ଆପଣଙ୍କୁ ଯଦି ପଚରାଯାଏ କି, ରେସ୍ତୋରାଁରେ ଯାଇ ଆପଣ କ’ଣ ଖାଇବାକୁ ପସନ୍ଦ କରିବେ, ତେବେ ହୁଏତ ଆପଣଙ୍କ ଉତ୍ତର ହେବ ଚିକେନ୍, ମଟନ କିମ୍ବା ଅନ୍ୟ କୈାଣସି ପପୁଲାର ଆମିଷ ଭୋଜନ । କିନ୍ତୁ ଆପଣ ସାପର ମାଂସର କଳ୍ପନା କେବେ କରିନଥିବେ । ଗୋଟିଏ ଦେଶ ଏମିତି ଅଛି ସେଠାକାର ରୋସ୍ତୋରାଁରେ ଗ୍ରାହକଙ୍କୁ ଖାଇବା ପାଇଁ ସାପର ମାଂସ ଓ ସାପ ରକ୍ତ ମିଶା ୱାଇନ ପରଷା ଯାଏ । ଆପଣଙ୍କୁ ବିଶ୍ୱାସ ଲାଗୁଥାଇନପାରେ କିନ୍ତୁ ଏହା ୧୦୦ ପ୍ରତିଶତ ସତ । ଭିଏତନାମର ଉତ୍ତର ଭାଗରେ ଲୋକଙ୍କ ମଧ୍ୟରେ ବିଷାକ୍ତ ସାପକୁ ସ୍ୱାସ୍ଥ୍ୟ ପାଇଁ ଲାଭକାରୀ ମାନନ୍ତି ।

ଗରମରୁ ଆଶ୍ୱସ୍ଥି ଦିଏ ସାପର ମାଂସ : ଏହି ସାପର ବିଷକୁ ଚାଉଳରେ ତିଆରି ହୋଇଥିବା ମଦ ସହିତ ମଧ୍ୟ ବ୍ୟବହାର କରାଯାଏ । ଏହା ବ୍ୟତୀତ ସାପର ରକ୍ତକୁ ଭିନ୍ନ ଭିନ୍ନ ପ୍ରକାରର ଖାଦ୍ୟ ପ୍ରସ୍ତୁତ କରିବାରେ ପ୍ରୟୋଗ କରାଯାଏ । ସାପର ବିଷକୁ ଖାଇବା ପଛରେ ମାନ୍ୟତା ଏହା ଯେ, ଏହା ଗରମରୁ ଆଶ୍ୱସ୍ଥି ଦେଇଥାଏ ଓ ପ୍ରବଳ ମୁଣ୍ଡବ୍ୟଥାରୁ ଆରାମ ଦେଇଥାଏ । ରେସ୍ତୋରାଁରେ ଏହି ସାପକୁ ଫ୍ରାଏ କରି କିମ୍ବା ବାମ୍ଫରେ ରୋଷେଇ କରି ଭିନ୍ନ ଭିନ୍ନ କିସମର ମସଲା ସହିତ ଲୋକଙ୍କୁ ପରଷାଯାଏ ।

ନପୁଂସକତାର ଅଭିଯୋଗ ଆସିପାରେ : ରେସ୍ତୋରାଁ ମାଲିକ କହିବାନୁସାରେ, ସାପ ରକ୍ତ ମିଶା ୱାଇନ୍ ୫୦ ବର୍ଷରୁ ଅଧିକ ବୟସର ଲୋକଙ୍କ ପାଇଁ ଭଲ । କମ୍ ବୟସରେ ଏହି ୱାଇନକୁ ପିଇବା ଦ୍ୱାରା ନପୁସଂକତାର ଅଭିଯୋଗ ଆସିପାରେ ।