ସଂକଟ ବେଳେ ସଂଜୀବନୀ । ମାନ୍ଦାବସ୍ଥା ମୁକାବିଲା ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବଡ ଘୋଷଣା , ରିୟଲ ଇଷ୍ଟେଟ କ୍ଷେତ୍ରକୁ ସ୍ୱତନ୍ତ୍ର ପ୍ୟାକେଜ
କନକ ବ୍ୟୁରୋ : ଦେଶର ମାନ୍ଦାବସ୍ଥା ଦୂର କରିବା ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଡ ଘୋଷଣା କରିଛନ୍ତି । ରିଅଲ ଇଷ୍ଟେଟ ଉପରେ ଫୋକସ କରିଛନ୍ତି ଅର୍ଥମନ୍ତ୍ରୀ । ୬୦ ପ୍ରତିଶତ ନିର୍ମାଣ ସରିବା ପରେ ଅଟକି ରହିଥିବା ହାଉସିଂ ପ୍ରୋଜେକ୍ଟ ପାଇଁ କେନ୍ଦ୍ର ସରକାର ୧୦ ହଜାର କୋଟି ଟଙ୍କାର ସହାୟତା ଘୋଷଣା କରିଛନ୍ତି । ସେହିପରି ନିବେଶକଙ୍କ ପାଖରୁ ଆଉ ୧୦ ହଜାର କୋଟି ଟଙ୍କା ଆଣିବାକୁ ଯୋଜନା କରିଛନ୍ତି ସରକାର ।
Kanak News is now on WhatsApp
Join and get latest news updates delivered to you via WhatsApp
ଅଟକି ରହିଥିବା ପ୍ରକଳ୍ପ ପାଇଁ ମୋଟ ୨୦ ହଜାର କୋଟିର ଟ୍ରେସ ଫଣ୍ଡ ଗଠନ କରିବାକୁ ଘୋଷଣା କରିଛନ୍ତି ଅର୍ଥମନ୍ତ୍ରୀ । ଯାହା ଫଳରେ ଅର୍ଥ ଅଭାବରୁ ଦିଲ୍ଲୀ ଓ ଏନସିଆରରେ ଅଟକି ରହିଥିବା ଘର ନିର୍ମାଣ ପ୍ରକଳ୍ପ ଫାଇଦା ପାଇବେ । ତେବେ ସରକାରଙ୍କ ସର୍ତ ଏନପିଏ ଓ ଏନ୍ସିଏଲଟିରେ ମାମଲା ଥିଲେ ଟ୍ରେସ ଫଣ୍ଡରୁ ଘର ନିର୍ମାଣକାରୀ ସଂସ୍ଥାକୁ ଅର୍ଥ ମିଳିବ ନାହିଁ । ଘର କିଣିବାକୁ ଚାହୁଁଥିବା ମଧ୍ୟବିତ ବର୍ଗଙ୍କୁ ନିର୍ମଳାଙ୍କ ଘୋଷଣା ଆଶ୍ୱସ୍ତି ଆଣି ଦେଇଛି ।
ସେହିପରି ରପ୍ତାନୀ ବୃଦ୍ଧି କରିବା ପାଇଁ ଟିକସ ହ୍ରାସ ଘୋଷଣା କରିଛନ୍ତି ନିର୍ମଳା ସୀତାରମଣ । ଏଥିସହ ରପ୍ତାନୀ ପାଇଁ ଲାଗୁଥିବା ସମୟ କମ କରିବା ଅର୍ଥାତ୍ ଗୁଡସ କ୍ଲିୟରେନ୍ସ ଦିନକ ଭିତରେ ଶେଷ କରିବା ଉପରେ ସେ ଗୁରୁତ୍ୱ ଦେଇଛନ୍ତି । ସେହିପରି ଆସନ୍ତା ବର୍ଷ ମାର୍ଚ୍ଚରୁ ଦେଶର ୪ଟି ସ୍ଥାନରେ ମେଗା ସପିଙ୍ଗ ଫେଷ୍ଟିଭାଲ ଆୟୋଜନ କରାଯିବ । ସୁନା ଅଳଙ୍କାର, ଯୋଗ ଓ ପର୍ଯ୍ୟଟନ, ବୟନଶିଳ୍ପ ଓ ଚମଡା ଶିଳ୍ପ କ୍ଷେତ୍ରରେ ଏହି ମେଗା ସପିଙ୍ଗ ଫେଷ୍ଟିଭାଲ ଆୟୋଜିତ ହେବ ବୋଲି କହିଛନ୍ତି ନିର୍ମଳା ସୀତାରମଣ ।