ରାତିରେ ଶୋଇବା ବେଳେ ସ୍ମାର୍ଟ ଫୋନ ବ୍ୟବହାର ପାଇଁ ଭାରତରେ ବଢୁଛି ନିଦ୍ରା ହୀନତା ! ସେଞ୍ଚୁରି ମ୍ୟାଟ୍ରେସେସ୍ ପକ୍ଷରୁ ଜାରି ହେଲା ସୂଚନା
କନକ ବ୍ୟୁରୋ : ଯୁବପୀଢିଙ୍କ ମଧ୍ୟରେ ଏବେ ସ୍ମାର୍ଟ ଫୋନ ବ୍ୟବହାର କରିବାରେ ଯେପରି ଏକ ପ୍ରତିଯୋଗିତା ହେବା ଭଳି ମନେ ହେଉଛି । ସ୍କୁଲ ଓ କଲେଜରେ ପଢୁଥିବା ପିଲାମାନେ କାହାର କେଉଁ ପ୍ରକାର ଫୋନ ରହିଛି ତାହା ବିଷୟରେ ଜାଣିବା ପାଇଂ ମନରେ ଥାଏ ଅନେକ ଇଚ୍ଛା । ତେବେ ଏହା ଶରୀର ଉପରେ କିପରି ଭାବରେ ପ୍ରଭାବ ପକାଉଛି ତାହା ସେମାନେ ଜାଣିପାରୁ ନାହାନ୍ତି । ପାଠପଢା ସରିବା ପରେ ଅନେକ ରାତି ପର୍ଯ୍ୟନ୍ତ ବିନା ବାଇଟରେ ମୋବାଇଲ ଦେଖିବା ଏବେ ସମସ୍ତଙ୍କର ଅଭ୍ୟାସ ହୋଇ ଗଲାପରି ମନେ ହେଉଛି । ତେବେ ଅନ୍ଧାରରେ ଫୋନରୁ ଯେଉଁ ଭଳି ଭାବରେ ରେଡିୟମର ରଶ୍ମି ବାହାରେ ତାହା ଆଖି ଉପରେ କେତେ ପରିମାଣରେ କ୍ଷତି କରେ ସେ ବିଷୟରେ ଜାଣି ନାହାନ୍ତି ସେମାନେ ତେଣୁ ମନ ଇଚ୍ଛା ରାତିରେ ଫୋନ ବ୍ୟବହାର କରୁଛନ୍ତି ଯୁବ ବର୍ଗମାନେ । ତେବେ ଭାରତର ଅଗ୍ରଣୀ ମ୍ୟାଟ୍ରେସ୍ ବ୍ରାଣ୍ଡ୍, ସେଞ୍ଚୁରି ମ୍ୟାଟ୍ରେସେସ୍ ପକ୍ଷରୁ ଲୋକମାନଙ୍କ ଶୋଇବା ଶୈଳୀ ଉପରେ ଏକ ସର୍ଭେ କରାଯାଇଥିଲା । ଶୋଇବା ଶୈଳୀ, ନିଦ୍ରାରେ ବ୍ୟାଘାତ ଓ ଅନ୍ୟାନ୍ୟ ସମସ୍ୟା ବିଷୟରେ ଜାଣିବା ପାଇଁ ବିଭିନ୍ନ ସହରରେ ଏହି ସର୍ଭେ କରାଯାଇଥିଲା।
Kanak News is now on WhatsApp
Join and get latest news updates delivered to you via WhatsApp
ଏହି ୧୦ ଟି ସହରରେ, ସର୍ଭେରୁ ଜଣାପଡ଼ିଥିଲା ଯେ ମୋଟାମୋଟି ଭାବେ ୫୩% ଲୋକ ଟିଭି, ଲାପଟପ୍, ଟାବଲେଟ୍ କିମ୍ବା ଫୋନ୍ରେ ସୋ’ ଦେଖିବା ଓ ଫେସବୁକ୍, ଟ୍ଵିଟର୍, ଇନଷ୍ଟାଗ୍ରାମ୍ ଇତ୍ୟାଦିରେ ସୋସିଆଲ ମିଡିଆ ଫିଡ୍ ବ୍ରାଉଜିଂ କରୁଥିବାରୁ ରାତିରେ ଅନିଦ୍ରା ରହୁଛନ୍ତି । କାମ କିମ୍ବା ଆର୍ଥିକ ସଂପର୍କିତ ସମସ୍ୟା ଯୋଗୁଁ ୧୮% ଲୋକ ରାତିରେ ଚେଇଁ ରହୁଛନ୍ତି । ୫୪% ଲୋକ କହିଛନ୍ତି ଯେ ସପ୍ତାହ ଦିବସଗୁଡ଼ିକରେ ସେମାନେ ରାତି ୧୦ଟାରୁ ୧୧ଟା ଭିତରେ ଶୋଇପଡ଼ୁଥିବା ବେଳେ ସପ୍ତାହନ୍ତ ରେ କେବଳ ୨୫% ଲୋକ ସେହି ସମୟ ଭିତରେ ଶୋଇପାରୁଛନ୍ତି। ସଂଖ୍ୟାଧିକ ଅର୍ଥାତ ୪୩% ଲୋକ ସକାଳ ୫-୬ଟା ଭିତରେ ସପ୍ତାହ ଦିବସଗୁଡ଼ିକରେ ଶେଜ ତ୍ୟାଗ କରୁଥିବା ବେଳେ ସପ୍ତାହନ୍ତ ରେ ୩୧% ଲୋକ ସକାଳ ୭-୮ଟା ଭିତରେ ନିଦରୁ ଉଠୁଛନ୍ତି । ୬୮% ଲୋକ କହିଛନ୍ତି ଯେ ସେମାନେ ଶୋଇଥିବା ବେଳେ ଅତି କମରେ ୧-୨ ଥର ସେମାନଙ୍କ ନିଦ ଭାଙ୍ଗିଥାଏ। ଲମ୍ବା ଯାତ୍ରା ଅବଧି, କର୍ମ ଚାପ ଓ ରାତିରେ କମ୍ ଶୋଇବା ଯୋଗୁ ସପ୍ତାହ ଦିବସଗୁଡିକରେ ୧-୩ ଦିନ ଅତିକମରେ ୩୭% ଲୋକ ନିଦୁଆ ଅନୁଭବ କରୁଥିବା ବେଳେ ୧୦% ଲୋକ ସବୁ ଦିନ କାମକୁ ଯିବା ବେଳେ କିମ୍ବା କାମରୁ ଫେରିବା ବେଳେ ନିଦୁଆ ଅନୁଭବ କରିଥାନ୍ତି । ଏହି ସର୍ଭେ କରିବା ପାଇଁ ସେଂଚୁରି ମ୍ୟାଟ୍ରେସେସ୍ ପକ୍ଷରୁ ବିଶ୍ୱର ଏକ ଅଗ୍ରଣୀ ମାପ ଓ ଡାଟା ଆନାଲିଟିକ୍ସ କଂପାନି ନିଲ୍ସନ୍କୁ ନିଯୁକ୍ତ କରାଯାଇଥିଲା ଯାହାର ନମୁନା ପରିମାଣ ଦେଶର ୧୦ଟି ସହରର ୧୫୨୪ ଜଣ ଲୋକ ଥିଲେ।