ବୋତଲରେ ବେଆଇନ୍ ଭାବେ ଚୋରା ଚାଲାଣ ହେଉଥିଲା ୧ କୋଟି ୭୦ ଲକ୍ଷ ଟଙ୍କାର ସାପ ବିଷ ! ପୋଲିସର ଚଢାଉ, ୪ ଗିରଫ ।
ବେଆଇନ୍ ଭାବେ ୧ କୋଟି ୭୦ ଲକ୍ଷ ଟଙ୍କାର ସାପ ବିଷ ଚୋରା ଚାଲାଣ କରୁଥିବା ଅଭିଯୋଗରେ ମହାରାଷ୍ଟ୍ରର ରାଇଗାଦ୍ ପୁଲିସ ଆନ୍ତଃ-ରାଜ୍ୟ ଗ୍ୟାଙ୍ଗ୍ ଚାରି ଜଣ ସଦସ୍ୟଙ୍କୁ ଗିରଫ କରିଛି । ସୂଚନା ଆଧାରରେ ପୁଲିସ ୪୬ ବର୍ଷିୟ ରାଜାରାମ୍ ଜୈସଓ୍ଵାର୍ ଓ ୩୭ ବର୍ଷିୟ ଉଦୟନାଥ ଜୈସଓ୍ଵାରଙ୍କୁ ରାଇଗାଦର ମାଣ୍ଡଓ୍ଵା ଜେଟ୍ଟି ଠାରେ ଗିରଫ କରାଯାଇଛି। ଗୋଟିଏ ପାଣି ବୋତଲରେ ରଖାଯାଇଥିବା ସାପ ବିଷ ମଧ୍ୟ ତାଙ୍କ ଠାରୁ ଜବତ କରାଯାଇଛି ବୋଲି ଜଣେ ପୁଲିସ ଅଧିକାରୀ କହିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ମୁମ୍ବାଇର ମାଲଓ୍ଵାନିବାସୀ ଅଭିଯୁକ୍ତ ପୁଲିସକୁ କହିଛନ୍ତି ଯେ ଗୁଜୁରାଟର ଦୁଇଜଣ ବ୍ୟକ୍ତି ସେମାନଙ୍କୁ ଏହି ବିଷ ଦେଇଛନ୍ତି । ତା’ପରେ ପୁଲିସ ଗୁଜୁରାଟର ଓ୍ଵାପି ଜିଲ୍ଲାରୁ ୩୬ ବର୍ଷିୟ ଦେବୀଲାଲ୍ ଯୋଷୀ ଏବଂ ୩୫ ବର୍ଷିୟ ସନ୍ତୋଷ କୁମାର ସିଂହଙ୍କୁ ଗିରଫ କରାଯାଇଛି ବୋଲି ପୁଲିସ କହିଛି । ସ୍ଥାନୀୟ ଅଦାଲତ ଚାରି ଜଣଙ୍କୁ ଅକ୍ଟୋବର ୨୯ ତାରିଖ ଯାଏଁ ପୁଲିସ ହାଜତକୁ ପଠାଇ ଦେଇଛନ୍ତି । ଅଭିଯୁକ୍ତମାନେ କେଉଁଠୁ ବିଷ କିଣିଲେ ଏବଂ କେଉଁ ଉଦ୍ଦେଶ୍ୟରେ ତାହାକୁ ବ୍ୟବହାର କରିଥାଅନ୍ତେ, ପୁଲିସ ତାହା ତଦନ୍ତ କରୁଛି।