ଶାଶୂ ଘରେ ଝଗଡା କରି ବାପ ଘରକୁ ଚାଲି ଆସିଥିଲେ ମହିଳା, ରାଗରେ ଶାଶୂର ନାକ କାଟିଲେ ଜ୍ୱାଇଁ
ରାଜସ୍ଥାନର ବାଡ଼ମେରରେ ଘଟିଥିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଝିଅ ଶାଶୁ ଘର ଛାଡ଼ି ବାପ ଘରେ ଆସି ରହୁଥିବା ବେଳେ ଏହାର ସୁଯୋଗ ନେଇ ଝିଅର ଦ୍ୱିତୀୟ ବିବାହ କରାଇଥିଲେ ପୁରୋ ଦେବୀ । ଏ ନେଇ ଖବର ପାଇବା ପରେ ଜ୍ୱାଇଁ ଘରକୁ ଆସି ପୁରୋ ଦେବୀଙ୍କର ନାକ କାଟିଦେବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୁରୋ ଦେବୀ ୪ବର୍ଷ ପୂର୍ବେ ନିଜ ଝିଅର ବିବାହ କରାଇଥିବା ବେଳେ ବିବାହର କିଛି ଦିନ ପରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା । ବାରମ୍ବାର ଏପରି ହେବାରୁ ଝିଅ ଶାଶୁ ଘର ଛାଡ଼ି ବାପ ଘରକୁ ଚାଲି ଆସିଥିଲେ । ଝିଅର ଏପରି ଅବସ୍ଥା ଦେଖି ପୁରୋ ଦେବୀ ୪ମାସ ପୂର୍ବରୁ ଝିଅର ଅନ୍ୟତ୍ର ବିବାହ କରାଇଥିଲେ । ଏହି କଥାରେ ରାଗି ପୁରୋ ଦେବୀଙ୍କ ପ୍ରଥମ ଜ୍ୱାଇ ଘରକୁ ଆସି ତାଙ୍କ ନାକ କାଟି ଦେଇଥିଲେ । ଏହା ସହ ତାଙ୍କ ସ୍ୱାମୀଙ୍କୁ ମଧ୍ୟ ମାଡ଼ ମାରିଥିଲେ । ଏ ନେଇ ସୂଚନା ଦିଆଯିବା ପରେ ଘଟଣାସ୍ଥଳରେ ପହଞ୍ଚିଥିଲା ପୁଲିସ । ପୁରୋ ଦେବୀଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଇବା ସହ ଅଭିଯୁକ୍ତ ବିରୋଧରେ ମାମଲା ରୁଜୁ କରିଛି ପୁଲିସ ।