ଆହେ ନୀଳ ଶଇଳ ଗାୟନ ଶୈଳୀକୁ ନେଇ ସ୍ପଷ୍ଟ କଲେ ସୋନା : କହିଲେ ମୁଁ ଅନୁତପ୍ତ ନୁହେଁ, ଏମିତି ଗାଇ ଚାଲିଥିବି ଗୀତ
କନକ ବ୍ୟୁରୋ : ଆହେ ନୀଳ ଶଇଳ ଗୀତ ଗାୟନ ଶୈଳୀ ବିବାଦକୁ ନେଇ ମତ ରଖିଛନ୍ତି ଗାୟିକା ସୋନା ମହାପାତ୍ର । ଏ ନେଇ ସେ ଅନୁତାପ କରିନାହାନ୍ତି । ସୋନା କହିଛନ୍ତି ମୁଁ ଏମିତି ଗାଇଚାଲିଥିବି । ମୁଁ ଅନୁତପ୍ତ ନୁହେଁ । ଆହେ ନୀଳ ଶୈଳକୁ କଦର୍ଥ କରି ଗାଇବା ପରେ ରାଜ୍ୟରେ ବିରୋଧ ଦେଖାଦେଇଥିଲା । ବୁଦ୍ଧିଜୀବୀ, ସାହିତ୍ୟିକ ଓ ସମାଜର ବିଭିନ୍ନ ଶ୍ରେଣୀର ଲୋକେ ଏହାକୁ ବିରୋଧ କରି ଟ୍ୱିଟ କରିଥିଲେ । ଏହା ପରେ ସୋନାଙ୍କ ପ୍ରତିକ୍ରିୟା ଆସିଛି । ସେ ଅନୁତପ୍ତ ନଥିବା କହିଛନ୍ତି ସୋନା ।
Kanak News is now on WhatsApp
Join and get latest news updates delivered to you via WhatsApp
କୋଟି କୋଟି ଓଡିଆଙ୍କ ଭାବାବେଗ ସହ ଜଡିତ ଭଜନ, ଆହେ ନୀଳ ଶୈଳ ଗୀତକୁ ସିଙ୍ଗର ସୋନା ମହାପାତ୍ର ବିକୃତ କରି ଗାଇବା ପରେ ବିବାଦ ବଢ଼ିବାରେ ଲାଗିଛି । ପ୍ରତିବାଦ କରି ପୁରୀ ସ୍ୱର୍ଗଦ୍ୱାରରେ ସୋନା ମହାପାତ୍ରଙ୍କ କୁଶପୁତଳିକା ଦାହ କରାଯାଇଛି । ନାଗରୀକ ସୁରକ୍ଷା ମଂଚ ପକ୍ଷରୁ ବିକ୍ଷୋଭ କରାଯିବା ସହ ସୋନା ତୁରନ୍ତ କ୍ଷମା ମାଗନ୍ତୁ ବୋଲି ଦାବି କରାଯାଇଛି । ସଂଙ୍ଗୀତ ପରିବେଷଣ କରିବା ସମୟରେ ସୋନା ଭଜନରେ ଥିବା ଅନେକ ଶବ୍ଦକୁ ବିକୃତ ଭାବରେ ଉଚ୍ଚାରଣ କରୁଥିବା ନେଇ ଅଭିଯୋଗ ହୋଇଛି । ଯେଉଁଥି ପାଇଁ ସୋନା ମହାପାତ୍ରଙ୍କୁ ନେଇ ସୋସିଆଲ ମିଡ଼ିଆରେ କଡା ଭାଷାରେ ସମାଲୋଚନା କରାଯାଉଛି ।
ସୋନା ମହାପାତ୍ରଙ୍କ ଗୀତକୁ ନେଇ ସୋସିଆଲ ମିଡିଆରେ ପ୍ରତିକ୍ରିୟା ଆସିବାରେ ଲାଗିଛି । ସାହିତ୍ୟିକ କେଦାର ମିଶ୍ର ଓ ଫିଲ୍ମ ନିର୍ମାତା ଅକ୍ଷୟ ପରିଜା ଏହାକୁ ନେଇ ଟ୍ୱିଟ କରିଛନ୍ତି । କେଦାର ମିଶ୍ର ଟିଟ୍ୱରରେ ଲେଖିଛନ୍ତି ଜଣେ ନାଗରିକ ହିସାବରେ ଜଣେ ସବୁ କିଛି କରିବାର ଅଧିକାର ଅଛି । କିନ୍ତୁ ଭାଷା ଓ ସଂସ୍କୃତିକୁ ଆଘାତ ଦେବାର କୌଣସି ଅଧିକାର ନାହିଁ । ଓଡିଆକୁ ଆପଣ ଲଗାତାର ଭାବେ ଅସମ୍ମାନ କରୁଛନ୍ତି । ସେପଟେ ଫିଲ୍ମ ନିର୍ମାତା ଅକ୍ଷୟ ପରିଜା ଟ୍ୱିଟ କରି ଲେଖିଛନ୍ତି ଯେ, ଦିନ ଆଲୁଆରେ ଏହା ଏକ ମହାନ ସଙ୍ଗୀତକୁ ଦୁଷ୍କର୍ମ କଲାଭଳି କଥା । ପ୍ରଭୁ ଜଗନ୍ନାଥ ଏହାର ବିଚାର କରିବେ ।
ସୂଚନାଯୋଗ୍ୟ ଆହେ ନୀଳ ଶଇଳ ଭଜନକୁ କଦର୍ଥ କରି ଗାଇଛନ୍ତି ସୋନା ମହାପାତ୍ର । ସଂଗୀତର ପ୍ରଥମ ଧାଡିରେ ମତକୁ ମାତ ଉଚ୍ଚାରଣ କରିଛନ୍ତି ସୋନା । ସେହିଭଳି କରକୁ କଳ, ଘୋରକୁ ଘର, ଜଳେଣକୁ ଜଳେନ, ଉଦ୍ଧାରିଲକୁ ଉଦ୍ଧରିଲା, ସାଲବେଗକୁ ସାଲେବେଗ ଉଚ୍ଚାରଣ କରିଛନ୍ତି । ଯାହାକୁ ନେଇ ବିବାଦ ସୃଷ୍ଟି ହୋଇଛି । ଓଡିଆ ଭାଷାକୁ ସୋନା କଦର୍ଥ କରିଛନ୍ତି ବୋଲି କୁହାଯାଉଛି ।