଭବନ ପ୍ୟାଲେସରେ କିଛି ଖାସ ବନ୍ଧୁ ଓ ପରିଜନଙ୍କ ଗହଣରେ ବିବାହ ଶେଷ ହେବା ପରେ ମୁମ୍ବାଇ ରଖାଯାଇଛି ଗ୍ରାଣ୍ଡ ୱେଡିଙ୍ଗ ପାର୍ଟି ।
୪ବର୍ଷ ପୂର୍ବରୁ ସୋନମ ଓ ଆନନ୍ଦାଙ୍କ ଦେଖାହୁଏ । ବନ୍ଧୁତା ପରେ ପରସ୍ପର ପ୍ରେମରେ ପଡନ୍ତି ପ୍ରେମପକ୍ଷୀ । କିଛି ଦିନ ଧରି ସର୍ମ୍ପକକୁ କ୍ୟାମେରା ଆଢୁଆରେ ଦୂରେଇ ରଖିବା ପରେ ହଲିଡେ ଟ୍ରିପର ଏମାନଙ୍କ ପ୍ରଥମ ଫଟୋ ସୋସିଆଲ ମିଡିଆରେ ଜାରି ହୁଏ । ପ୍ରେମପକ୍ଷୀଙ୍କ ପ୍ରଥମ ଫଟୋରୁ ଜୋର ହୁଏ ଏମାନଙ୍କ ରୋମାନ୍ସର ଚର୍ଚ୍ଚା । ପରେ ବିଭିନ୍ନ କାର୍ଯ୍ୟକ୍ରମ, ସେଲିବ୍ରେସନ ଓ ଇଭେଟଂରେ ସୋନମ ଓ ଆନନ୍ଦଙ୍କ ଫଟୋ ପ୍ରମାଣ କରିଥିଲା ସୋନମଙ୍କୁ ମିଳିଯାଇଛି ତାଙ୍କ ସାୱରିଆଁ ।
ତେବେ ସୋନମଙ୍କ ୨ୟ ବାହାଘର ମଧ୍ୟରେ ସେତିକି ରୋଚକ ହେବାକୁ ଯାଉଛି । ଯାହାକି ତାଙ୍କ ଯୋଧପୁର ବାହାଘରଠୁ ଅଧିକ ଏଟଂରଟେନିଙ୍ଗ ହେବା ସହ ଏହାକୁ ଦେଖିପାରିବେ ତାଙ୍କ ଫ୍ୟାନ । କାରଣ ଏହା ହେବାକୁ ଯାଉଛି ତାଙ୍କର ରିଲ ୱେଡିଙ୍ଗ । ଜୁନରେ ରିଲିଜ ହେବ ସୋନମଙ୍କ ବହୁ ପ୍ରତିକ୍ଷୀତ ସିନେମା ‘ବୀର ଦି ୱେଡିଙ୍ଗ’ । ଯେଉଁଁଥିରେ ମସକଲିଙ୍କ ଗର୍ଲଙ୍କର ପଂଜାବୀ ୱେଡିଙ୍ଗ ରହିଛି । ତେଣୁ ଉଭୟ ସୋନମଙ୍କ ଉଭୟ ରିଲ ଓ ରିୟଲ ମ୍ୟାରେଜକୁ ନେଇ ଏବେ ବଲିଉଡ ବଜାରରେ ଚର୍ଚ୍ଚା ଜୋର ଧରିଛି । ସାୱରିଆଁ ଆନନ୍ଦଙ୍କ ମନ ଚୋରି କରି ଉଠିବ ଡଲି କି ଡୋଲି । ଜୁନରେ ଯୋଧପୁରରେ ହେବ ବିବାହ । ୪ବର୍ଷ ଧରି ପ୍ରେମ ମୌସମର ମଜା ନେବା ପରେ ସୋନମ କହିବେ ପ୍ରେମ ରତନ ଧନ ପାୟୋ ।