ଏମ୍ସ ଡାକ୍ତରୀ ଛାତ୍ରଙ୍କୁ ଅପହରଣ କରିଛନ୍ତି କି ମାଓବାଦୀ ? ପୁଲିସ କହିଲା, କରାଯିବ ତଦନ୍ତ । ଭୁବନେଶ୍ୱରରେ ମାଓ ପୋଷ୍ଟର ପରେ ଜୋର ଧରିଲା ଚର୍ଚ୍ଚା
କନକ ବ୍ୟୁରୋ: ଭୁବନେଶ୍ୱର ଏମ୍ସ ଛାତ୍ର ସୋହେଲ ଏଜାଜ ନିଖୋଜ ଘଟଣାରେ ଆସିଛି ନୂଆମୋଡ । ସୋହେଲଙ୍କୁ ମାଓବାଦୀମାଦେ ଅପହରଣ କରିନେଇଥିବା ନେଇ ଭୁବନେଶ୍ୱର ବରମୁଣ୍ଡାରେ ଏକ ପୋଷ୍ଟର ଦେଖିବାକୁ ମିଳିଛି । ବରମୁଣ୍ଡା ବସଷ୍ଟାଣ୍ଡ ଓଭରବ୍ରିଜ କାନ୍ଥରେ ସିପିଆଇ ମାଓବାଦୀ ନାଁ ଲେଖାଥିବା ଏହି ପୋଷ୍ଟରରେ ସୋହୋଲକୁ ଅପହରଣ କରାଯାଇଥିବା ଲେଖାଅଛି ।
Kanak News is now on WhatsApp
Join and get latest news updates delivered to you via WhatsApp
ମାଓ ନେତା ସବ୍ୟସାଚୀ ପଣ୍ଡାଙ୍କୁ ଖଲାସ କଲେ ସୋହେଲଙ୍କୁ ମୁକ୍ତ କରାଯିବ ବୋଲି ଏହି ପୋଷ୍ଟରରେ ଉଲ୍ଲେଖ ଅଛି । କମିଶନରେଟ ପୁଲିସ ପୋଷ୍ଟରକୁ ଜବତ କରି ଘଟଣାର ତଦନ୍ତ କରୁଛି । ପୋଷ୍ଟର ତଳେ ସିପିଆଇ ଏମ୍ ଲେଖାଯାଇଥିଲେ ମଧ୍ୟ ଏଥିରେ ମାଓବାଦୀଙ୍କ ସମ୍ପୃକ୍ତି ସ୍ପଷ୍ଟ ହୋଇନାହିଁ ।
ସେପଟେ ଘଟଣାର ତଦନ୍ତ କରାଯାଉଛି ବୋଲି କହିଛନ୍ତି ଡିସିପି ସତ୍ୟବ୍ରତ ଭୋଇ । ଏହି ପୋଷ୍ଟର ନେଇ ପ୍ରତିକ୍ରିୟା ରଖିଛନ୍ତି ସବ୍ୟସାଚୀ ପଣ୍ଡାଙ୍କ ପତ୍ନୀ ମିଲି ପଣ୍ଡା । ଏହା ମିଛ କଥା ବୋଲି ସେ କହିଛନ୍ତି । ଏମ୍ସରେ ପଢୁଥିବା ଜମ୍ମୁ କଶ୍ମୀର କୁପୱାଡା ଅଂଚଳର ସୋହେଲ ଏଜାଜ ଗତ ଫେବ୍ରୁଆରୀ ୯ତାରିଖ ପରଠାରୁ ତାଙ୍କ ପରିବାର କିମ୍ବା କୌଣସି ବନ୍ଧୁଙ୍କ ସହ ଯୋଗାଯୋଗ କରିନାହାନ୍ତି ।