ଘରର ଏକମାତ୍ର ରୋଜଗାରିଆ ପୁଅ ହେଲା ସହିଦ୍ : ତାଙ୍କ କୋଠରୀ କାନ୍ଥରେ ଲେଖା ଥିଲା ‘ମାଇ ଲାଇଫ୍ ଇଜ୍ ଆର୍ମି’
ସୂରଜଙ୍କ ରୋଜଗାରରେ ଘରର ଖର୍ଚ୍ଚ ଚଳୁଥିଲା ।
ଜମ୍ମୁ –କାଶ୍ମୀରର ରାଜୌରୀରେ ମାଇନ୍ ବ୍ଲାଷ୍ଟରେ ସହିଦ ହୋଇଥିବା ଅଲମୋଡା ଜିଲ୍ଲାର ୮ କୁମାଉଁ ରେଜିମେଣ୍ଟର ଯବାନ ଲାନ୍ସ ନାୟକ ସୂରଜ ସିଂହ ଘରର ଏକମାତ୍ର ରୋଜଗାରିଆ ଥିଲେ । ନୂଆ ଘର ନିର୍ମାଣ ପାଇଁ ସୂରଜ ନିଜ ପିତାଙ୍କୁ ଟଙ୍କା ବି ଦେଇଥିଲେ । ସୂରଜ ଛୁଟିରେ ଆସିବା ସମୟରେ ନୂଆ ଘର ନିର୍ମାଣ ବି ହୋଇସାରିଥିଲା । ସୂରଜଙ୍କ ରୋଜଗାରରେ ଘରର ଖର୍ଚ୍ଚ ଚଳୁଥିଲା । ସୂରଜଙ୍କ ପିତାଙ୍କ ଭନୌଲିରେ ଏକ ଛୋଟ ଦୋକାନ ଅଛି । ଗାଁ ଲୋକଙ୍କୁ ଏବେ ବି ବିଶ୍ୱାସ ହେଉନି ଯେ, ସୂରଜ ତାଙ୍କ ମଧ୍ୟରେ ନାହାଁନ୍ତି । ସୂରଜ ସହିଦ୍ ହେବା ପରେ ପୁରା ଗାଁ ସ୍ତବ୍ଧ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂରଜଙ୍କ ପିତା ୫୧ ବର୍ଷୀୟ ନାରାୟଣ ସିଂହଙ୍କ କହିବାନୁସାରେ, ସୂରଜ ନିଜ କୋଠରୀର କାନ୍ଥରେ ‘ମାଇ ଲାଇଫ ଇଜ୍ ଆର୍ମି’ ଲେଖିଥିଲେ । ସେ ଛୋଟ ବେଳୁ ଆର୍ମିକୁ ଯିବାର ସଉକ ରଖିଥିଲେ । ପାଠପଢ଼ା ସମୟରେ ସୂରଜ ଅଲମୋଡାରେ ପ୍ରତିଦିନ ସକାଳେ କସରତ କରୁଥିଲେ । ସୂରଜଙ୍କ ଜେଜେବାପା ଆର୍ମିରେ କ୍ୟାପଟେନ୍ ରହିସାରିଛନ୍ତି । ସେ ୧୯୭୧ରେ ଭାରତ-ପାକ ଯୁଦ୍ଧ ବି ଲଢ଼ିଥିଲେ ।