ଦିବ୍ୟାଙ୍ଗ ଭାଇ ପାଇଁ ଭଉଣୀର ଆବିଷ୍କାର ! ଭାଇର ସ୍କୁଲ ବନ୍ଦ ନହେଉ ବୋଲି ନିର୍ମାଣ କଲା ସ୍ୱତନ୍ତ୍ର ସାଇକେଲ ।
ଆଉ ସେହି ସମ୍ପର୍କ ମଧ୍ୟରୁ ଗୋଟେ ଭାଇ ଆଉ ଭଉଣୀ ସମ୍ପର୍କର ନା ଥାଏ କୌଣସି ସ୍ୱାର୍ଥ ନା ଥାଏ କୌଣସି ସର୍ତ୍ତ ।
କନକ ବ୍ୟୁରୋ: ଜୀବନରେ ଏମିତି କିଛି ସମ୍ପର୍କ ଥାଏ ଯାହା ଆପଣଙ୍କ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ । ଆଉ ସେହି ସମ୍ପର୍କ ମଧ୍ୟରୁ ଗୋଟେ ଭାଇ ଆଉ ଭଉଣୀ ସମ୍ପର୍କର ନା ଥାଏ କୌଣସି ସ୍ୱାର୍ଥ ନା ଥାଏ କୌଣସି ସର୍ତ୍ତ । ଆସନ୍ତୁ ଜାଣିବା ଏମିତି ଏକ ଭଉଣୀ ବିଷୟରେ ଯିଏ ଅନେକଙ୍କ ପାଇଁ ଉଦାହରଣ ପାଲଟିଛନ୍ତି । ନିଜ ଦିବ୍ୟାଙ୍ଗ ଭାଇ ପାଇଁ ନିର୍ମାଣ କରିଛନ୍ତି ହ୍ୱିଲ୍ ଚେୟାର ସାଇକେଲ । କାରଣ ତା ଭାଇ ଯେମିତି ତାର ଶାରିରୀକ ଅକ୍ଷମତା ଯୋଗୁଁ ସ୍କୁଲ ଯିବାରେ ଅସୁବିଧା ନହେଉ ସେଥିପାଇଁ ତିଆରି କରିଛି ସ୍ୱତନ୍ତ୍ର ସାଇକେଲ ।
Kanak News is now on WhatsApp
Join and get latest news updates delivered to you via WhatsApp
ମହାରାଷ୍ଟ୍ର ପୁଣେ ସହରର ବାସିନ୍ଦା ମୟୂରୀ ଯାଦବ ବୟସ ମାତ୍ର ୧୬ ବର୍ଷ । ନିଜ ଦିବ୍ୟାଙ୍ଗ ସାନ ଭାଇ ନିଖିଲ ଯାଦବଙ୍କ ପାଇଁ ଏକ ସ୍ୱତନ୍ତ୍ର ସାଇକେଲ ନିର୍ମାଣ କରି ଚର୍ଚ୍ଚାକୁ ଆସିଛନ୍ତି । ଏହା ହ୍ୱିଲ ଚେୟାର କମ୍ ସାଇକେଲ ଅଟେ । ଏହାଦ୍ୱାରା ମୟୂରୀ ନିଜ ଦିବ୍ୟାଙ୍ଗ ଭାଇକୁ ସ୍କୁଲ ନେବା ଆଣିବା କରିବାରେ ଆଉ ଅସୁବିଧା ହେବ ନାହିଁ । ସୂଚନା ମୁତାବକ ମୟୂରୀ ଯାଦବ ଆନନ୍ଦ ବିଦ୍ୟାଳୟରେ ୧୦ମ ଶ୍ରେଣୀର ଛାତ୍ରୀ ଅଟନ୍ତି । ମୟୂରୀର ସାନ ଭାଇ ନିଖିଲର ଗୋଡ ପିଲାଟି ଦିନକାମ କରେ ନାହିଁ । ଆଉ ବାପା ଘରେ ନଥିବା ସମୟରେ ନିଖିଲକୁ ସ୍କୁଳ ଯିବାରେ ହଇରାଣ ହୁଏ ଫଳରେ ସ୍କୁଲ ବନ୍ଦ କରିବାକୁ ପଡେ । ଏହି ଅସୁବିଧାକୁ ଦୂର କରିବା ପାଇଁ ମୟୂରୀ ନିଜ ଶିକ୍ଷକ ଓ ପ୍ରଧାନ ଶିକ୍ଷକଙ୍କ ସହ ଆଲୋଚନା କରି ହ୍ୱିଲଚେୟାର -କମ୍- ସାଇକେଲର ନିର୍ମାଣ କରିଛନ୍ତି । ଏଥିରେ ନିଖିଲ ଆରାମରେ ନିଜ ଭଉଣୀ ସହ ସ୍କୁଲ ଯାତାୟତ କରୁଛି ।
ଏହାକୁ ନେଇ ଆନନ୍ଦ ବିଦ୍ୟାଳୟର ପ୍ରଧାନ ଶିକ୍ଷକ କହିଛନ୍ତି, ମୟୂରୀର ଭାଇ ପାଠରେ ବହୁତ ଭଲ, କିନ୍ତୁ ଘରେ ବାପା ନଥିବା ସମୟରେ ସେ ସ୍କୁଲକୁ ଆସିପାରେନି । ତେଣୁ ମୟୂରୀ ମୟୂରୀର ଏହି ବିଚାରକୁ ଶୁଣି ପ୍ରଥମେ ଲାଗିଲା ଏହା ସମ୍ଭବ ନୁହେଁ, କିନ୍ତୁ ପରେ ବିଜ୍ଞାନ ଶିକ୍ଷକ ଜୟରାମ ପାୱାର, ଭାସିକର ଓ ଆମ ସ୍କୁଲର ଯାନ୍ତ୍ରୀକ ଟିମ ସହ ଆଲୋଚନା କରି ଏହା ଉପରେ ସଫଳତା ହାସଲ କଲେ ମୟୁରୀ । ମୟୂରୀର କହିବାନୁସାରେ, ‘ଭାଇକୁ କୋଳରେ ଉଠାଇ ସ୍କୁଟରରେ ବସେଇ ସ୍କୁଲ ଛାଡିବା ବାପାଙ୍କ ପାଇଁ କଷ୍ଟକର ହେଉଛି । ଘରେ ବାପା ନଥିବା ସମୟରେ ସେ ସ୍କୁଲକୁ ଯାଇପାରୁନି । ସେଥି ପାଇଁ ମୁଁ ଏହା ଉପରେ ଭାବିଲି ଓ ବିଚାର କରିଲି ଯେ ଭାଇକୁ ମୋ ସହ ହିଁ ସ୍କୁଲ ନେଇକି ଯିବି । ଆଉ ତାହା ଦୃଢ଼ ପରିଶ୍ରମ ଏବଂ ଗୁରୁଜୀଙ୍କ ସମର୍ଥନ ତାହା ବାସ୍ତବତାରେ ପରିଣତ ହୋଇପାରିଲା ।