ଆମେରିକା ବଢ଼ାଇବ ଓଡ଼ିଶାର ଦକ୍ଷତା ! ଆମେରିକାର ବିଭିନ୍ନ ସଂସ୍ଥା ସହ ହେଲା ଚୁକ୍ତି, ସ୍କିଲ ଓଡ଼ିଶା କର୍ମଶାଳାରେ ଭାଗନେଲେ ୨୫ଟି ବିଭାଗରୁ ୨୦୦ ପ୍ରତିଯୋଗୀ ।
କନକ ନ୍ୟୁଜ : ଦକ୍ଷତା ବିକାଶ ପାଇଁ ଆମେରିକାର ମାସାଚ୍ୟୁଟ୍ ବିଶ୍ୱବିଦ୍ୟାଳୟ, ସିଡାକ୍, ସେଂଟ୍ରାଲ ଟୁଲ୍ ରୁମ୍ ଆଣ୍ଡ୍ ଟ୍ରେନିଂ ପରି ସଂସ୍ଥା ସହ ବୁଝାମଣା ସାକ୍ଷର କରିଛନ୍ତି ରାଜ୍ୟ ସରକାରଙ୍କ ବିଭିନ୍ନ ଅନୁଷ୍ଠାନ । ସେପଟେ ଉଦଘାଟିତ ହୋଇଯାଇଛି ସ୍କିଲ ଓଡ଼ିଶା କର୍ମଶାଳା । ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ଆୟୋଜିତ କାର୍ଯ୍ୟକ୍ରମକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ଏହି ଦୁଇ ଦିନିଆ କାର୍ଯ୍ୟକ୍ରମରେ ୨୫ଟି ବିଭାଗରୁ ୨୦୦ ପ୍ରତିଯୋଗୀ ସାମିଲ ହୋଇ ନିଜସ୍ୱ ଆବିଷ୍କାର ପ୍ରଦର୍ଶନ କରିଛନ୍ତି । ଆସନ୍ତାକାଲି ଏହି କର୍ମଶାଳା ଉଦଯାପନୀ ହେବ । ଉଦଯାପନୀ ଉତ୍ସବରେ ପ୍ରତିଟି ବିଭାଗର ଦୁଇଜଣ କୃତୀ ପ୍ରତିଯୋଗୀଙ୍କୁ ଜାତୀୟ ସ୍ତର ପ୍ରତିଯୋଗିତାରେ ସାମିଲ ହେବା ପାଇଁ ସୁଯୋଗ ମିଳିବ । ଜାତୀୟ ସ୍ତରରେ ଉତ୍ତୀର୍ଣ୍ଣ ହୋଇଥିବା ପ୍ରତିଯୋଗୀ ମସ୍କୋରେ ହେବାକୁ ଥିବା ଆନ୍ତଜାର୍ତୀୟ ପ୍ରତିଯୋଗିତାରେ ସାମିଲ ହେବେ । ରାଜ୍ୟର ଯେଉଁ ପ୍ରତିଯୋଗୀ ଜାତୀୟ ସ୍ତରରେ ଉତ୍ତୀର୍ଣ୍ଣ ହେବେ ତାଙ୍କୁ ରାଜ୍ୟ ସରକାରଙ୍କ ତରଫରୁ ପୁରସ୍କାର ଦିଆଯିବ ବୋଲି ମୁଖ୍ୟମନ୍ତ୍ରୀ ପୂର୍ବରୁ ଘୋଷଣା କରିସାରିଛନ୍ତି ।