କନକ ବ୍ୟୁରୋ: ସ୍କିଲ ଓଡିଶାକୁ ନେଇ ଦିଲ୍ଲୀର ହୋଟେଲ ଆଶୋକରେ ଆୟୋଜିତ ହୋଇଯାଇଛି ଏକ ଆଲୋଚନା ଚକ୍ର । ଏଥିରେ ରାଜ୍ୟ ସରକାରଙ୍କ ବିଭିନ୍ନ ବିଭାଗର ଉଚ୍ଚ ଅଧିକାରୀଙ୍କ ସମେତ ଦେଶର ବହୁ କମ୍ପାନୀର ପ୍ରମୁଖ ଅଧିକାରୀ ଯୋଗ ଦେଇଥିଲେ । ଏହି ଅବସରରେ ରାଜ୍ୟରେ ଦକ୍ଷତା ବିକାଶ ନେଇ ଥିବା ପରିବେଶ ଏବଂ ରାଜ୍ୟରେ ଏହାର ଭବିଷ୍ୟତ ନେଇ ପୁଂଖାନୁପୁଂଖ ଆଲୋଚନା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ସରକାର ଓଡିଶାକୁ ସ୍କିଲ କ୍ୟାପିଟାଲ କରିବା ପାଇଁ ଉଦ୍ୟମ କରୁଛନ୍ତି ଏବଂ ଏଥି ପାଇଁ ପଦକ୍ଷେପ ନିଆଯାଉଥିବା କହିଛନ୍ତି ବରିଷ୍ଠ ଅଧିକାରୀ । ଉଦଘାଟନ ଉତ୍ସବରେ ରାଜ୍ୟ ଦକ୍ଷତା କର୍ତୃପକ୍ଷର ଅଧ୍ୟକ୍ଷ ସୁବ୍ରତୋ ବାଗ୍ଚୀ , ଅଷ୍ଟ୍ରେଲିଆ ହାଇକମିଶନଙ୍କ ପ୍ରଥମ ସଚିବ ଲିଣ୍ଡେ କର୍ବେଟ ପ୍ରମୁଖ ଯୋଗ ଦେଇଥିଲେ । ଏହି ଅବସରରେ ଏକାଧିକ ଶିଳ୍ପୋଦ୍ୟୋଗୀ ନିଜ ନିଜ ଅଭିଜ୍ଞତା ବର୍ଣ୍ଣନା କରିଥିଲେ । ଏହି ଅବସରରେ ସଫଳ ଉଦ୍ୟୋଗ, ସଫଳ ପ୍ରଶିକ୍ଷକ, ସଫଳ ଚାକିରିଦାତା ଆଦି ପୁରସ୍କାର ମଧ୍ୟ ପ୍ରଦାନ କରାଯାଇଛି ।