କେମିତି ଜାଣିବେ ଆପଣ ପ୍ରେମରେ ଅଛନ୍ତି ବୋଲି !
ଆପଣ କେବେ ପ୍ରେମରେ ପଡିଛନ୍ତି, ଯଦି କେବେ ପ୍ରେମରେ ପଡିଥିବେ ଜାଣିଥିବେ ଯେ ପ୍ରେମରେ ପଡିଲେ କ’ଣ ହୁଏ, କେମିତି ହୁଏ ଓ କଣ କଣ ଲକ୍ଷଣ ଦେଖାଯାଏ ତା’ଉପରେ ନଜର ପକାଇବା ।
Kanak News is now on WhatsApp
Join and get latest news updates delivered to you via WhatsApp
ନୂଆ କରି ପ୍ରେମରେ ପଡିଥିବା ବ୍ୟକ୍ତି ସବୁବେଳେ ଅନ୍ୟମନସ୍କ ରହିବା ସହିତ ଭାବନା ରାଜ୍ୟରେ ବିତରଣ କରୁଥିବାର ଦେଖିବାକୁ ମିଳିଥାଏ ।
ନିଜର ମୋବାଇଲକୁ ବାରମ୍ବାର ଦେଖିବା, ମେସେଜ ନ’ ଆସିଲେ ମଧ୍ୟ ବାରମ୍ବାର ମେସେଜ ବକ୍ସକୁ ଯାଇ ଦେଖିବାର ଇଚ୍ଛା ହୋଇଥାଏ । ମନ ଅସ୍ଥିର ରହିବା ପ୍ରେମର ଏକ ଅନ୍ୟତମ ଲକ୍ଷଣ ।
ଭଲ ପ୍ରେମିକ କେବେ ମଧ୍ୟ ଭଲ ସାଙ୍ଗ ହୋଇପାରିବେ ନାହିଁ, କାରଣ ବ୍ୟକ୍ତି ଯେତେବେଳେ ପ୍ରେମରେ ଥାଏ, ସେ ସମୟରେ ନିଜ ସାଙ୍ଗସାଥୀଙ୍କୁ ମଧ୍ୟ ଅବହେଳା କରିଥାଏ, ତେଣୁ ଯେତେବେଳେ ଆପଣଙ୍କ କୈାଣସି ସାଙ୍ଗ ଆପଣଙ୍କ ପ୍ରତି ଏମିତି ବ୍ୟବହାର କରିବାର ଦେଖିବେ , ଜାଣିବେ ସେ ପ୍ରେମରେ ଅଛନ୍ତି ।
କଠୋରୀକୁ ଅନ୍ଧାର କରି ଆଖି ବନ୍ଦକରି ରୋମାଂଟିକ୍ ଗୀତ ଶୁଣିବା ନୂଆ ନୂଆ ପ୍ରେମ କରିବାର ଆଉ ଏକ ଲକ୍ଷଣ ।
ପ୍ରେମରେ ଥବା ବ୍ୟକ୍ତିକୁ ଲାଗେ ତାର ଅତି ଆପଣାର ମଣିଷଟି ତା ପାଖରେ ସବୁବେଳେ ଯଦି ଥାଆନ୍ତା ତା’କୁ ଆଉ କିଛି ଦରକାର ନାହିଁ, ସେ ତାର ଜୀବନକୁ ସୁନ୍ଦରଭାବରେ ଉପଭୋଗ କରିପାରନ୍ତା ।
ପ୍ରେମ କରୁଥିବା ବ୍ୟକ୍ତି ସବୁବେଳେ ନିଜର ମନର ମଣିଷକୁ ନିଜ ପାଖରେ ରଖିବାର ଇଚ୍ଛାପ୍ରକାଶ କରିଥାଏ, କିନ୍ତୁ ତାହା କଣ କେବେ ସମ୍ଭବ ହୁଏ, ଏହା ଠିକରେ ହୋଇ ନ’ପାରିଲେ ସେ ଏକରକମ ପାଗଳ ହୋଇଯାଏ ।
ପ୍ରେମରେ ପାଦ ଦେଇଥିବା ବ୍ୟକ୍ତି ନିଜକୁ ସବୁବେଳେ ସଜାଇବାରେ ବ୍ୟସ୍ତ ରୁହେ । ଆଇନାରେ ବାରମ୍ବାର ମୁହଁକୁ ଦେଖୁଥାଏ ଆଉ ସେତେବେଳେ ଭାବୁଥାଏ ମୁଁ କେମିତି ମୋର ପ୍ରିୟତମ ମଣିଷ ପାଖରୁ ମୋ ସୁନ୍ଦରତାକୁ ନେଇକି କିଛି ଭଲ କଥା ଶୁଣିବି , ଆଉ ତାପରେ ମୋ ମନ ଖୁସିରେ ଝୁମି ଉଠିବ ।