ସାରା ବିଶ୍ୱରେ କିଛି ସମୟ ପାଇଁ ଅଚଳ ହୋଇଗଲା ଫେସବୁକ ଓ ଇନଷ୍ଟାଗ୍ରାମ । ଉପଭୋକ୍ତା ଜାହିର କଲେ ଅସନ୍ତୋଷ
ଫେସବୁକ୍ କିଛି ସମୟ ପାଇଁ ଅଚଳ ହୋଇପଡ଼ିଥିଲା
କନକ ବ୍ୟୁରୋ : ସାରା ବିଶ୍ୱରେ ବର୍ତମାନ ସମୟରେ ସୋସିଆଲ ମିଡିଆରେ ଅନେକ ଲୋକ ନିଜର ବାର୍ତାଳପ ସହ ନିଜର ଭାବାବେଗକୁ ପ୍ରକାଶ କରିବାରେ ଏକ ମାଧ୍ୟମ ବୋଲି ଅନେକ ଭାବନ୍ତି । ତେବେ କୌଣସି ସମୟରେ ଏହାର ସରଭର ଡାଉନ ହୋଇଗଲେ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ମିଳିଥିବା ସୂଚନା ଅନୁସାରେ, ବିଶ୍ବର ପ୍ରମୁଖ ସୋସିଆଲ୍ ମିଡିଆ ଫେସବୁକ୍ କିଛି ସମୟ ପାଇଁ ଅଚଳ ହୋଇପଡ଼ିଥିଲା।
Kanak News is now on WhatsApp
Join and get latest news updates delivered to you via WhatsApp
ଫେସବୁକ୍ ମାଲିକାନାରେ ଥିବା ଇନଷ୍ଟାଗ୍ରାମ୍ ମଧ୍ୟ ସେଭଳି ସମସ୍ୟା ଭୋଗିଥିଲା। ବିଶ୍ବର ଅନେକ ସ୍ଥାନରେ ବ୍ୟବହାରକାରୀମାନେ ଫେସବୁକ୍ ଓ ଇନଷ୍ଟାଗ୍ରାମ୍ ଡାଉନ୍ ଥିବା ସୂଚନା ଦେଇଛନ୍ତି। ବ୍ୟବହାର କାରୀମାନେ ଫେସବୁକରେ କିଛି ଅପଡେଟ କରିପାରିନଥିଲେ। ଭାରତ, ଆମେରିକା, ବ୍ରିଟେନ୍, ନେଦରଲ୍ୟାଣ୍ଡ୍, ପୋଲାଣ୍ଡରେ ବ୍ୟବହାରକାରୀମାନେ ଏହି ଅସୁବିଧା ସାମ୍ନା କରିଛନ୍ତି। ଭାରତରେ ଇନଷ୍ଟାଗ୍ରାମ୍ ଠିକଠାକ ଚାଲିଥିଲା।