ଆପଣଙ୍କୁ ରୋଗାଗ୍ରସ୍ତ କରିପାରେ ଆପଣଙ୍କ ମୋବାଇଲ ! ମିଳିଲା ୧୨ ପ୍ରକାର ଜୀବାଣୁ, ବୈଜ୍ଞାନିକ ଦେଲେ ସାଂଘାତିକ ତଥ୍ୟ ।
ମୋବାଇଲ ଫୋନ ଆଜିକାଲି ଲୋକମାନଙ୍କ ପାଇଁ ଆବଶ୍ୟକିୟ ଜିନିଷ ପାଲଟିଗଲାଣି । ସକାଳୁ ଉଠୁ ଉଠୁ ଅନ୍ୟ କୌଣସି କାମ କରିବା ପୂର୍ବରୁ ମୋବାଇଲକୁ ଆଗ ଦେଖିଥାଉ ଏବଂ ରାତିରେ ଶୋଇବାର ଶେଷ ସମୟରେ ପର୍ଯ୍ୟନ୍ତ ମଧ୍ୟ ହାତରେ ମୋବାଇଲ ରହିଥାଏ । କେବଳ ସେତିକି ନୁହେଁ ଆମେ ଖାଇବା ବେଳେ ମଧ୍ୟ ଗୋଟେ ହାତରେ ଖାଇବା ସହ ଅନ୍ୟ ହାତରେ ମୋବାଇଲକୁ ବ୍ୟବହାର କରିଥାଉ । କିନ୍ତୁ ଯଦି କୁହାଯାଏ ଆପଣଙ୍କ ମୋବାଇଲ ଫୋନ ଟଏଲେଟ ସିଟ୍ ଠାରୁ ବି ଅପରିଷ୍କାର ତେବେ ଆପଣ କଣ କରିବେ?
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ଏକ ରିପୋର୍ଟ ଅନୁଯାୟୀ, ଟଏଲେଟ ସିଟ୍ ଠାରୁ ବି ଅଧିକ କିଟାଣୁ ମୋବାଇଲ ଫୋନରୁ ବାହାରିଥାଏ । ଇଂଲଣ୍ଡ ସ୍ଥିତ ଏକ ଗେଜେଟ ବିମା କମ୍ପାନୀ ଟୁ-ଗୋ ଦ୍ୱାରା କରାଯାଇଥିବା ଏକ ଅନୁଧ୍ୟାନ ଅନୁଯାୟୀ, ଏକ ତୃତୀୟାଶଂ ରୁ ଅଧିକ ୟୁଜର୍ସ ମୋବାଇଲକୁ କୌଣସି ତରଳ ପଦାର୍ଥରେ ସଫା କରିନଥାନ୍ତି । ଯାହା ଫଳରେ ମୋବାଇଲରେ ଅଧିକ ମାତ୍ରାରେ କିଟାଣୁ ରହିଥାନ୍ତି । ରିପୋର୍ଟରେ ଏହା ମଧ୍ୟ କୁହାଯାଇଛି ପ୍ରତି ୨୦ ଜଣ ୟୁଜର୍ସଙ୍କ ମଧ୍ୟରୁ ଜଣେ ବ୍ୟକ୍ତି ପ୍ରତି ୬ ମାସରେ ଥରେ ମୋବାଇଲ ସଫା କରିଥାନ୍ତି । ଯାହା କି ଲୋକଙ୍କ ପାଇଁ ବହୁତ ଖତରନାକ ହୋଇଥାଏ । ମୋବାଇଲ ଉପରେ ଥିବା କିଟାଣୁ ଆପଣମାନଙ୍କୁ ଗମ୍ଭିର ରୋଗରେ ପକାଇପାରେ ।
ସ୍ମାର୍ଟ ଫୋନରୁ ଟଏଲେଟ ସିଟ୍ ଠାରୁ ଅଧିକ ଜୀବାଣୁ ମିଳିଛନ୍ତି । ଟଏଲେଟରେ ୩ ପ୍ରଜାତିର ଜୀବାଣୁ ମିଳୁଥିବା ବେଳେ ମୋବାଇଲରୁ ପ୍ରାୟ ୧୦-୧୨ ପ୍ରଜାତିର ଜୀବାଣୁ ଦେଖିବାକୁ ମିଳିଛି । ମୋବାଇଲ ସ୍କ୍ରିନ ଉପରୁ ଇ-କୋଲାଇ, ଏବଂ ଫିକଲ ଭଳି ଖତରନାକ ଜୀବାଣୁ ଦେଖିବାକୁ ମିଳିଛି । ଏହି ଜୀବାଣୁ ମୋବାଇଲରୁ ହାତକୁ ଚାଲିଯାଇ ଲୋକଙ୍କୁ ରୋଗାଗ୍ରସ୍ତ କରିଥାଏ । କିନ୍ତୁ ଆମେ ଏକଥାକୁ ଜାଣି ପାରିନଥାଉ ।
ବଞ୍ଚିବାର ଉପାୟ
ମୋବାଇଲକୁ ସ୍ୱଚ୍ଛ ରଖିବା ପାଇଁ ମୋବାଇଲକୁ ଟଏଲେଟ ନେଇ ଯାଆନ୍ତୁ ନାହିଁ । ମୋବାଇଲକୁ ନିୟମିତ ସାବୁନ ପାଣିରେ କପଡାକୁ ହାଲକା ଓଦା କରି ସଫା କରନ୍ତୁ । କିନ୍ତୁ ଧ୍ୟାନ ରଖନ୍ତୁ ମୋବାଇଲକୁ ସଫା କରିବା ସମୟରେ ଫୋନକୁ ଅଫ କରିଦେବା ଉଚିତ । ସଫା କରିବା ପାଇଁ ସାବୁନ ପାଣି ବ୍ୟତିତ କୋଲିନ-ସ୍ପ୍ରେ ମଧ୍ୟ ବ୍ୟବହାର କରିପାରିବେ ।