କନକ ବ୍ୟୁରୋ : ସୋଆ ଫେକ୍ ପ୍ଲେସମେଂଟ୍ ଘଟଣାରେ ପୁଲିସ୍ ଆଗରେ ଗୁମର ଖୋଲୁଛି ଗିରଫ ହୋଇଥିବା ଠକ ମାନସ ରଞ୍ଜନ ନାୟକ । ସୋଆକୁ କିଭଳି ଆସିଥିଲା ଜାଲ୍ କଂପାନୀ, ଗିରଫ ଠକ ଖୋଲିଛି ଠକାମୀର ଗୁମର । କହିଛି, ୬ ମାସ ତଳେ ପ୍ଲେସମେଂଟ ଡିନଙ୍କ ସହ ତାର ପରିଚୟ ହୋଇଥିଲା । ତଦନ୍ତ ବେଳେ, ୱେବସାଇଟରେ ଥିବା ଠକ କମ୍ପାନୀ ଓ କିଛି ଠକ ସାଙ୍ଗକ ସଂପର୍କରେ ସୁରାକ ବି ଦେଇଛି । ଏହି ଠକ ସର୍ଦ୍ଦାର ତଥ୍ୟ ଆଧାରରେ ଦିଲ୍ଲୀ ଯିବାକୁ ଏକ ଟିମ୍ ବି ଗଠନ କରିଛି ବୋଲି ପୁଲିସ୍ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ପୁଲିସ୍ ସୂତ୍ରରୁ ମିଳିଥିବା ସୂଚନାନୁସାରେ, ସୋଆ କ୍ୟାମ୍ପସକୁ ଆସିଥିବା ୯ଟି ଫେକ୍ କମ୍ପାନୀ ଭିତରୁ ଇଂଟେଲ ନାଁରେ ଫେକ୍ କମ୍ପାନୀ ଆଣିଥିଲା ମାନସ । ବାକି ୮ଟି କମ୍ପାନୀ ଆଣିଥିଲା ରେହାନ୍ । ଯେଉଁ ରେହାନର ସନ୍ଧାନ ପୁଲିସ ପାଇ ସାରିଛି । ରେହାନରର ଗିରଫଦାରୀ ପରେ ହିଁ ବିଶ୍ୱବିଦ୍ୟାଳୟ ଓ ଫେକ୍ କମ୍ପାନୀ ପଛର ଷଡଯନ୍ତ୍ର ପଦାକୁ ଆସିବ ବୋଲି ଜଣା ପଡିଛି ।
ମାନସ ନାଁରେ ପୁର୍ବରୁ ବାରିପଦା ଟାଉନ ଥାନା ଏବଂ ବାଲେଶ୍ୱରର ସହଦେବଖୁଂଟା ଥାନାରେ ଲକ୍ଷ ଲକ୍ଷ ଟଙ୍କା ଠକେଇର ଅଭିଯୋଗ ରହିଛି । ତେବେ ଗୋଟେ ଠକ ସହ ସୋଆ ବିଶ୍ୱବିଦ୍ୟାଳୟର ସଂପର୍କ ହେଲା କେମିତି ? ୪୨୦ ଠକ ସହ ସୋଆର ଗଟବନ୍ଧନ ପଛର ଉଦ୍ଦେଶ୍ୟ କଣ ଥାଇପାରେ ? ଫେକ୍ ପ୍ଲେସମେଂଟ ଜରିଆରେ ସୋଆ ଲାଭବାନ ହୋଇଛି କି ? ଏସବୁ ପ୍ରଶ୍ନର ଉତର ଖୋଜୁଛି ପୁଲିସ ।