ହିମାଚଳ ପ୍ରଦେଶରେ ଜାରି ରହିଛି ବରଫ ପାତ : ୭ରେ ପହଁଚିଲା ମୃତ୍ୟୁ ସଂଖ୍ୟା
କନକ ବ୍ୟୁରୋ : ହିମାଚଳ ପ୍ରଦେଶର ସିମଲାରେ ଶ୍ୱାସରୁଦ୍ଧ ହୋଇ ୫ଜଣଙ୍କର ମୃତ୍ୟୁ ହୋଇଥିବାବେଳେ ଅତ୍ୟଧିକ ଶୀତ ଯୋଗୁଁ ଅନ୍ୟ ୨ଜଣଙ୍କ ମୃତ୍ୟୁ ହୋଇଛି । ବିହାର ଓ ପଶ୍ଚିମବଙ୍ଗର ୫ଜଣ ଶ୍ରମିକଙ୍କ ସିମଲାରେ ମୃତ୍ୟୁ ହୋଇଛି । ସିମଲାର ଚୈଲି ଅଂଚଳରେ ଏହି ୫ଜଣ ଶ୍ରମିକ ଏକ କୋଠରିରେ ଶୋଇଥିବାବେଳେ ଶ୍ୱାସରୁଦ୍ଧ ହୋଇ ମୁତ୍ୟୁ ମୁଖରେ ପଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶୀତ ଦାଉରୁ ରକ୍ଷା ପାଇବା ପାଇଁ କୋଠରିରେ ଅଙ୍ଗାର ରଖିଥିବାବେଳେ ଏଥିପାଇଁ ଶ୍ୱାସରୁଦ୍ଧ ହୋଇ ଶ୍ରମିକମାନଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ସେହିପରି ସିମଲା ବସଷ୍ଟାଣ୍ଡରେ ଜଣଙ୍କର ମୃତଦେହ ଉଦ୍ଧାର କରାଯାଇଛି । ଏହାସହ ପଶୁ ସମ୍ପଦ ବିଭାଗର ଜଣେ କର୍ମଚାରଙ୍କ ମଧ୍ୟ ଅତ୍ୟଧିକ ଶୀତ ଯୋଗୁଁ ମୃତ୍ୟୁ ହୋଇଥିବା ସୂଚନା ମିଳିଛି ।
ଗତ କିଛି ଦିନ ହେଲା ହିମାଚଳ ପ୍ରଦେଶ, ଉତରାଖଣ୍ଡ ଓ ଜମ୍ମୁ କଶ୍ମୀରରେ ବରଫାପାତ ଜାରି ରହିଛି । ଫଳରେ ସାଧାରଣ ଜୀବନ ଯାତ୍ରା ପ୍ରଭାବିତ ହୋଇଛି । ହିମାଚଳପ୍ରଦେଶ ଚମ୍ବା ଜିଲ୍ଲାର ଭରମୋରରେ ୧୦ସେଂଟିମିଟର ସ୍ନୋ ଫଲ ରେକର୍ଡ କରାଯାଇଛି । ଲାହୌଲ ଓ ସ୍ପିତି ଜିଲ୍ଲାର କୈଲଙ୍ଗରେ ତାପମାତ୍ରା ମାଇନସ୍ ୧୧.୪ଡିଗ୍ରୀ, କିନ୍ନୋର ଜିଲ୍ଲାର କଲ୍ପାରେ ତାପାମତ୍ରା ମାଇନସ୍ ୮.୬, ମନାଲିରେ ମାଇନସ ୬.୬ ଓ ଧର୍ମଶାଳାରେ ମାଇନସ ୭.୨ ତାପମାତ୍ରା ରେକର୍ଡ କରାଯାଇଛି ।